ឱកាសថ្ងៃចម្រើនព្រះជន្ម ព្រះនាងតូច ជេន​ណា បង្ហាញឆន្ទៈបន្តដំណេីរលេីវិថីសិល្បៈ បម្រើឧត្តមប្រយោជន៍ជាតិ

ក្នុងឱកាសថ្ងៃ​ដ៏ពិសេសនៃខួបកំណើត​ចូលវ័យ​ ១៣ព្រះវស្សាព្រះ​តូច នរោត្តម ជេន​ណា បានសន្យានឹងបន្តដំណេីរលេីវិថីសិល្ប:ដេីម្បីបម្រើដល់ឧត្តមប្រយោជន៍ជាតិ។ ក្នុងនោះព្រះនាងតូច ក៏បាន​ថ្លែងអំណរគុណ​ដល់​ទស្សនិកជន​ទទាំងអស់ដែល​បាន​គាំទ្រ​ព្រះនាងក្នុងការងារ​សិ​ល្បៈ​នាពេលកន្លង​មក។

នៅថ្ងៃ​ទី​១១ ខែមីនា ឆ្នាំ​២០២៥ដែលជាចម្រើនព្រះជន្ម ព្រះ​នាង​តូច ជេន​ណា បានបង្ហោះរូបភាពជាច្រើនសន្លឹករចនាម៉ូដរ៉ូបរំលេចជាមួយរូបផ្ការំដួលដែលតំណាងនៅប្រទេសកម្ពុជា។ តាមរយៈសំណេរលើហ្វេសប៊ុកផេកផ្លូវការផ្ទាល់ខ្លួន ព្រះ​នាង នរោត្តម ជេន​ណា បានរៀបរាប់ថា “ថ្ងៃទី១១ខែមីនា​ ឆ្នាំ២០២៥​ ជាថ្ងៃរំលឹកកំណេីត១៣ឆ្នាំនៃខ្ញុំ ថ្ងៃដ៏ពិសេសនេះ​គឺ ខ្ញុំរីករាយណាស់គ្មានអ្វីក្រៅពីអរព្រះគុណ​ព្រះមាតាខ្ញុំ ដែលបានបង្កើតនិងថែរក្សាការពារខ្ញុំពិសេសសម្តេចតាក្រុមព្រះ​ដែលតែងតែអប់រំទូន្មានចៅគ្រប់នាទី។

ព្រះនាង​តូច ជេន​ណា បានមានព្រះរាជបន្ទូលថា ទន្ទឹមនេះ​ការចម្រេីនវ័យក៏ជាពេលដ៏រីករាយដោយ ខ្ញុំមានសេចក្តីសុខ​ប្រកបដោយស្នាមញញឹមកេីតឡេីងពីការគាំទ្រពីសំណាក់ពុកម៉ែបងប្អូនដែលស្រឡាញ់រាប់អាន​និងគាំទ្រកិច្ចការងារសិល្បៈរបស់ខ្ញុំ។

ព្រះនាងជេន​ណា បញ្ជាក់ទៀតថាខ្ញុំនឹងធ្វេីដំណេីរលេី វិថីសិល្បៈដែលខ្ញុំស្រឡាញ់​ដេីម្បីបំរេីឧត្តមប្រយោជន៍ ជាតិនិងពុកម៉ែបងប្អូនទាំងអស់គ្នាជាបន្តទៀត​។ ជាចុងក្រោយសូមអរគុណបងស្រីហង្ស ALmée Couture ដែលគាត់បានរចនាម៉ូដរ៉ូបជាមួយរូបផ្ការំដួលដែ លតំណាងនៅប្រទេសកម្ពុជាក្នុងថ្ងៃពិសេសរបស់ខ្ញុំ គាត់បានដាក់កម្លាំងកាយកម្លាំងចិត្តក្នុងកាបង្កើតនៅម៉ូដនេះឡើងមក។

សូមជម្រាបថាព្រះ​នាង​តូច ជេន​ណា នរោត្ដមប្រសូត​នៅ​ថ្ងៃ​ទី​១១ខែមីនា ឆ្នាំ២០១២ គឺជា​សមាជិក​នៃព្រះ រាជ​វង្សានុវង្ស​កម្ពុជាដោយ​ព្រះ​នាង​ជា​បុត្រី​ទី​ពីរ​របស់​ព្រះបាទ​នរោត្តម បុប្ផា​រី និង​ជា​ចៅស្រី​របស់​អតីត​ព្រះ មហាក្សត្រនរោត្តម សីហ​នុ ព្រះ​បរម​រតនៈ​កោដ្ឋ៕ អត្ថបទ៖ ចាន់រ៉ា