ព័ត៌មានអន្ដរជាតិ

អ៊ីរ៉ង់ប្រកាសទីតាំងពង្រឹងនុយក្លេអ៊ែរថ្មីបន្ទាប់ពីរងការរិះគន់ពីអង្គការសហប្រជាជាតិ

បានផុស

១២ ខែ មុន

នៅ

ថ្ងៃសុក្រ ១៣ មិថុនា ២០២៥

ដោយ

យោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី១៣ខែមិថុនានេះ ភាពតានតឹងរវាងអ៊ីរ៉ង់ និងសហគមន៍អន្តរជាតិបានកើនឡើង បន្ទាប់ពីអង្គការឃ្លាំមើលនុយក្លេអ៊ែររបស់អង្គការសហប្រជាជាតិគឺទីភ្នាក់ងារថាមពលអាតូមិកអន្តរជាតិ (IAEA) បានដាក់ទណ្ឌកម្មជាផ្លូវការ ដោយលើកឡើងថា អ៊ីរ៉ង់មិនគោរពតាមកាតព្វកិច្ចនុយក្លេអ៊ែររបស់ខ្លួន ដែលជាសកម្មភាពលើកដំបូងក្នុងរយៈពេល ២០ឆ្នាំ។

ជាការឆ្លើយតប អ៊ីរ៉ង់បានប្រកាសបើកដំណើរការរោងចក្រចម្រាញ់នុយក្លេអ៊ែទីបី ដោយព្រមានថា ខ្លួនក៏នឹងជំរុញការចម្រាញ់អ៊ុយរ៉ាញ៉ូមដែលមានស្រាប់បន្ថែមទៀត។

រូបថតផ្កាយរណបបង្ហាញពីរោងចក្រនុយក្លេអ៊ែរ Natanz ក្នុងប្រទេសអ៊ីរ៉ង់ (រូបភាព៖ Planet Labs PBC)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណោះស្រាយដែលគាំទ្រដោយប្រទេសចំនួន ១៩ រួមមានសហរដ្ឋអាមេរិក បារាំង ចក្រភពអង់គ្លេស និងអាល្លឺម៉ង់ អំពាវនាវឱ្យអ៊ីរ៉ង់ពន្យល់ជាបន្ទាន់នូវដានអ៊ុយរ៉ាញ៉ូមដែលបានរកឃើញនៅទីតាំងនុយក្លេអ៊ែរដែលមិនបានប្រកាសជាមុន។

ដំណោះស្រាយនេះបានចោទប្រកាន់អ៊ីរ៉ង់ពីការមិនគោរពម្តងហើយម្តងទៀតចាប់តាំងពីឆ្នាំ ២០១៩ ដោយបំពានលើសន្ធិសញ្ញាមិនរីកសាយភាយនុយក្លេអ៊ែរ។ ទោះបីដំណោះស្រាយមិនបានបង្កឱ្យមានការដាក់ទណ្ឌកម្មភ្លាមៗ ចំណាត់ការនេះត្រួសត្រាយផ្លូវសម្រាប់ការចូលរួមរបស់ក្រុមប្រឹក្សាសន្តិសុខអង្គការសហប្រជាជាតិនៅចុងឆ្នាំនេះ។

ភ្លាមៗ បន្ទាប់ពីការប្រកាសនេះ អ៊ីស្រាអែលបានបើកការវាយប្រហារលើគោលដៅនុយក្លេអ៊ែរអ៊ីរ៉ង់ ជាមួយនឹងការផ្ទុះដែលបានរាយការណ៍នៅក្នុងទីក្រុងតេអេរ៉ង់។

នាយករដ្ឋមន្ត្រីអ៊ីស្រាអែល លោក Benjamin Netanyahu បានប្តេជ្ញាបន្តការវាយប្រហារច្រើនថ្ងៃ ដើម្បីលុបបំបាត់ការគំរាមកំហែងដែលគេយល់ឃើញ។ ប្រធានាធិបតីអាមេរិក លោក ដូណាល់ ត្រាំ ខណៈពេលដែលគាំទ្រផ្នែកការទូត បានព្រមានថា ជម្លោះមជ្ឈិមបូព៌ាដ៏ធំអាចកើតមាន ប្រសិនបើអ៊ីរ៉ង់មិនព្រមចរចា។ លោកក៏បានបញ្ជាឱ្យជម្លៀសបុគ្គលិកការទូតអាមេរិកមួយចំនួនចេញពីតំបន់ផងដែរ។

ប្រធានាធិបតី Masoud Pezeshkian ទស្សនាការតាំងពិព័រណ៍សមិទ្ធិផលនុយក្លេអ៊ែររបស់អ៊ីរ៉ង់នៅទីក្រុងតេអេរ៉ង់ (រូបភាព៖AP)

មន្ត្រីអ៊ីរ៉ង់បានថ្កោលទោសការចោទប្រកាន់នេះ ដោយចាត់់ទុកជាហេតុផលនយោបាយ។ ប្រធានាធិបតីអ៊ីរ៉ង់ លោក Masoud Pezeshkian ដែលធ្វើយុទ្ធនាការលើការភ្ជាប់ទំនាក់ទំនងការទូត បានឆ្លើយតបវិញថា អ៊ីរ៉ង់នឹងបន្តពង្រឹងនុយក្លេអ៊ែរ បើទោះបីជាមានសម្ពាធពីអន្តរជាតិក៏ដោយ។

ខណៈពេលដែលបណ្តាប្រទេសលោកខាងលិចមូលមាត់គ្នានិយាយថា ពួកគេនៅតែបើកចំហចំពោះការទូត ពួកគេក៏កំពុងរៀបចំដើម្បីស្តារទណ្ឌកម្មដែលត្រូវបានដកចេញក្រោមកិច្ចព្រមព្រៀងនុយក្លេអ៊ែរឆ្នាំ ២០១៥ លុះត្រាតែអ៊ីរ៉ង់ផ្តល់ចម្លើយដែលអាចទុកចិត្តបាន។ ជាមួយនឹងសិទ្ធិអំណាចក្នុងការដាក់ទណ្ឌកម្មឡើងវិញដែលផុតកំណត់នៅក្នុងខែតុលា ពេលវេលាកំពុងជិតអស់សម្រាប់ដំណោះស្រាយដោយសន្តិវិធី៕

ទង់ជាតិអ៊ីរ៉ង់គ្រវីនៅមុខទីស្នាក់ការកណ្តាលរបស់ទីភ្នាក់ងារថាមពលអាតូមិកអន្តរជាតិ (IAEA) (រូបភាព៖ Reuters)

អត្ថបទ៖ ប៊ុន សុភាព

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា