គ្រូបង្វឹកសញ្ចាតិអាមេរិក ស្ដីបន្ទោសលោក Trump ជុំវិញ​ប្រទេសកាណាដា

គ្រូបង្វឹកសញ្ជាតិអាមេរិកដែលដឹកនាំក្រុមជម្រើសជាតិកាណាដា បាន​ស្តីបន្ទោសយ៉ាងខ្លាំងលើ​ ប្រធានាធិបតីអាមេរិក លោក​ Donald Trump ដែល​ចង់យក​ ប្រទេស​កាណាដាជារដ្ឋទី៥១ របស់​សហរដ្ឋ​អាមេរិក។

នៅមុនការប្រកួតវគ្គផ្តាច់ព្រ័ត្រ CONCACAF Nations League នាពេលខាងមុខ អ្នកចាត់ការទូទៅក្រុមជម្រើសជាតិ​កាណាដា លោក Jesse Marsch បាននិយាយអំពីទំនាក់ទំនងរវាងសហរដ្ឋអាមេរិកដែលជាប្រទេសកំណើតរបស់លោក និងប្រទេសនៃក្រុមជម្រើសជាតិដែលលោកកំពុងបង្វឹក។

លោក Marsch បាននិយាយនៅក្នុងសន្និសីទសារព័ត៌មានដោយសំអាងលើការអត្ថាធិប្បាយថ្មីៗពីប្រធានាធិបតី Donald Trump ថា ៖«សូមបញ្ឈប់វោហាសាស្ត្រដ៏គួរឱ្យអស់សំណើចអំពីការចាត់ទុកប្រទេសកាណាដា ជារដ្ឋទី៥១។ ក្នុងនាមជាជនជាតិអាមេរិក ខ្ញុំខ្មាស់អៀនចំពោះភាពក្រអឺតក្រទម និងការមិនយកចិត្តទុកដាក់ ដែលយើងបានបង្ហាញនូវសម្ព័ន្ធមិត្តដ៏ចំណាស់បំផុត រឹងមាំបំផុត និងស្មោះត្រង់បំផុតក្នុងប្រវត្តិសាស្ត្ររបស់យើង»។

លោក Trump បាននិយាយម្តងហើយម្តងទៀតថា កាណាដា គួរតែជារដ្ឋទី៥១ របស់សហរដ្ឋអាមេរិក ខណៈលោកស្នើឱ្យលុបបំបាត់ព្រំដែនប្រវែង ៥,៥២៥ម៉ាយដែលបំបែកប្រទេសទាំងពីរ។ លោក Marsch បានយកបញ្ហាជាមួយនឹងគំនិតដោយហៅវាថាជាការ “ប្រមាថ” ។

លោក Marsch បាននិយាយថា ៖«កាណាដាជាប្រទេសឯករាជ្យរឹងមាំ ដែលចាក់ឫសយ៉ាងជ្រៅក្នុងភាពថ្លៃថ្នូរ។ ជាកន្លែងដែលឱ្យតម្លៃលើក្រមសីលធម៌ និងការគោរពខ្ពស់ មិនដូចការប្រកាន់ខ្ជាប់ ដែលមិនគោរព ហើយជារឿយៗឥឡូវនេះ អាកាសធាតុស្អប់ខ្ពើម ដែលស្ថិតនៅក្នុងសហរដ្ឋអាមេរិក ហើយមើលទៅ ប្រទេសកាណាដាឱ្យតម្លៃលើភាពយុត្តិធម៌ និងការរួបរួមច្រើន»។

លោក Marsch បានបន្តទៀតថា ៖«ប្រសិនបើខ្ញុំមានសារមួយទៅកាន់ប្រធានាធិបតីរបស់យើង ខ្ញុំចង់ឱ្យបញ្ឈប់នូវវោហាសាស្ត្រគួរឱ្យអស់សំណើចអំពីការចាត់ទុកប្រទេសកាណាដាជារដ្ឋទី៥១ ក្នុងនាមជាជនជាតិអាមេរិក។ ខ្ញុំខ្មាស​អៀនចំពោះភាពក្រអឺតក្រទម និងការមិនយកចិត្តទុកដាក់ដែលយើងបានបង្ហាញនូវសម្ព័ន្ធមិត្តចាស់ជាងគេ ខ្លាំងបំផុត និងស្មោះត្រង់បំផុតក្នុងប្រវត្តិសាស្ត្ររបស់យើង»។

គួរបញ្ជាក់ថា កាណដា នឹងត្រូវជួបជាមួយ ម៉ិកស៊ិក ក្នុងការប្រកួតវគ្គពាក់កណ្តាលផ្តាច់ព្រ័ត្រ ពានរង្វាន់ Nations League នៅថ្ងៃទី២០ ខែមីនា។ អ្នកឈ្នះនឹងឡើងទៅកាន់វគ្គផ្តាច់ព្រ័ត្រ ដោយត្រូវប្រកួតជាមួយក្រុមអ្នកឈ្នះរវាង ប៉ាណាម៉ា ជាមួយនឹង សហរដ្ឋអាមេរិក នៅថ្ងៃទី២៣ ខែមីនា៕

ប្រែសម្រួល៖ មន្នីរ័ត្ន
ប្រភព៖ Reuters