ព័ត៌មានអន្ដរជាតិ
លោក ដូណាល់ ត្រាំ ជាប់ឆ្នោតជាថ្មីសម្រាប់គ្រងដំណែងប្រធានាធិបតីអាមេរិកទី៤៧
ក្រោយការប្រកួតប្រជែងដ៏ស្វិតស្វាញជាច្រើនខែលើសមរភូមិវោហារស័ព្ទ នៅទីបំផុត លោកដូណាល់ ត្រាំ អតីតប្រធានាធិបតីសហរដ្ឋអាមេរិកដែលនិយាយមិនសូវសំចៃមាត់និងបង្កជម្លោះពាណិជ្ជកម្មជាច្រើនក្នុងពេលលោកកាន់អំណាចឆ្នាំ២០១៧ដល់ឆ្នាំ២០២១ ត្រូវបានប្រជាជនអាមេរិកបោះឆ្នោតគាំទ្រឲ្យក្លាយជាប្រធានាធិបតីទី៤៧។
ការវិលត្រឡប់មកកាន់អំណាចជាថ្មីម្តងទៀត ក្នុងពេលដែលពិភពលោកញំញីដោយសារសង្គ្រាម ហើយសហរដ្ឋអាមេរិកនៅពីក្រោយសង្គ្រាមទាំងនោះ លោកដូណាល់ ត្រាំ ដែលពេលនេះក្លាយជាប្រធានាធិបតីជាប់ឆ្នោត បានឆ្លងកាត់រឿងអាស្រូវជាច្រើនជុំវិញអំពីហិង្សាកាលបោះឆ្នោតឆ្នាំ២០២០ និងចុងអាណត្តិរបស់លោកក្នុងឆ្នាំ២០២១ និងការសន្យាបញ្ចប់សង្គ្រាមរវាងរុស្ស៊ីនិងអ៊ុយក្រែន។
ប្រធានាធិបតីជាប់ឆ្នោត លោក ដូណាល់ ត្រាំ បានឈ្នះការបោះឆ្នោតប្រធានាធិបតីសហរដ្ឋអាមេរិកនៅឆ្នាំ២០២៤ នេះ បានធ្វើឱ្យលោកក្លាយជាអតីតប្រធានាធិបតីទី២ ដែលឈ្នះការបោះឆ្នោតអាណត្តិទី២មិនជាប់អាណត្តិគ្នា បន្ទាប់ពីលោក Grover Cleveland នៅឆ្នាំ ១៨៩២។
លទ្ធផលបោះឆ្នោតបង្ហាញថា លោកជាប់ឆ្នោតនៅរដ្ឋដែលមានលទ្ធផលប្រទាញប្រទង់គ្នាស្ទើរទាំងអស់ ដូចជារដ្ឋ Georgia រដ្ឋ North Carolina រដ្ឋ Pennsylvania ជាដើម ដែលធ្វើឲ្យលោកមានឱកាសឈ្នះការបោះឆ្នោតប្រធាធិបតីលើកទី៦០នេះដោយភាពងាយស្រួល ខណៈដែលប្រជាជនអាមេរិកមានទំនោរទៅរកការផ្លាស់ប្តូរដើម្បីបញ្ចប់សង្គ្រាមដែលលោកដូណាល់ ត្រាំ សន្យាពេលឃោសនាបោះឆ្នោត។
ក្នុងអំឡុងពេលកាន់អំណាចជាប្រធានាធិបតីទី៤៥ ចន្លោះឆ្នាំ២០១៧ ដល់ឆ្នាំ២០២១ លោក ដូណាល់ បានបង្កើតបញ្ហាច្រើនក្នុងវិស័យពាណិជ្ជកម្ម ដែលសម័យកាលនោះ គេច្រើនហៅថា «សង្គ្រាមពាណិជ្ជកម្ម» រវាងចិននិងសហរដ្ឋអាមេរិក ប៉ុន្តែដូណាល់ ត្រាំ បានបង្កើតបរិយាកាសល្អប្រសើរលើការបង្កើតសន្តិភាពសកលលោក ដោយបានជួបជាមួយមេដឹកនាំសំខាន់ៗដែលមានការប្រជែងឥទ្ធិពលគ្នា ដូចជា ជំនួបជាមួយ លោក គឹម ជុងអ៊ុន ជាដើម។
សម្រាប់ការជាប់ឆ្នោតលើកនេះ លោក ដូណាល់ ត្រាំ សន្យាបង្កើតសន្តិភាពជាថ្មីជាពិសេសការបញ្ចប់សង្គ្រាមរវាងរុស្ស៊ីនិងអ៊ុយអ៊ុយក្រែនដែលអូសបន្លាយអស់រយៈពេលជិត៣ឆ្នាំ ហើយ សហរដ្ឋអាមេរិកជាអ្នកផ្គត់ផ្គង់ដ៏សំខាន់ដល់ប្រទេសអ៊ុយក្រែន។
នៅថ្ងៃទី៦ខែវិច្ឆិកា ពេលដែលលទ្ធផលនៃការរាប់សន្លឹកឆ្នោតបានបង្ហាញថា លោកទទួលបានជ័យជម្នះ លោកបានឡើងថ្លែងសុន្ទរកថាលើកដំបូងដើម្បីថ្លែងអំណរគុណដល់អ្នកបោះឆ្នោតជូនលោក ហើយ លោកបានរៀបរាប់ដល់ប្រជាជននៅក្នុងរដ្ឋប្រទាញប្រទង់ទាំង៧ដែលបោះឆ្នោតគាំទ្រលោក៕
រ៉ាន់ រើយ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ