ព័ត៌មានជាតិ
ឯកឧត្ដម ហ៊ុន ម៉ានី ៖ កត្តាសាមគ្គីទស្សនៈ គោលជំហរ ការអនុវត្តការងារដូចភ្លៀងរលឹម ជាកត្តាកំណត់ប្រៀបឈ្នះរបស់គណបក្សប្រជាជនកម្ពុជា
ឯកឧត្ដម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សចុះជួយខេត្តកំពង់ស្ពឺ សង្កត់ធ្ងន់ថា កត្តាសាមគ្គីទស្សនៈ និងគោលជំហរ ព្រមជាមួយការអនុវត្តការងារដូចភ្លៀងរលឹម គឺជាកត្តាកំណត់ប្រៀបឈ្នះរបស់គណបក្សប្រជាជនកម្ពុជា លើសមរភូមិនយោបាយប្រជាធិបតេយ្យ តាំងពីដើមរៀងរហូតមក។
ការសង្កត់ធ្ងន់នេះ បន្ទាប់ពី ឯកឧត្ដម ហ៊ុន ម៉ានី បានអញ្ជើញដឹកនាំកិច្ចប្រជុំជាមួយក្រុមការងារ និងគណៈកម្មាធិការគណបក្សស្រុក និង ឃុំ ទាំង ១០ នៃស្រុកសាមគ្គីមុនីជ័យ នៅទីស្នាក់ការគណបក្សស្រុក កាលពីព្រឹកថ្ងៃទី ២១ ខែមេសា ឆ្នាំ ២០២៤។
ឯកឧត្ដម ហ៊ុន ម៉ានី លើកឡើងថា ជាទូទៅ ពេលវេលា នៃថ្ងៃចុងសប្ដាហ៍ ត្រូវបានប្រើប្រាស់សម្រាប់បំពេញភារកិច្ចជូនគណបក្ស ក្នុងនាមជាមន្ត្រីរបស់គណបក្ស។ ការចំណាយពេលវេលាមកជួបជុំគ្នានេះ បានឆ្លុះបញ្ចាំងពីការរួបរួមគ្នារបស់ក្រុមការងារដែលមានតួនាទី-ភារកិច្ចនៅស្ថាប័នផ្សេងៗ គ្នា ទាំងថ្នាក់ជាតិ និងថ្នាក់ក្រោមជាតិ។
ឯកឧត្ដម ហ៊ុន ម៉ានី លើកឡើងបន្តថា ដូចពីថ្ងៃម្សិលដែរ បន្ទាប់ពីស្រុកឱរ៉ាល់ និងថ្ពង ថ្ងៃនេះ ឯកឧត្ដម បានមកកាន់ស្រុកសាមគ្គីមុនីជ័យ ដើម្បីជួបពិភាក្សាការងារជាមួយ សមាជិក-សមាជិកា ជាក្បាលម៉ាស៊ីនដឹកនាំគណបក្សស្រុក និងឃុំ ដើម្បីស្តាប់របាយការណ៍ការងារ និងសភាពការណ៍ក្នុងមូលដ្ឋាន ដើម្បីកំណត់នូវទិសដៅការងារសំខាន់ៗ ចំពោះមុខ ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា រាជធានី-ខេត្ត និងក្រុង-ស្រុក-ខណ្ឌ នាពេលខាងមុខ។
ឯកឧត្ដមសង្កត់ធ្ងន់ថា «ក្រៅពីធ្វើការគណបក្ស យើងក៏បានរំឭកអនុស្សាវរីយ៍នានា កន្លងមក ជាលក្ខណៈស្និទ្ធស្នាលជាមួយគ្នា រវាងក្រុមការងារទាំងអស់។ លក្ខណៈពិសេស នៃខេត្តកំពង់ស្ពឺ សុខដុមនីយកម្មរវាងចាស់ និងក្មេង ដែលបាននាំមកនូវការសហការគ្នាយ៉ាងស្អិតរមួត ឈានដល់ការទទួលបានជោគជ័យយ៉ាងត្រចះត្រចង់ជូនគណបក្ស ពីបោះឆ្នោតមួយទៅការបោះឆ្នោតមួយ។ កត្តាសាមគ្គីទស្សនៈ និងគោលជំហរ ព្រមជាមួយការអនុវត្តការងារដូចភ្លៀងរលឹម គឺជាកត្តាកំណត់ប្រៀបឈ្នះរបស់គណបក្សប្រជាជនកម្ពុជា លើសមរភូមិនយោបាយប្រជាធិបតេយ្យ តាំងពីដើមរៀងរហូតមក»។
គួរជម្រាបថា កិច្ចប្រជុំ ព្រឹកមិញនេះ ក៏មានការអញ្ជើញចូលរួមពី លោក សំ រិទ្ធី អនុប្រធានក្រុមការងារ, លោក យឹម សុខុម អនុប្រធានគណបក្សខេត្ត ,លោកប្រធានក្រុមការងារចុះជួយស្រុក, ឯកឧត្ដម លោកជំទាវ លោក លោកស្រី ប្រធាន អនុប្រធាន ក្រុមការងារគណបក្ស និងគណៈកម្មាធិការបក្សស្រុក និង ឃុំ សរុបប្រមាណ ៦០ រូប។ កិច្ចប្រជុំនេះ ក៏ត្រូវបានរៀបចំឡើង ដើម្បីធ្វើបច្ចុប្បន្នភាពការងារ និងក្តាប់សភាពការណ៍ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា រាជធានី-ខេត្ត ក្រុង-ស្រុក-ខណ្ឌ នៅថ្ងៃទី ២៦ ខែឧសភា ឆ្នាំ ២០២៤ ខាងមុខ ផងដែរ៕
អត្ថបទ ៖ ពិសី
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ