ព័ត៌មានជាតិ

៤ ខែចុងឆ្នាំនេះ ការប្រមូលផលបង្កងបឹងខេត្តតាកែវ ទទួលបានក្នុងរង្វង់ ៣០-៤០ តោន

បានផុស

២ years មុន

នៅ

ថ្ងៃព្រហស្បតិ៍ ៥ ធ្នូ ២០២៤

ដោយ

លោក ស៉ាប់ សារុន ប្រធានសមាគមបង្កងខេត្តតាកែវ បានឱ្យដឹងថា រយៈពេល ៤ ខែ ឆ្នាំ២០២៤ (ចាប់ពីដើមខែកញ្ញា- ដើមខែធ្នូ) ការប្រមូលផលបង្កងតាកែវ ទទួលបានក្នុងរង្វង់ចន្លោះពី ៣០-៤០ តោន សម្រាប់ផ្គត់ផ្គង់នៅលើទីផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាប់ «កម្ពុជាថ្មី» នៅរសៀលថ្ងៃទី០៤ ខែវិច្ឆិកា ឆ្នាំ២០២៤ លោក ស៉ាប់ សារុន បានមានប្រសាសន៍ថា បង្កងខេត្តតាកែវចាប់ផ្តើមប្រមូលផលតាំងពីខែកញ្ញាមកម្ល៉េះ សម្រាប់ផ្គត់ផ្គង់ទៅដល់តម្រូវការទីផ្សារ។ ដោយហេតុថា ទីផ្សារបង្កងខេត្តតាកែវនៅមិនទាន់មានលំនឹងល្អ ដូច្នេះការប្រមូលផលបង្កងកន្លងមករបស់ប្រជាកសិករ គឺសម្រាប់លក់ដល់ទីផ្សារនៅក្នុងខេត្តតាកែវតែប៉ុណ្ណោះ នៅមិនទាន់មានការនាំចេញដល់ខេត្តដទៃនៅឡើយទេ។ ម្យ៉ាងវិញទៀតការនាំចេញបង្កងរបស់ខេត្ត ក៏នៅទាន់មានលទ្ធភាពគ្រប់គ្រាន់នៅឡើយដើម្បីបញ្ជាក់ឱ្យបានថាជាបង្កងផ្តាច់មុខដែលចិញ្ចឹមតាមបែបធម្មជាតិចេញពីខេត្តតាកែវ។

បើទោះជាក្នុងរយៈពេល ៤ ខែ នៃការចាប់ផ្តើមប្រមូលផលបង្កងចិញ្ចឹមនៅក្នុងខេត្តអាចទទួលបានចន្លោះពី ៣០-៤០ តោនក៏ពិតមែន លោក ស៉ាប់ សារុន បានបញ្ជាក់ថា សម្រាប់តម្រូវការទីផ្សារនៅតែមានការខ្វះខាតខ្លាំង មានន័យថាបង្កងខេត្តតាកែវ មិនអាចគ្រប់សម្រាប់តម្រូវការក្នុងខេត្តឡើយ ដោយសារតែបង្កងដែលប្រជាកសិករប្រមូលបានគឺ អាចទទួលបានចន្លោះពី ៥០-១០០ គីឡូប៉ុណ្ណោះក្នុងមួយថ្ងៃ។ ទៀតសោត តម្លៃបង្កងចិញ្ចឹមមានតម្លៃថ្លៃ ដូច្នេះការនាំចូលបង្កងពីខាងក្រោមនៅតែមានកំណើនជាប្រចាំអាចក្នុងរង្វង់រាប់សិនតោនក្នុងមួយថ្ងៃ។

យ៉ាងណាមិញ ចំពោះតម្លៃវិញ ប្រធានសមាគមរូបនេះបានបញ្ជាក់ថា មិនខុសពីពេលមុនៗនោះទេ ដោយតម្លៃមានចន្លោះពី ២០-៤៥ ដុល្លារ ក្នុងមួយគីឡូក្រាម តាមប្រភេទបង្កងធំ តូច បង្កងលេខ ១ លេខ ២ និងលេខ ៣។

ខេត្តតាកែវ បច្ចុប្បន្នមានកសិដ្ឋានតូច-ធំជិត ១០ កសិដ្ឋាន ដោយស្ថិតនៅតាមស្រុកមួយចំនួនដូចជា ស្រុកអង្គរបុរី ស្រុកបុរីជលសារ ស្រុកកោះអណ្ដែត និងនៅក្នុងទីរួមខេត្តតាកែវ៕

Related Topics:បង្កងតាកែវ លោក ស៉ាប់ សារុន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា