ព័ត៌មានជាតិ
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
ប្រភពពីមន្រ្តីបម្រើការនៅអាកាសយានដ្ឋានសៀមរាបអង្គរបានឲ្យកម្ពុជាថ្មីដឹងថា ការបើកសម្ពោធជើងហោះហើររបស់ក្រុមហ៊ុន Air Asia Cambodia មកខេត្តសៀមរាបនៅព្រឹកមិញនេះ មានភ្ញៀវបានកក់ធ្វើដំណើរពេញយន្តហោះ (Overbook)។
លោក យឹម សានីរាន មន្រ្តីសម្របសម្រួលនៅអាកាសយានដ្ឋានសៀមរាបអង្គរបានប្រាប់កម្ពុជាថ្មីតាមទូរសព្ទថា ក្រុមហ៊ុន Air Asia Cambodia បានប្រើប្រាស់យន្តហោះប្រភេទ Airbus A320 ដែលអាចដឹកអ្នកដំណើរបានចំនួន ១៨០ នាក់ ហើយតាមព័ត៌មានបឋមនៅលើយន្តហោះមានភ្ញៀវបានកក់ធ្វើដំណើរពេញ។
លោក យឹម សានីរាន ដែលបានទៅទទួលស្វាគមន៍អ្នកដំណើររបស់ក្រុមហ៊ុន Air Asia Cambodia ដែលសម្ពោធការហោះហើរមកអាកាសយានដ្ឋានសៀមរាបអង្គរនៅព្រឹកមិញនេះបានឲ្យដឹងថា បើតាមការសង្កេតរបស់លោក ភ្ញៀវធ្វើដំណើរមានចម្រុះទាំងខ្មែរនិងបរទេស។ យ៉ាងណាមិញ លោកមើលឃើញថា ចរន្តនៃការធ្វើដំណើរពីពលរដ្ឋក្នុងស្រុកក៏មានចំនួនច្រើនផងដែរ។
សម្រាប់ការសម្ពោធជើងហោះហើររបស់ក្រុមហ៊ុនអាកាសចរណ៍ Air Asia Cambodia មកអាកាសយានដ្ឋានខេត្តសៀមរាប ក៏មានការរៀបចំទទួលស្វាគមន៍ និងការផ្តល់វត្ថុអនុស្សាវរីយជូនដល់ភ្ញៀវដែលជិះធ្វើដំណើរផងដែរ។
តាមរយៈក្រុមហ៊ុនអាកាសចរណ៍ថ្មីនេះ នឹងជំរុញដល់ពលរដ្ឋបង្កើនការធ្វើដំណើរតាមផ្លូវអាកាស ក៏ដូចជាជួយជំរុញកំណើនភ្ញៀវទេសចរមកកម្សាន្តខេត្តសៀមរាបកាន់តែច្រើនថែមទៀត។ នេះបើតាមលោក យឹម សានីរាន។
លោកថា វត្តមានរបស់ក្រុមហ៊ុន Air Asia Cambodia នឹងនាំឲ្យមានការប្រកួតប្រជែងធ្វើឲ្យតម្លៃនៃការដំណើរតាមផ្លូវអាកាសកាន់តែចំណាយតិចជាងមុន។
កម្ពុជាថ្មីមិនទាន់មានប្រភពអាចទាក់ទងតំណាងក្រុមហ៊ុន Air Asia Cambodia ជុំវិញការបើកសម្ពោធជើងហោះហើរដំបូងទៅខេត្តសៀមរាបនៅព្រឹកមិញនេះ។
បើតាមប្រភពពីមន្រ្តីអាកាសចរស៊ីវិលបានឲ្យដឹងថា ប្រតិបត្តិការរបស់ក្រុមហ៊ុន Air Asia Cambodia នៅក្នុងប្រទេសកម្ពុជា ក្រុមហ៊ុននឹងហោះហើរតាមគោលដៅទៅមករវាងភ្នំពេញ-សៀមរាបចំនួន ៤ ជើងក្នុងមួយថ្ងៃ និងទិសដៅទៅមករវាងខេត្តព្រះសីហនុ-សៀមរាប ចំនួន ៤ ជើងក្នុងមួយថ្ងៃ ខណៈការហោះហើរអន្តរជាតិនឹងចាប់ដំណើរការនាពេលឆាប់ៗខាងមុខនេះ៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ