ជីវិតកម្សាន្ដ

តារា Kpop ដ៏ល្បីម្នាក់ ត្រូវបានបុគ្គលម្នាក់វាយចំកណ្ដាលមុខ ផ្អើលហ្វេនរត់ដេញចាប់ (មានវីដេអូ)

បានផុស

២ ថ្ងៃ មុន

នៅ

ថ្ងៃចន្ទ ៣ មីនា ២០២៥

ដោយ

Linda

ឧប្បត្តិហេតុដ៏គួរឲ្យចាប់អារម្មណ៍ថ្មីៗនេះ សមាជិកក្រុម Kpop បុរសជំនាន់ទី 2 រងការវាយដំលើក្បាលដោយបុគ្គលម្នាក់ដែលត្រូវបានគេស្គាល់ថា បានបង្កើតពាក្យចចាមអារាមយ៉ាងក្តៅគគុកលើបណ្ដាញអ៉ិនធើណែត។ តារាប្រុសត្រូវបានគេប្រើអំពើហិង្សានោះគឺ Woohyun សមាជិកក្រុម INFINITE។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧប្បត្តិហេតុនេះបានកើតឡើងនៅថ្ងៃទី 2 ខែមីនា ខណៈពេលដែល Woohyun ធ្វើដំណើរចាកចេញពីព្រលានយន្តហោះហុងកុង បន្ទាប់ពីការប្រគុំតន្ត្រីរបស់ក្រុមនៅក្នុងទីក្រុង។ យោងតាមវីដេអូដែលថតដោយអ្នកគាំទ្រនៅព្រលានយន្តហោះ Woohyun បានព្យាយាមដើរកាត់ក្រុមអ្នកគាំទ្រដោយមានអង្គរក្សនៅការពារជុំវិញខ្លួន។

ខណៈអ្នកខ្លះបានថតរូប អ្នកខ្លះទៀតត្រូវបានគេឃើញកំពុងព្យាយាមប្រគល់អំណោយដល់អាលដលរូបនេះ ប៉ុន្ដែនៅពេល Woohyun ព្យាយាមធ្វើដើរបន្ដ ស្រាប់តែត្រូវដៃរបស់អ្នកគាំទ្រម្នាក់វាយចំមុខ ដែលកំពុងកាន់អ្វីមួយក្នុងថង់ក្រដាសពណ៌ត្នោត។

ជាមួយគ្នានោះ Woohyun ក៏បានបង្ហាញសកម្មភាពឈឺចាប់ ក្រោយពីត្រូវបានវាយចំមុខផងដែរ ដោយបានយកដៃខ្ទប់មុខរបស់ខ្លួន។ វីដេអូទាំងនោះ បានជំរុញឲ្យមានការរិះគន់យ៉ាងខ្លាំងពីអ្នកគាំទ្រក្នុងបណ្ដាញសង្គម ដែលខឹងនឹងមនុស្សនៅព្រលានដែលលុកលុយកន្លែងផ្ទាល់ខ្លួនរបស់ Woohyun។ អ្នកខ្លះបានកំណត់អត្តសញ្ញាណអ្នកគាំទ្រ ដែលវាយនោះថា ជាអ្នកគាំទ្រដ៏ល្បី ហើយគណនី X របស់ពួកគេនឹងត្រូវបានបិទឆាប់ៗនេះ ដោយស្នាដៃអ្នកគាំទ្រសងសឹក៕