កីឡា
បង្កើនប្រសិទ្ធភាពការងារ សហព័ន្ធគុនខ្មែរលែងដាក់អគ្គលេខាធិការពីគណៈកម្មការប្រតិបត្តិ
សហព័ន្ធកីឡាប្រដាល់គុនខ្មែរបានធ្វើមហាសន្តិបាតបញ្ចប់អាណត្តិទី៧ និងបន្តអាណត្តិទី៨ដោយបោះឆ្នោតជ្រើសរើសគណៈកម្មការប្រតិត្តិថ្មី កាលពីរសៀល ថ្ងៃទី២២ ខែមករា ឆ្នាំ២០២៥ នៅសណ្ឋាគារភ្នំពេញ។
លោក ខូវ ឆាយ បានក្លាយជាប្រធានគណៈកម្មការប្រតិបត្តិថ្មីនៃសហព័ន្ធគុនខ្មែរ អាណត្តិទី៨ (២០២៥-២០២៩) និងមានអនុប្រធាន និងសមាជិក១៨រូបផ្សេងទៀត ប៉ុន្មានគ្មានអគ្គលេខាធិការទេ។
លោក ហេង សុឃន ដែលជាអគ្គលេខាធិការចាស់ត្រូវបានគណៈកម្មការប្រតិបត្តិថ្មីដាក់ឲ្យក្លាយជាសមាជិក។ លោក ខូវ ឆាយ ដែលទើបជាប់ឆ្នោតជាប្រធានថ្មីបានឲ្យដឹងថា បុគ្គលដែលនឹងមកកាន់តួនាទីជាអគ្គលេខាធិការគឺមិនមែនជាមនុស្សស្ថិតនៅក្នុងគណៈកម្មការប្រតិបត្តិទាំង១៩រូបទេ ប៉ុន្តែជាបុគ្គលមកពីស្ថាប័នផ្សេង និងមិនជាប់ពាក់ព័ន្ធនឹងក្លិប គ្រូបង្វឹក កីឡាករ និងកីឡាការិនីឡើយ។
លោក ខូវ ឆាយ បានលើកឡើងថា មានកត្តាជាច្រើនដែលត្រូវជ្រើសរើសបុគ្គលមកពីស្ថាប័នផ្សេងដើម្បីមកកាន់តួនាទីជាអគ្គលេខាធិការ។ បុគ្គលនោះត្រូវតែមានពេលវេលាបំពេញការងារគ្រប់គ្រាន់។ បុគ្គលនោះត្រូវតែមានសមត្ថភាពទាំងកិច្ចការដ្ឋបាល ភាសា និងបច្ចេកវិទ្យា ដើម្បីឲ្យការងារមានប្រសិទ្ធភាព។ បុគ្គលនោះមិនជាប់ពាក់ព័ន្ធនឹងក្លិប កីឡាករ កីឡាការិនី ឬអ្នកចាប់គូ។ ចំណុចនេះពិតជាសំខាន់ណាស់ដើម្បីធានាបាននូវការងារដោយរលូនគឺគ្មានការប្រកាន់បក្ខពួក ផ្តល់ការចាប់គូស្មើភាពដល់កីឡាករ កីឡាការិនីមកពីគ្រប់ក្លិបទាំងអស់។
លោក ហេង សុឃន ដែលជាអគ្គលេខាធិការចាស់គឺជាប្រធានសហព័ន្ធកីឡាឃីកបុកស៊ីងកម្ពុជា និងជាអគ្គលេខាធិការសហព័ន្ធកីឡាប្រដាល់គុនខ្មែរ ដូច្នេះលោកមានការងារច្រើនដែលត្រូវបំពេញ។ ជាពិសេស លោកក៏គ្រប់គ្រងកីឡាករ កីឡាការិនីជាច្រើនដែលពួកគេងាយស្រួលក្នុងការងារទទួលបានឱកាសឡើងប្រកួតជាងកីឡាករ កីឡាការិនីរបស់ក្លិបផ្សេងៗទៀត។
លោក ខូវ ឆាយ បានទម្លាយឲ្យដឹងថា លោកបានសម្លឹងឃើញបុគ្គលដែលនឹងមកកាន់តួនាទីជាអគ្គលេខាធិការហើយ ប៉ុន្តែត្រូវការពេលវេលាសិក្សាស្វែងយល់ឲ្យបានលំអិតថែមទៀត។
មហាសន្និបាតបញ្ចប់អាណត្តិទី៧ និងបោះឆ្នោតជ្រើសរើសគណៈកម្មការប្រតិបត្តិអាណត្តិទី៨ ទទួលបានការចាប់អារម្មណ៍ខ្លាំងមែនទែនពីសាធារណជន ហើយក្នុងនោះមានសប្បុរសជនមួយចំនួនបានឧបត្ថម្ភថវិកាចំនួន១៨០០០ដុល្លារអាមេរិកដើម្បីរៀបចំមហាសន្និតបាតដែលមានទាំងពិធីជប់លៀងនៅសណ្ឋាគារទំនើបទៀតផង៕
អត្ថបទ៖ វីរបុត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ