កីឡា
មកដឹងផែនការសំខាន់ៗរបស់ស្រីលង្កាមុនប៉ះកម្ពុជាខែក្រោយ
ប្រទេសស្រីលង្កាបានរៀបចំផែនការជាច្រើនដើម្បីពង្រឹងក្រុមបាល់ទាត់ជម្រើសជាតិរបស់ខ្លួនទាំងកម្រិតយុវជន រហូតដល់ក្រុមធំ ក្នុងរយៈពេលប៉ុន្មានឆ្នាំចុងក្រោយ។
ស្រីលង្កាបានរៀបចំផែនការអភិវឌ្ឍរយៈពេល៣ឆ្នាំដែលបានសហការជាមួយសមាគមកីឡាបាល់ទាត់កាតារ (QFA) និងគម្រោងអភិវឌ្ឍដ៏ល្បីទូទាំងពិភពលោក Aspire Academy របស់កាតារដែលបានចាប់ផ្តើមកាលពីខែឧសភា ឆ្នាំ២០២២។
គម្រោងអភិវឌ្ឍរបស់ស្រីលង្កាបានក្លាយជាផែនការធំសំខាន់មិនធ្លាប់មានក្នុងប្រវត្តិបាល់ទាត់ស្រីលង្កាដែលផ្តោតតាំងពីថ្នាលយុវជន ក្រុមធំ និងនារី។ គម្រោងនេះត្រូវបានដឹកនាំដោយអតីតកីឡាករបាល់ទាត់លំដាប់ពិភពលោកពីររូបគឺ Andrew Morrison អតីតកីឡាកររបស់ក្លិប Manchester City និងលោក Keith Stevens អតីតកីឡាករស្កុតឡែនដែលបានប្រកបអាជីពបាល់ទាត់នៅលីគកំពូលអង់គ្លេស៥៤៧ប្រកួត។ លោក Marcus Ferreira ដែលល្បីខ្លាំងនៅឆ្នាំ១៩៩៥ជាគ្រូបង្វឹកកាយសម្បទា និងវីរបុរសបាល់ទាត់អូស្ត្រាលី Tim Cahill ជាអ្នកមើលការខុសត្រូវលើគម្រោងទាំងស្រុង។
គម្រោងនេះមានសមាសធាតុជាច្រើនដូចជា យុទ្ធសាស្ត្រអភិវឌ្ឍក្រុមជម្រើសជាតិ កំណែទម្រង់រចនាសម្ព័ន្ធប្រកួត វគ្គបណ្តុះបណ្តាលនិងត្រួតពិនិត្យគ្រូបង្វឹកអាជីព រចនាសម្ព័ន្ធថ្នាលយុវជន ការផ្លាស់ប្តួរអ្នកជំនាញ និងអាហារូបករណ៍ដើម្បីឲ្យយុវជនមានទេពកោសល្យទៅលេងលីគនៅក្រៅប្រទេស។
កាលពីខែមីនា ឆ្នាំ២០២៤ លោក Jaswar Umar ប្រធានសហព័ន្ធកីឡាបាល់ទាត់ស្រីលង្កា បានមានការរជឿជាក់យ៉ាងមុតមាំចំពោះសមត្ថភាពរបស់ក្រុមបាល់ទាត់ជម្រើសជាតិសម្រាប់ការប្រកួតលើឆាកអន្តរជាតិ។
ជាមួយសារព័ត៌មាន Dailynews.lk លោកបាននិយាយថា ៖«ឥឡូវនេះ ក្រុមរបស់យើងអស្ចារ្យ ហើយយើងត្រៀមខ្លួនរួចរាល់ក្នុងការប្រកួតជាមួយក្រុមណាក៏បាន។ ពេលអនាគត យើងដាក់គោលដៅឈ្នះក្រុមការប្រកួតអន្តរជាតិ។ នេះគ្រាន់តែជាការចាប់ផ្តើមប៉ុណ្ណោះសម្រាប់ក្រុមជម្រើសជាតិ»។
បកស្រាយបន្ថែមជុំវិញការជឿជាក់ខាងលើ លោក Umar បានលើកឡើងថា ៖«យើងមានកីឡាករស្រីលង្កាលេងនៅក្រៅប្រទេសស្ទើរគ្រប់កន្លែង ជ្រើសរើសកីឡាករដែលមានទេពកោសល្យមកពង្រឹងជម្រើសជាតិរបស់យើង។ យើងត្រូវចំណាយពេលមួយឆ្នាំកន្លះដើម្បីសម្រិតសម្រាំងក្រុមមួយដែលមានគុណភាព»។
ក្រៅពីគម្រោងអភិវឌ្ឍដ៏សំខាន់ខាងលើ ស្រីលង្កាបានផ្តល់សញ្ជាតិដល់កីឡាករបរទេស និងមានកីឡាករកូនកាត់ជាច្រើនដែលកំពុងលេងនៅក្រៅប្រទេស។ ជាក់ស្តែងកីឡាករ Samuel Joseph David កើតនៅឆ្នាំ២០០២ ជាកូនកាត់អង់គ្លេស-ស្រីលង្កា កំពុងលេងឲ្យក្លិប Dundalk លីគប្រទេសអៀរឡង់ និងធ្លាប់ជាយុវជនរបស់ Everton និង Liverpool។
កីឡាករ Wade Dekker អាយុ៣០ឆ្នាំកើតនៅប្រទេសអូស្ត្រាលីទើបតែទទួលបានសញ្ជាតិស្រីលង្កា។ រូបគេលេងឲ្យក្លិបជាច្រើននៅប្រទេសអូស្ត្រាលីពីឆ្នាំ២០១២រហូតដល់ឆ្នាំ២០២៤។
កីឡាករ Barath Suresh អាយុ២១ឆ្នាំជាកីឡាកររបស់ក្លិបអូស្ត្រាលី Langwarrin។ កីឡាករ Dallon De Silva អាយុ២២ឆ្នាំលេងនៅក្លិបបារាំង Borgo B។ កីឡាករ Leon Heimer Pereira អាយុ២៧ឆ្នាំលេងនៅក្លិបអាល្លឺម៉ង់ Luneburger SK Hansa។ កីឡាករ Rahul Suresh លេងនៅ ក្លិបអូស្ត្រាលី Langwarrin។ កីឡាករ Ahmed Waseem Razeek អាយុ២៩ឆ្នាំលេងនៅ Estern District របស់ហុងកុង និង កីឡាករ Oliver Kelaat អាយុ២៦ឆ្នាំលេងនៅក្លិប Haukar របស់ប្រទេសអៀរឡង់ជាដើម។
ស្រីលង្កា នឹងទទួល កម្ពុជា នៅថ្ងៃទី៥ ខែកញ្ញា ឆ្នាំ២០២៤ សម្រាប់ការប្រកួតជើងទី១ វគ្គជម្រុះ 2027 AFC Asian Cup មុនពេលធ្វើដំណើរមកទឹកដីកម្ពុជានៅថ្ងៃទី១០ ខែកញ្ញា សម្រាប់ការប្រកួតជើងទី២។ ក្រុមឈ្នះនឹងឡើងទៅជុំបន្ត៕
អត្ថបទ៖ វីរបុត្រ
តម្លៃប្រេងអន្តរជាតិធ្លាក់ចុះគំហុកម្សិលមិញ និងថ្ងៃនេះ ដោយសញ្ញាបន្ធូរកម្ដៅនៃជម្លោះអ៊ីរ៉ង់
ព្រឹត្តការណ៍រត់ប្រណាំងអន្តរជាតិម៉ារ៉ាតុងចក្រភពអង្គរ លើកទី១០ មកដល់ពេលនេះ ៥៧ប្រទេសហើយចុះឈ្មោះ
តួស្រីរឿង «តំណាលតែងតាំងទេវតា» នាំបញ្ហាដល់រៀមច្បងផ្សេងទៀត ក្រោយភាពយន្តមិនអាចចេញផ្សាយបាន
កម្ពុជា-តួកគីគ្រោងនឹងរៀបចំនូវវេទិកាវិនិយោគនិងធុរកិច្ចរួមគ្នាដើម្បីជំរុញពាណិជ្ជកម្ម វិនិយោគ និងទេសចរណ៍
ណាហ្គាវើលដ៍ ចុះហត្ថលេខាលើអនុស្សរណៈនៃការយោគយល់គ្នាជាមួយក្រសួងបរិស្ថាន គាំទ្រដល់យុទ្ធនាការ “ពន្លកបៃតង”
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
មេទ័ពអ៊ីរ៉ង់ ចេញមុខគំរាមសងសឹកអាមេរិក ជាមួយកម្លាំងដ៏ខ្លាំងបំផុត
ពូទីន៖ មូលហេតុមិនជួយអ៊ីរ៉ង់ ព្រោះពលរដ្ឋអ៊ីស្រាអែលភាគច្រើននិយាយភាសារុស្ស៊ី
ត្រាំ ប្រកាសថា អ៊ីស្រាអែល-អ៊ីរ៉ង់ យល់ព្រមលើឈប់បាញ់ហើយ តែទីក្រុងតេហេរ៉ង់ ថា មិនពិត
តុលាការធម្មនុញ្ញថៃ ផ្តើមធ្វើការលើញត្តិព្រឹទ្ធសភាដែលស្នើដក«ផែថងថាន»
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម៥ ថ្ងៃ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ៥ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ១ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានអន្ដរជាតិ៦ ថ្ងៃ agoយន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់
-
ព័ត៌មានអន្ដរជាតិ៥ ថ្ងៃ agoក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានអន្ដរជាតិ៥ ថ្ងៃ agoគណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ