នយោបាយ
សម្ដេចតេជោ៖ ខ្ញុំស្ដាយមិត្តភាព៣០ឆ្នាំត្រូវបំផ្លាញដោយកូនស្រីមិត្តភក្តិ
ប្រធានព្រឹទ្ធសភា សម្ដេចតេជោ ហ៊ុន សែន បានផ្ដាំទៅនាយករដ្ឋមន្ត្រីថៃលោកស្រី ផែថងថាន ស៊ីណាវ៉ាត ថាកុំមកនិយាយរឿងគុណធម៌ជាមួយសម្ដេច ព្រោះលោកស្រីគ្មានគុណធម៌ក្នុងការធ្វើនយោបាយនោះទេ។ សម្ដេចតេជោសោកស្ដាយដែលមិត្តភាព៣០ឆ្នាំរវាងសម្ដេច និងលោក ថាក់ស៊ីន ត្រូវបំផ្លាញដោយសារលោកស្រីអ៊ុងអ៊ីង។
ថ្លែងនៅក្នុងពិធីសំណេះសំណាលជាមួយមន្ត្រីរាជការក្នុងខេត្តព្រះវិហារ ព្រឹកថ្ងៃទី២៧ ខែមិថុនា ឆ្នាំ២០២៥នេះ សម្ដេចតេជោ ហ៊ុន សែន បានលើកថាលោកស្រី អ៊ុងអ៊ីង បានប្រមាថសម្ដេច និងសម្ដេចធិបតីដែលថាជាអ្នកនយោបាយគ្មានវីជ្ជាជីវៈ ព្រមទាំងយកប្រៀបលើកម្ពុជាជាច្រើនខណៈដែលខ្លួនជាអ្នកមកសុំការចរចារជាមួយកម្ពុជាសោះ។ សម្ដេចក៏បានទម្លាយពីការជួយលើលោក ថាក់ស៊ីន និងលោកស្រី យីងឡាក់ ព្រមទាំងបញ្ជាក់ថាលោក ថាក់ស៊ីន គ្មានជំងឺអ្វីទេ ហើយកូនស្រីក៏បានដឹងដែរ។ សម្ដេចថាសម្ដេចមានគុណធម៌តែការក្បត់ពីគ្រួសារថាក់ស៊ីនមិនអាចឱ្យសម្ដេចនៅស្ងៀមបានទេ។
សម្ដេចថា៖ «ចុះបើកូន(អ៊ុងអ៊ីង)អត់មានគុណធម៌ឱ្យធ្វើមិច? តើខ្ញុំបណ្ដោយឱ្យមើលងាយខ្ញុំរហូតអ៊ីចឹងហ្ហេ! អ៊ីចឹងខ្ញុំត្រូវលេងមួយក្បាច់ឱ្យវាទៅបណ្ដោយទៅ។ ខ្ញុំរាប់អានថាក់ស៊ីនមានតែខាតអត់មានចំណេញទេ»។
មិត្តភាពរវាងសម្ដេចនិងលោក ថាក់ស៊ីន ត្រូវបានបំផ្លាញដោយសារលោកស្រី ផែនថងថាន។
សម្ដេចថា៖ «ខ្ញុំស្ដាយមិត្តភាព៣០ឆ្នាំបំផ្លាញដោយកូនស្រីរបស់មិត្តភ័ក្រ»។
សម្តេចតេជោ ហ៊ុន សែន និងលោក ថាក់ស៊ីន ស៊ីណាវ៉ាត្រា មានទំនាក់ទំនងរាប់អានគ្នាជាបងប្អូនធម៌ តាំងពីឆ្នាំ១៩៩២ មកម៉្លេះ។ បន្ទាប់ត្រូវបានគេធ្វើរដ្ឋប្រហារទម្លាក់ពីអំណាចក្នុងឆ្នាំ២០០៦ លោក ថាក់ស៊ីន នៅតែមានទំនាក់ទំនងយ៉ាងជិតស្និទ្ធជាមួយសម្តេចតេជោ ហ៊ុន សែន ហើយត្រូវបានសម្តេចតែងតាំងជាទីប្រឹក្សាថែមទៀតផង។
ទោះជាយ៉ាងមនោសញ្ចេតនារយៈពេលជាង៣០ឆ្នាំរវាងគ្រួសារសម្ដេចនិងត្រកូលលោក ថាក់ស៊ីន ត្រូវបានបំផ្លាញដោយការប្រមាថពីសំណាក់នាយករដ្ឋមន្ត្រីថៃដែលត្រូវជាកូនរបស់លោកថាក់ស៊ីន លោកស្រី ផែថងថាន ថាសម្ដេចតេជោ និងសម្ដេចធិបតីថាគ្មានវិជ្ជាជីវះកាលពីថ្ងៃទី១៧ ខែមិថុនា ឆ្នាំ២០២៥៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា