ព័ត៌មានអន្ដរជាតិ

របបសឹកមីយ៉ាន់ម៉ា ដោះលែងអ្នកទោសប្រមាណ ៤ ៩០០នាក់ ដើម្បីអបអរថ្ងៃចូលឆ្នាំថ្មី

បានផុស

២ ខែ មុន

នៅ

ថ្ងៃព្រហស្បតិ៍ ១៧ មេសា ២០២៥

ដោយ

Chheang

យោងតាមការចុះផ្សាយរបស់សារព័ត៌មានរដ្ឋ MRTV នៅថ្ងៃព្រហស្បតិ៍ទី១៧ខែមេសាឆ្នាំ២០២៥នេះ រដ្ឋាភិបាលយោធាមីយ៉ាន់ម៉ា បានផ្តល់ការលើកលែងទោសដល់អ្នកទោសជិត ៤ ៩០០នាក់ ដើម្បីប្រារព្ធពិធីបុណ្យចូលឆ្នាំប្រពៃណីជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ Min Aung Hlaing បានលើកលែងទោសបុគ្គលចំនួន ៤ ៨៩៣នាក់ ក្នុងនោះមានជនបរទេស ១៣នាក់ ដែលនឹងត្រូវបញ្ជូនទៅប្រទេសកំណើតរបស់ពួកគេវិញ។ ការលើកលែងទោសនេះ មិនរាប់បញ្ចូលអ្នកដែលត្រូវបានកាត់ទោសពីឧក្រិដ្ឋកម្មធ្ងន់ធ្ងរ ដូចជា ឃាតកម្ម និងករណីរំលោភ។ គេនៅមិនទាន់ដឹងថាមានអ្នកជាប់ឃុំខាងនយោបាយប៉ុន្មាននាក់ក្នុងចំណោមអ្នកដែលត្រូវបានគេដោះលែងនោះទេ។

ការដោះលែងអ្នកទោសទ្រង់ទ្រាយធំនេះ ធ្វើឡើងខណៈពេលមីយ៉ាន់ម៉ាកំពុងប្រារព្ធពិធីចូលឆ្នាំថ្មីក្នុងលក្ខណៈស្ងប់ស្ងាត់មិនអ៊ឹកអធឹកដូចសព្វដង ក្រោយពេលប្រទេសអាស៊ានមួយនេះកាន់ទុក្ខបន្ទាប់ពីគ្រោះរញ្ជួយដីកម្រិត ៧,៧រិចទ័រកាលពីថ្ងៃទី២៨ខែមីនា ដែលបានឆក់យកជីវិតមនុស្សអស់រាប់ពាន់នាក់។ នៅក្នុងសុន្ទរកថាឆ្នាំថ្មី លោក Min Aung Hlaing បានសន្យាកិច្ចខិតខំប្រឹងប្រែងកសាងឡើងវិញ និងបានរំលឹកឡើងនូវផែនការរៀបចំការបោះឆ្នោតសកលនៅចុងឆ្នាំនេះ ដោយជំរុញឲ្យក្រុមប្រឆាំងចូលរួមធ្វើនយោបាយ។

ការដោះលែងអ្នកទោសយ៉ាងច្រើនក្នុងអំឡុងពេលថ្ងៃឈប់សម្រាកសំខាន់ៗគឺជាទម្លាប់នៅក្នុងប្រទេសមីយ៉ាន់ម៉ា។ កាលពីដើមឆ្នាំនេះ នៅថ្ងៃទី៤ខែមករា របបសឹកមីយ៉ាន់ម៉ាបានដោះលែងអ្នកទោសជិត ៦ពាន់នាក់ ក្នុងនោះមានជនបរទេស ១៨០នាក់ ដើម្បីប្រារព្ធបុណ្យឯករាជ្យជាតិ៕

ដោយ៖ ឈាង

ចុចអាន៖ ទីក្រុង Yangon ប្រទេសមីយ៉ាន់ម៉ាលុបចោលការប្រារព្ធពិធីបុណ្យចូលឆ្នាំថ្មី ក្រោយរងគ្រោះរញ្ជួយដី

Related Topics:ប្រទេសមីយ៉ាន់ម៉ា