Connect with us

ព័ត៌មានជាតិ

ជាង១០ឆ្នាំមុន មកញញឹមមើលសមិទ្ធផលទាំងឈឺ ជិះរទេះរុញ ថ្ងៃនេះសម្ដេច ជា សុីម ឈរញញឹមជាអមតៈនៅសាកលវិទ្យាល័យជាតិ ជា ស៊ីម កំចាយមារ

បានផុស

នៅ

កាលពីជាង១០ឆ្នាំមុន សម្ដេចធម្មពោធិសាល ជា ស៊ីម កំពុងឋិតក្នុងវ័យជរា និងយាយីដោយរោគា តាមដំណើរធម្មជាតិនៃសត្វលោក។ ទោះបីមានសុខភាពទ្រុឌទ្រោមពឹងអាស្រ័យការធ្វើដំណើរដោយមានជំនួយពីរទេះរុញ សម្ដេច ជា ស៊ីម នៅតែមានកម្លាំងចិត្តមិនថមថយ បានធ្វើដំណើរមកពិនិត្យវឌ្ឍនភាពនៃការអប់រំបណ្ដុះបណ្ដាល នៅសាកលវិទ្យាល័យ កំចាយមារ ដែលសម្ដេចផ្ទាល់ បានផ្ដួចផ្ដើមជាមួយថ្នាក់ដឹកនាំគណបក្សប្រជាជនកម្ពុជា និងរាជរដ្ឋាភិបាល ព្រមទាំងសប្បុរសជន និងអង្គការម្ចាស់ជំនួយ បង្កើតជាលើកដំបូង ក្នុងខេត្តព្រៃវែង ដែលជាទឹកដីកំណើតតស៊ូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃនេះ រូបសំណាកសម្ដេចធម្មពោធិសាល ជា សុីម បានឈរតម្កល់ក្នុងបុស្បុក នៃបរិវេណសាកលវិទ្យាល័យជាតិ ជា ស៊ីម កំចាយមារ។ ពិធីនេះ បានរៀបចំក្នុងឱកាសនៃពិធីបុណ្យរំលឹកខួបជូនសម្ដេច និងលោកជំទាវ ដែលប្រព្រឹត្តទៅរយៈពេល ៣ថ្ងៃ នៅឃុំក្របៅ ស្រុកកំចាយមារ ខេត្តព្រៃវែង។

ជាងមួយទសវត្សរ៍ បន្ទាប់ពីទទួលអនិច្ចកម្មឃ្លាតមាតុភូមិ ក្រុមគ្រួសារ និងជនរួមជាតិ និងឃ្លាតពីសាកលវិទ្យាល័យជាតិ ជា ស៊ីម កំចាយមារ វត្តមានរូបសំណាកសម្ដេច ជា សុីម មានអត្ថន័យបញ្ជាក់ថា ចាប់ពីពេលនេះតទៅ សម្ដេចនៅឈរញញឹមជានិមិត្តរូបអមតៈ លើកទឹកចិត្តកូនចៅជំនាន់ក្រោយ ឱ្យខិតខំសិក្សារៀនសូត្រ ដ្បិតកាលពីជំនាន់សម្ដេច នៅរៀន តស៊ូ និងក្រោយការដួលរលំនៃរបបខ្មែរក្រហម តំបន់នេះជាមូលដ្ឋានក្រីក្រ និងលំបាកសិក្សារៀនសូត្រ។

ពាក់ព័ន្ធប្រវត្តិនៃការបង្កើតសាកលវិទ្យាល័យជាតិ ជា ស៊ីម កំចាយមារ សម្ដេចក្រឡាហោម ស ខេង អតីតឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងបច្ចុប្បន្នជាឧត្តមប្រឹក្សាផ្ទាល់ព្រះមហាក្សត្រ ធ្លាប់បានលើកឡើងថា «សម្ដេច ជា ស៊ីម កាលមានព្រះជន្ម បានចង្អុលសុំទៅអង្គការវេទមហាឬស្សី មានមូលដ្ឋាននៅប្រទេសអូស្រ្តាលី ដែលមិនសូវមានធនធានច្រើនប៉ុន្មានទេ តែមានឆន្ទៈ មានធនធានមនុស្ស មានគ្រូ និងមានកម្មវិធីសិក្សាល្អៗ។ សម្ដេច គាត់ចង្អុលឱ្យមកធ្វើសាលានៅកន្លែងហ្នឹង (សាកលវិទ្យាល័យជាតិជាស៊ីមកំចាយមារ) ហើយគ្នាក៏មកធ្វើមែន។ ធ្វើហើយដំណើរការតិតក់ៗ ព្រោះមិនមានលុយ ដើម្បីធ្វើអគារល្អៗនៅឡើយ»។

បើតាមកំណត់ត្រាក្នុងសៀវភៅទស្សនៈសម្ដេចក្រឡាហោម ស ខេង ឆ្នាំ២០២២ រៀបរៀងដោយលោក រ៉េន រតនៈ នាពិធីសម្ពោធអគារសិក្សាសាលាបឋមសិក្សា នៅឃុំបឹងព្រះ ស្រុកបាភ្នំ កាលថ្ងៃទី២ ខែកញ្ញា ឆ្នាំ២០២២ សម្ដេចក្រឡាហោម បានរំលឹកថា «នៅពេលដំណើរការដំបូងដោយអង្គការវេទមហាឫស្សី សាលានេះ មានសភាពខ្វះខាតខ្លាំង សូម្បីតែផ្ទះគ្រូ ក៏បាំងស្លឹកត្នោត ប្រក់ស្លឹកត្នោត ផ្ទះសិស្សនិស្សិត ស្នាក់នៅក៏ដូចគ្នា។ ចំណែកសាលសហសិក្សា ធ្វើពីដែកចាស់ៗប្រក់សង្កសី គ្មានក្រាលការ៉ូ ឬបេតុងអ្វីទេ រៀនលើដីតែម្ដង»។ ឃើញវេទនាបែបនេះ សម្ដេច ស ខេង ក៏ចាប់ផ្ដើមជួយអគារ ១ខ្នង មាន៧បន្ទប់ ក្រោយមកអង្គការ ក៏សុំដកខ្លួន ហើយសម្ដេច ស ខេង ក៏បានបន្តជួយគាំទ្រ ព្រោះសម្ដេច ជា ស៊ីម លោកខំផ្ដួចផ្ដើម និងជួយច្រើនឆ្នាំហើយដែរ។

បន្តរំលឹកដល់សម្ដេច ជា ស៊ីម សម្ដេចក្រឡាហោម ស ខេង ដែលត្រូវជាប្អូនថ្លៃ និងក៏ជាអតីតសហការីរួមចំណែកតស៊ូរំដោះជាតិជាមួយសម្ដេច និងថ្នាក់ដឹកនាំផ្សេងទៀត បានមានប្រសាសន៍ទាំងទឹកមុខស្រងូតស្រងាត់អំពីវត្តមានចុងក្រោយរបស់សម្ដេច ជា សុីម នៅសាកលវិទ្យាល័យនេះថា “កាលសម្ដេច ជា ស៊ីម លោកនៅមានព្រះជន្ម ខ្ញុំធ្លាប់បានអញ្ជើញគាត់ មើលសាលាហ្នឹងម្ដងដែរ តែកាលហ្នុងគាត់ជិះរទេះរុញទៅហើយ គាត់ឈឺធ្ងន់ហើយ តែគាត់បានមកមើលលើកចុងក្រោយ គាត់សប្បាយចិត្តគាត់ណាស់ ព្រោះយើងធ្វើឱ្យបានសមរម្យសម្រាប់ជាកន្លែងអប់រំ នៅជនបទ សម្រាប់កូនចៅយើង បានរៀនសិក្សារៀនសូត្រ”។

សូមបញ្ជាក់ថា បច្ចុប្បន្នសាកលវិទ្យាល័យជាតិ ជា ស៊ីម កំចាយមារ មានបរិវេណសិក្សាទំនើប រួមមានបណ្ណាល័យ មន្ទីរពិសោធន៍ និងមជ្ឈមណ្ឌលកុំព្យូទ័រ ដើម្បីគាំទ្រដល់ការសិក្សា និងការស្រាវជ្រាវរបស់និស្សិត។ សាកលវិទ្យាល័យ មានកម្មវិធីសិក្សាជាច្រើនកម្រិតឧត្តមសិក្សា រួមមានកម្រិតបរិញ្ញាបត្រ និងបរិញ្ញាបត្រជាន់ខ្ពស់ លើជំនាញកសិកម្ម គ្រប់គ្រងអាជីវកម្ម ការអប់រំ បច្ចេកវិទ្យាព័ត៌មាន និងសិក្សាសង្គម។ សាកលវិទ្យាល័យ បានបង្កើតបន្ថែមនៅមជ្ឈមណ្ឌលបណ្ដុះបណ្ដាលវិជ្ជាជីវៈ ខណៈរាជរដ្ឋាភិបាល ក្រោមការដឹកនាំរបស់សម្ដេចតេជោ ហ៊ុន សែន អតីតនាយករដ្ឋមន្ត្រី បន្តមកដល់បច្ចុប្បន្នដឹកនាំដោយសម្ដេចធិបតី ហ៊ុន ម៉ាណែត ក៏បាននិងកំពុងគាំទ្រការរៀបចំទីតាំងសាកលវិទ្យាល័យទាំងមូល ឱ្យក្លាយជាមជ្ឈមណ្ឌលបណ្ដុះបណ្ដាលគ្រប់កម្រិត ចាប់ពីថ្នាក់មតេយ្យ រហូតដល់ក្រោយឧត្តមសិក្សា៕

Helistar Cambodia - Helicopter Charter Services
Sokimex Investment Group
ព័ត៌មានជាតិ១៣ នាទីutes មុន

សម្តេចតេជោ ផ្តាំទៅលោក ថាក់ ស៊ីន បើចោទសម្តេចថាពុំមានសីលធម៌ហេតុអ្វីពឹងពាក់សម្តេចរយៈពេល១៩ឆ្នាំ ​និងហៅថាមេ០១

ព័ត៌មានជាតិ១ ម៉ោង មុន

ព្រះមេគណខេត្តបាត់ដំបង និងជាព្រះនាយកពុទ្ធិកវិទ្យាល័យ អ៊ឹង ធួង ទទួលអនិច្ចធម្ម ក្នុងព្រះជន្មាយុ៨៨ ព្រះវស្សាដោយជរាពាធ

សន្តិសុខសង្គម១ ម៉ោង មុន

អាវុធហត្ថខេត្តសៀមរាប ហៅយុវជនម្នាក់ណែនាំអប់រំ ពាក់ព័ន្ធករណីយកឯកសណ្ឋានយោធាស្លៀក​រាំលេងបង្ហោះលើបណ្ដាញសង្គម

កីឡា២ ម៉ោង មុន

គួរ​ឲ្យ​សរសើរ​អាយុ​ ៤៦​ឆ្នាំ Pacquiao ស្មើ​ម្ចាស់​ខ្សែ​ក្រវាត់ Barrios ក្រោយ​ប្រកួត​១២​ទឹក​ពេញ

ព័ត៌មានជាតិ២ ម៉ោង មុន

បណ្ឌិត លី ឆេង នាំយកទៀនព្រះវស្សាប្រគេនព្រះសង្ឈនៅវត្តចំនួន៣ ក្នុងមូលដ្ឋានខណ្ឌ៧មករា

Sokha Hotels

ព័ត៌មានពេញនិយម