គណៈបញ្ជាការឯកភាពខណ្ឌជ្រោយចង្វារ ចុះប្រមូល​ជនអនាថា​ និងអ្នកប្រេីប្រាស់គ្រឿងញៀន​ នៅក្រោមស្ពានជ្រោយចង្វារ

ដោយឃេីញ​នៅក្រោមស្ពានមិត្តភាពកម្ពុជា-ជប៉ុន ស្ថិតនៅភូមិដេីមគរ​ សង្កាត់ជ្រោយចង្វារ ខណ្ឌជ្រោយចង្វារ ពោពេញទៅដោយក្រុមជនអនាថា​ និងអ្នកប្រេីប្រាស់គ្រឿងញៀនដែលធ្វេីឲ្យប៉ះពាល់បរិស្ថាន និងសណ្តាប់ធ្នាប់​ សន្តិសុខសង្គម​ នៅព្រឹកថ្ងៃសុក្រ ទី១៩ ខែកក្កដា ឆ្នាំ២០២៤ គណៈបញ្ជាការឯកភាពខណ្ឌជ្រោយចង្វារ ដឹកនាំដោយលោក កៅ សារ៉ាវុធ អភិបាលរង នៃគណៈអភិបាលខណ្ឌជ្រោយចង្វារ បានចុះធ្វើរដ្ឋបាលប្រមូលជនអនាថា​ និងអ្នកប្រេីប្រាស់គ្រឿងញៀន​ ទាំងនោះ​ និងរៀបចំសណ្តាប់ធ្នាប់ឱ្យល្អប្រសេីឡេីងវិញ។

គណ:បញ្ជាការឯកភាពខណ្ឌជ្រោយចង្វារ បានប្រមូលមុខសញ្ញាពាក់ព័ន្ធគ្រឿងញៀនចំនួន ៨នាក់(ក្នុងនោះស្រី​ ៣នាក់)​ រួមទាំងសម្ភារ:ប្រេីប្រាស់មួយចំនួន។​ បច្ចុប្បន្នមុខសញ្ញាទាំង​៨នាក់​ និងសម្ភារ:ប្រេីប្រាស់មួយចំនួន​ បានបញ្ជូនទៅអធិការដ្ឋាននគរបាលខណ្ឌ ដើម្បីចាត់ចែងអនុវត្តតាមនីតិវិធីបន្ត៕

អត្ថបទ៖ សុខា