Rowoon ត្រូវបានគេអះអាងថា ថើបគ្នាជាមួយតារាស្រីវ័យ ៥៧ឆ្នាំម្នាក់ក្នុងក្លឹប

តារាចម្រៀងប្រុស Rowoon អតីតសមាជិកក្រុម SF9 ត្រូវបានគេចាប់បានថា លោកបានរាំក្នុងក្លឹប ហើយនឹងបានថើបគ្នាជាមួយនឹងតារាសម្ដែងស្រី Sonia Monroy ជនជាតិ អេស្ប៉ាញ។ សារព័ត៌មានអេស្ប៉ាញបានចុះផ្សាយថា មានគេប្រទះឃើញ តារាទាំង២រូបនេះ ថើបគ្នា ហើយក៏មានវីដេអូបង្ហាញថា​អ្នកទាំងពីរបានរាំក្បែរគ្នាផងដែរ។

យោងតាមប្រភពបានឲ្យដឹងថា Rowoon បាននៅឯ Milan សម្រាប់កម្មវិធីបង្ហាញម៉ូដមួយ ហើយអ្នកកាសែតឈ្មោះ​La Van Guardia បានអះអាងថា Rowoon និង តារាស្រីនេះ នៅក្នុងកន្លែង VIP កន្លែងរាំ ដោយមិនមានបំណងនឹងលាក់ខ្លួនពីភ្នែកសាធារណជនសោះឡើយ។

យ៉ាងណាមិញ គេមិនមានវីឌេអូបង្ហាញអំពីសកម្មភាពថើបគ្នារបស់តារាល្បីទាំងពីររូបនេះទេ ប៉ុន្ដែអ្នកគាំទ្រមួយចំនួនបាននិយាយថា មានវីដេអូ តែត្រូវបានគេលុបបំបាត់ចេញគ្មានស្រមោល។ គួរបញ្ជាក់ផងដែរថា​ Sonia Monroy មានវ័យ៥៨ឆ្នាំ ដែលទើបនឹងលែងលះប្ដីដែលមានអាយុក្មេងជាងនាងច្រើនផងដែរ។

ចំណែកឯ Rowoon មានវ័យត្រឹមតែ២៨ឆ្នាំតែប៉ុណ្នោះ ដូចនេះអ្នកទាំងពីរមានចន្លោះអាយុខុសគ្នាដល់ទៅ ២៩ឆ្នាំឯណោះ ណាមួយរូបលោកជាតារា Kpop ខណៈដែលអ្នកគាំទ្រជាច្រើនមិនជឿនោះឡើយ៕

ប្រភព៖ Koreaboo