សេដ្ឋកិច្ច
នាយកប្រតិបត្តិក្រុមហ៊ុនទូរសព្ទស្មាត បង្ហាញទិសដៅបណ្ដាក់ទុនវិនិយោគនៅកម្ពុជា លើការផ្ដល់សេវាទូរគមនាគមន៍
ចំពោះមុខលោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា លោក Ziad SHATARA នាយកប្រតិបត្តិក្រុមហ៊ុនស្មាត (Smart Axiata) បានគូសបញ្ជាក់ពីការសម្រេចចិត្តក្នុងការចូលខ្លួនមកវិនិយោគលើការផ្ដល់សេវាទូរគមនាគមន៍នៅកម្ពុជា។
ក្នុងឱកាសជួបពិភាក្សាការងារ ជាមួយលោក ស៊ុន ចាន់ថុល នាថ្ងៃទី២៩ ខែមេសា ម្សិលមិញនេះ លោក Ziad SHATARA បានលើកឡើងអំពីវឌ្ឍនភាពនានា ជាពិសេសគឺសកម្មភាពនានាដែលក្រុមហ៊ុនបានរួមចំណែកជួយសង្គមកម្ពុជា រួមមានជាអាទិ៍ ការបង្កើតកម្មវិធី Smart Music ដើម្បីគាំទ្រសិល្បករ សិល្បការិនីកម្ពុជា និងសកម្មភាពសង្គមនានាផ្សេងទៀតជាច្រើនដែលក្រុមហ៊ុនបានរៀបចំ និងសហការរៀបចំបង្កើតឡើង។
នាយកប្រតិបត្តិក្រុមហ៊ុនស្មាតបានគូសបញ្ជាក់ពីទិសដៅបន្តរបស់ក្រុមហ៊ុន គឺការចូលខ្លួនមកវិនិយោគក្នុងការផ្ដល់ជូនសេវាទូរគមនាគមន៍ក្នុងប្រទេសកម្ពុជា។
ជាការឆ្លើយតប លោកឧបនាយករដ្ឋមន្ត្រី ស៊ុន ចាន់ថុល ថ្លែងអំណរគុណចំពោះក្រុមហ៊ុនដែលបានសម្រេចចិត្តចូលមកបណ្ដាក់ទុនវិនិយោគនៅកម្ពុជា លើការផ្ដល់សេវាទូរគមនាគមន៍។
លើសពីនេះលោកឧបនាយករដ្ឋមន្ត្រី ក៏បានបង្ហាញការស្វាគមន៍នឹងជួយសម្របសម្រួលរាល់គម្រោងពង្រីកការវិនិយោគនានា ដែលក្រុមហ៊ុនគ្រោងនឹងរៀបចំនាពេលអនាគត ដោយហេតុថាការវិនិយោគលើវិស័យនេះបានចូលរួមចំណែកទាក់ទាញវិនិយោគិនបរទេសលើវិស័យផ្សេងៗទៀតមកកម្ពុជាផងដែរ តាមរយៈការបង្ហាញឱ្យឃើញអំពីស្ថានភាពបច្ចុប្បន្នភាព នៃសេវាទូរគមនាគមន៍នៅកម្ពុជា៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ