ព័ត៌មានអន្ដរជាតិ

អ៊ុយក្រែន បញ្ចប់ការហ្វឹកហ្វឺនបើកយន្តហោះចម្បាំង F-16 នៅអាមេរិក

បានផុស

២ years មុន

នៅ

ថ្ងៃសុក្រ ២៤ ឧសភា ២០២៤

ដោយ

Chheang

ក្រុមដំបូងនៃអ្នកបើកយន្តហោះចម្បាំងអ៊ុយក្រែន បានបញ្ចប់ជាស្ថាពរនូវការហ្វឹកហ្វឺននៅសហរដ្ឋអាមេរិក សម្រាប់ការកាន់ចង្កូតបញ្ជាយន្តហោះចម្បាំងប្រភេទ F-16។ នេះបើយោងតាមការចុះផ្សាយដោយទីភ្នាក់ងារព័ត៌មានរុស្ស៊ី TASS នៅថ្ងៃទី២៤ ខែឧសភា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំនួនអ្នកបើកយន្តហោះអ៊ុយក្រែន និងកាលបរិច្ឆេទបញ្ចប់វគ្គសិក្សានេះ មិនត្រូវបង្ហើបឲ្យដឹងនោះឡើយ ប៉ុន្តែបើតាមប្រភពពីអ្នកនាំពាក្យនៅមូលដ្ឋានទ័ពអាកាសរដ្ឋអារីហ្សូណា ដែលជាកន្លែងរៀបចំការហ្វឹកហ្វឺន បានឲ្យដឹងថា ក្រុមអ្នកបើកយន្តហោះទាំងនោះកំពុងធ្វើដំណើរទៅអឺរ៉ុបបន្ត ដើម្បីចូលរួមវគ្គសិក្សាបន្ថែមទៀត។

កាលពីចុងខែមករាកន្លងទៅ ទស្សនាវដ្ដី Air & Space Forces បានចុះផ្សាយថា ប្រភពពីមន្ទីរបញ្ជកោណបាននិយាយថា មានទាហានអ៊ុយក្រែនចំនួន៤នាក់កំពុងត្រូវបានហ្វឹកហ្វឺនដោយអាមេរិកនៅរដ្ឋអារីហ្សូណា សម្រាប់ការប្រើយន្តហោះ F-16។

អ្នកស្រី Celeste Wallander ជំនួយការរដ្ឋមន្ត្រីក្រសួងការពារជាតិអាមេរិកទទួលបន្ទុកកិច្ចការសន្តិសុខអន្តរជាតិ បានប្រាប់ថា លោកខាងលិចនឹងបញ្ជូនយន្តហោះចម្បាំងទម្លាក់គ្រាប់បែក F-16 និងសម្ភារៈថែទាំជួសជុស ឲ្យទៅអ៊ុយក្រែន នៅក្នុងឆ្នាំ២០២៤ នេះ ដែលជាហេតុនាំឲ្យមានការហ្វឹកហ្វឺនទាហានអ៊ុយក្រែន ដើម្បីធ្វើប្រតិបត្តិការយន្តហោះ F-16។

អ៊ុយក្រែន រំពឹងនឹងទទួលបានយន្តហោះចម្បាំង F-16 ជាង៦០គ្រឿងពីប្រទេសប៊ែលហ្សិក ដាណឺម៉ាក ហុល្លង់ និងន័រវេស៕

ដោយ៖ ឈាង

Related Topics:ប្រទេសអ៊ុយក្រែន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា