កីឡា

មកស្គាល់ប្រវត្តិគ្រូក្មេង កំពុងបង្ហាត់គុនខ្មែរល្បីឈ្មោះនៅប្រទេសបារាំង

បានផុស

១១ ខែ មុន

នៅ

ថ្ងៃពុធ ២ កក្កដា ២០២៥

ដោយ

គ្រូក្មេង សៀងហៃ ដែលល្បីក្នុងការបង្ហាត់ផ្សព្វផ្សាយគុនខ្មែរ និងជាអ្នកមានទឹកចិត្តស្រឡាញ់ចេះជួយយកអាសារគ្នានៅឯប្រទេសបារាំង និងរាល់ពេលក្រុមគុនខ្មែរចេញទៅប្រកួតនៅទីនោះគឺតែងតែមានមុខរូបគេជាប្រចាំក៏ដូចជាចាំជួយសម្រួបសម្រួលការងារជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុកគ្រូក្មេង

ថ្ងៃនេះកម្ពុជាថ្មី នឹងលើកយកពីប្រវត្តិរបស់គ្រូក្មេងមានសាវតារយ៉ាងណា និងដើមចមដូចម្ដេចទើបអាចទៅរស់នៅ និងបង្ហាត់គុនខ្មែរបាននៅឯប្រទេសបារាំង។

គ្រូក្មេងមានឈ្មោះដើម ធីម សៀងហៃ អាយុ ២៧ឆ្នាំ មានបងប្អូន ២នាក់គឺរូបគេ និងប្អូនស្រីឈ្មោះ ធីម ម៉េងអួយ អាយុ ១៥ឆ្នាំ។ ឪពុកឈ្មោះ ទិត្យ ផល្លា និងម្ដាយឈ្មោះ ភាព សុភី។ គ្រូក្មេងជាអ្នករស់នៅភូមិបួន ឃុំដងទង់ ស្រុក ស្មាច់មានជ័យ ខេត្តកោះកុង ។

ប្រវត្តិ នៃការសិក្សារៀនសូត្រ សៀងហៃ បានបញ្ចប់បាក់ឌុប និងបានបន្តការសិក្សានៅសកលវិទ្យាល័យ PPIU ផ្នែក IT ក្នុងឆ្នាំ ២០១៦ ។

រូបភាពហ្វេសបុកគ្រូក្មេង

សៀងហៃ ចាប់ហាត់ប្រដាល់នៅអាយុ ៤-៥ឆ្នាំ អំឡុងឆ្នាំ ២០០៤ ជាមួយឪពុក និងពូបង្កើតរបស់ខ្លួនគឺ ទិត្យ សុវណ្ណគិរី បន្ទាប់ពីទំនេរពីការសិក្សា។ ឈានដល់វ័យ ៩-១០ យុវជនខេត្តកោះកុងរូបនេះ ចាប់ផ្ដើមហ្វឹកហាត់ពេញលេងនៅឯក្លឹបប្រដាល់ និងហាត់ខ្លួនឯងបន្ថែមរហូតបានចេញប្រកួតតាមកម្មវិធីផ្សេងៗនៅឯកោះកុងផង និងឈានទៅដល់រាជធានីភ្នំពេញផង។ កាលពីនៅខ្មែរគ្រូក្មេង ធីម សៀងហៃ ក៏ជាអ្នកបង្ហាត់ប្រដាល់ឯកជន (Private) មួយរូបដែរនៅរាជធានីភ្នំពេញ។

រូបភាពហ្វេសបុកគ្រូក្មេង

អាចថាជានិស្ស័យកាលឆ្នាំ ២០១៩ សៀងហៃ មានឱកាសចេញទៅប្រទេសបារាំងដើម្បីកសាងជីវភាពថ្មីតាមរយៈអ្នកស្គាល់គ្នា និងស្វែងរកការងារធ្វើនៅទីនោះសង្ឃឹមខ្សែជីវិតរសាតអណ្ដែតមួយនេះប្រសើរឡើង និងអាចជួយដល់ជីវភាពក្រុមគ្រួសារនៅឯខ្មែរផង។

រូបភាពហ្វេសបុកគ្រូក្មេង

ការងារដំបូងនៅប្រទេសបារាំង គ្រូក្មេងធ្វើជាអ្នកខ្ចប់ផ្លែឈើក្នុងឃ្លាំងមួយកន្លែងរយៈពេលបាន ១ខែក៏បានស្វែងយល់ពីការរស់នៅទីនោះ និងឆ្លៀតឱកាសស្វែងរកដំណឹងពីក្លឹបប្រដាល់ផ្សេងៗដើម្បីបានធ្វើការងារក្នុងក្ដីស្រឡាញ់។ ជារឿងល្អបំផុតរូបគេក៏បានជាប់ការសាកល្បង (Test) ការបង្ហាត់ និងកាន់ស៊ីបក្នុងក្លឹបប្រដាល់មួយបន្ទាប់មកចាប់ផ្ដើមការងារនេះរហូតមកដល់ពេលបច្ចុប្បន្ននេះតែម្ដង។

រូបភាពហ្វេសបុកគ្រូក្មេង

បច្ចុប្បន្នរូបគេកំពុងបង្ហាត់ប្រដាល់នៅក្លឹបឯកជនមួយនៅក្នុងទីក្រុងបុកដូ ប្រទេសបារាំង។ ងាកមកនិយាយពីប្រាក់ចំណូលវិញរបស់ សៀងហៃ សម្រាប់ការងារប្រចាំខែនេះទទួលបានសមរម្យដើម្បីយកមកចំណាយលើការជួលផ្ទះស្នាក់នៅ ហូបចុក និងជួយដល់ក្រុមគ្រួសារនៅឯស្រុកខ្មែរ។

រូបភាពហ្វេសបុកគ្រូក្មេង

ការចេញផ្សព្វផ្សាយគុនខ្មែរ ឬបង្ហាត់គុនខ្មែររូបគេធ្លាប់ចេញទៅបណ្ដាប្រទេសនៅអ៊ឺរ៉ុបជាច្រើនកន្លងទៅដូចជា អេស្ប៉ាញ បែលហ្ស៉ិក ជាដើម និងប្ដេជ្ញាចិត្តបន្តផ្សព្វផ្សាយគុនខ្មែរមួយនេះឲ្យរឹតតែទទួលបានភាពល្បីល្បាញលើឆាកអន្តរជាតិបន្ថែមទៀត៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ ធីម សៀងហៃ

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា