ព័ត៌មានអន្ដរជាតិ

ការលក់រថយន្តថៃ កើនឡើងជាលើកដំបូងក្នុងរយៈពេលជិត២ឆ្នាំ

បានផុស

១ year មុន

នៅ

ថ្ងៃព្រហស្បតិ៍ ២២ ឧសភា ២០២៥

ដោយ

សហព័ន្ធឧស្សាហកម្មថៃ (FTI) បានឱ្យដឹងកាលពីថ្ងៃព្រហស្បតិ៍ថា ការលក់រថយន្តក្នុងប្រទេសថៃ បានកើនឡើងជាលើកដំបូងក្នុងរយៈពេល ២៣ ខែ កាលពីខែមេសា ខណៈផលិតកម្ម និងការនាំចេញ នៅតែបន្តធ្លាក់ចុះ។ នេះបើតាមការចុះផ្សាយរបស់កាសែតបាងកកប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធបាននិយាយថា ការលក់ក្នុងស្រុកបានកើនឡើង ១ ភាគរយ ក្នុងខែមេសា ធៀបនឹងរយៈពេលដូចគ្នាកាលពីឆ្នាំមុន បន្ទាប់ពីបានធ្លាក់ចុះ ០,៥៤ ភាគរយ នៅក្នុងខែមីនា។

អ្នកនាំពាក្យផ្នែកឧស្សាហកម្មរថយន្តរបស់ FTI លោក Surapong Paisitpattanapong បានថ្លែងថា៖ «ការលក់បានកើនឡើងលើរថយន្តដឹកអ្នកដំណើរ ប៉ុន្តែការលក់រថយន្តភីកអាប់ បានធ្លាក់ចុះដោយសារតែការផ្តល់ហិរញ្ញប្បទាននៅតែតឹងតែង»។

កន្លងមក អ្នកជំនាញថៃលើកឡើងថា ការលក់រថយន្តក្នុងស្រុកថៃធ្លាក់ចុះដោយសារតែបំណុលគ្រួសារខ្ពស់ និងការរឹតបន្តឹងលើការផ្ដល់កម្ចីទិញរថយន្តពីបណ្ដាធនាគារថៃ។

FTI បាននិយាយថា ផលិតកម្មរថយន្តបានធ្លាក់ចុះ ០,៤ ភាគរយ នៅខែមេសា ធៀបនឹងរយៈពេលដូចគ្នាកាលពីឆ្នាំមុន ត្រឹម ១០៤ ២៥០ គ្រឿង ដែលជាការធ្លាក់ចុះ ២១ ខែជាប់គ្នា។ នៅខែមីនា ផលិតកម្មបានធ្លាក់ចុះរហូតដល់ ៦,១ ភាគរយ។

ជាមួយគ្នានោះ ការនាំចេញរថយន្តវិញ បានធ្លាក់ចុះ ៦,៣ ភាគរយ ក្នុងខែមេសា ធៀបនឹងការធ្លាក់ចុះ ១៤,៩ ភាគរយ នៅខែមីនា។ អ្នកជំនាញលើកឡើងថា ការធ្លាក់ចុះនៃការនាំចេញនេះបណ្ដាលមកពីកត្តាច្រើនយ៉ាង រួមទាំងការប្រកួតប្រជែងកាន់តែខ្ពស់លើទីផ្សារអន្តរជាតិ និងកម្សោយតម្រូវការជាដើម។

គួរគូសបញ្ជាក់ថា ថៃគឺជាមជ្ឈមណ្ឌលផលិតរថយន្តដ៏ធំបំផុតនៅអាស៊ីអាគ្នេយ៍ និងជាមូលដ្ឋាននាំចេញសម្រាប់ក្រុមហ៊ុនផលិតរថយន្តកំពូលៗមួយចំនួនរបស់ពិភពលោក រួមមាន Toyota, Honda និង BYD៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា