​អភិបាលខេត្តតាកែវ​ ចុះសិក្សា​បច្ចេកទេស បង្កាត់​ពូជ​បង្កង ក្នុងកសិដ្ឋានមួយនៅចិន

លោក វ៉ី សំណាង អភិបាល នៃគណៈអភិបាលខេត្តតាកែវ នៅថ្ងៃ ទី ១៧ ខែតុលា ឆ្នាំ ២០២៥នេះ បាន​ដឹកនាំ​គណៈ​ប្រតិភូទៅទស្សនកិច្ចសិក្សាស្វែងយល់ពីការបង្កាត់ភ្ញាស់ពូជបង្កង ​ក្នុង​កសិដ្ឋាន​មួយ​កន្លែង នៅភូមិហ៊ូចូវ ក្រុងស៊ែរមែន ខេត្តហ្វូជាន សាធារណរដ្ឋប្រជាមានិតចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ការចុះសិក្សាស្វែងយល់ពីការបង្កាត់ ​និងភ្ញាស់ពូជបង្កងស្របពេលដែលខេត្តតាកែវគឺជាខេត្តមួយដែលទទួលទិន្នផលបង្កងធម្មជាតិប្រមាណ៥តោនក្នុងមួយឆ្នាំៗ និងមានរសជាតិឈ្ងុយឆ្ងាញ់ ហើយខេត្តតាកែវ​ក៏ជាខេត្តមួយ​ដែល​មានការចញ្ចឹមបង្កងនៅតាមបណ្ដាលស្រុកមួយចំនួនផង​ដែរ។​

​ទស្សនៈកិច្ចរបស់គណប្រតិភូខេត្តតាកែវនៅកសិដ្ឋានបង្កាត់ និងភ្ញាស់ពូជបង្កងនៅក្រុងស៊ែរមែន ខេត្ត​ហ្វូជាន និងនាំមកនៅផ្លែការជាច្រើន​ជាក់ជាពុំខានក្នុងការបង្កាត់ ​និងភ្ញាស់ពូជបង្កងនៅ​ក្នុង​ខេត្ត​តាកែវ។ ​

លោក​អភិបាលខេត្តតាកែវបានដឹកនាំគណៈប្រតិភូទៅចូលរួម​កិច្ចប្រជុំ សមាគមព្រែកជីកពិភពលោក នៅក្រុងយ៉ាងចូវ ខេត្តជាងស៊ូ ប្រទេសចិនរយៈពេល៥ថ្ងៃ (១៥-១៩) ខែតុលា នឹងបន្តទៅទីក្រុងស៊ែរមែន ខេត្តហ្វូចៀន ដើម្បីទស្សនកិច្ច ប្រព័ន្ធចម្រោះទឹកកខ្វក់ វិស័យកសិកម្ម ការចិញ្ចឹមសត្វ វារីវប្បកម្ម វិស័យរ៉ែ ហើយគណៈប្រតិភូខេត្តតាកែវក៏គ្រោងបង្ហាញអំពីសក្តានុពលរបស់ខេត្តតាកែវ ដល់អ្នកវិនិយោគជនជាតិចិនផងដែរ៕​