ព័ត៌មានអន្ដរជាតិ

ប្រាក់ចំណេញក្រុមហ៊ុនចំណី CP កើនដល់ជាង ៥៧០ លានដុល្លារ ឆ្នាំមុន

បានផុស

៤ សប្តាហ៍ មុន

នៅ

ថ្ងៃអង្គារ ៤ មីនា ២០២៥

ដោយ

ក្រុមហ៊ុនចំណីអាហារ CP Foods បានកត់ត្រាពីប្រាក់ចំណេញសុទ្ធប្រមាណ ១៩,៥ ប៊ីលានបាត (៥៧៣ លានដុល្លារ) កាលពីឆ្នាំមុន ដែលជាការកើនឡើងប្រមាណ ៤៧៦ ភាគរយ ធៀបនឹងការខាតបង់កាលពីឆ្នាំមុន។ នេះបើតាមការចុះផ្សាយរបស់កាសែតបាងកកប៉ុស្តិ៍ នាពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការងើបឡើងវិញនៃប្រាក់ចំណេញរបស់ក្រុមហ៊ុន CP ត្រូវបានជំរុញដោយភាពរឹងមាំនៃប្រតិបត្តិការនៅបរទេស ការគ្រប់គ្រងការចំណាយជាយុទ្ធសាស្រ្ត និងការកែលម្អលក្ខខណ្ឌទីផ្សារក្នុងវិស័យបសុសត្វ។

នាយកប្រតិបត្តិក្រុមហ៊ុន CP Foods លោក Prasit Boondoungprasert បានប្រកាសថា ប្រាក់ចំណូលរបស់ក្រុមហ៊ុននៅឆ្នាំ ២០២៤ មានចំនួនសរុប ៥៨០,៧ ប៊ីលានបាត (១៧,១ ប៊ីលានដុល្លារ) ដោយ ៦៣ ភាគរយ ក្នុងនោះ បានមកពីប្រតិបត្តិការនៅក្រៅប្រទេសចំនួន ១៣, ៣១ ភាគរយ មកពីការលក់ក្នុងស្រុក និង ៦ ភាគរយ ពីការនាំចេញទៅកាន់ប្រទេសជាង ៥០ នៅទូទាំងពិភពលោក។

បើគិតទៅតាមអាជីវកម្មរបស់ក្រុមហ៊ុន CP ប្រាក់ចំណូល ២៣ ភាគរយ បានមកពីចំណីសត្វ ៥៥ ភាគរយ បានមកពីកសិដ្ឋាន និង ២២ ភាគរយ បានមកពីផលិតផលចំណីអាហារ។

យោងតាម លោក Prasit របាយការណ៍ហិរញ្ញវត្ថុលេចធ្លោរបស់ CP Foods កាលពីឆ្នាំមុន ភាគច្រើនបណ្ដាលមកពីការស្ទុះងើបឡើងវិញខ្លាំងក្នុងឧស្សាហកម្មសាច់ជ្រូកពិភពលោក ជាពិសេសនៅវៀតណាម ដែលតម្លៃសាច់ជ្រូកឡើងខ្ពស់ បន្ទាប់ពីការផ្ទុះជំងឺប៉េស្តជ្រូកអាហ្វ្រិកនៅចុងឆ្នាំ ២០២៣។

លើសពីនេះ ក្រុមហ៊ុនក៏ទទួលបានអត្ថប្រយោជន៍ពីការរៀបចំរចនាសម្ព័ន្ធអាជីវកម្ម ការកែលម្អប្រសិទ្ធភាពក្នុងប្រតិបត្តិការបសុសត្វ ការទិញវត្ថុធាតុដើមជាយុទ្ធសាស្ត្រ និងកាត់បន្ថយការចំណាយហិរញ្ញវត្ថុ ដែលនាំឱ្យគំរូអាជីវកម្មមានភាពធន់ និងផលចំណេញកាន់តែច្រើន ផងដែរ៕