កីឡា

លោក ហង់ជួន ណារ៉ុន ជួបសំណេះសំណាលជាមួយ ៦ប្រភេទកីឡាមុនចេញទៅប្រកួតនៅអាល្លឺម៉ង់

បានផុស

២ ម៉ោង មុន

នៅ

ថ្ងៃសុក្រ ៤ កក្កដា ២០២៥

ដោយ

ព្រឹកថ្ងៃទី៤ ខែកក្ដដា ឆ្នាំ២០២៥ នេះលោក ហង់ជួន ណារ៉ុន បានជួបសំណេះសំណាលជាមួយកីឡាករ កីឡាការិនី ៦ប្រភេទកីឡាដែលនឹងត្រូវទៅចូលរួមការប្រកួតក្នុងព្រឹត្តិការណ៍កីឡាសកលវិទ្យាល័យរដូវក្ដៅពិភពលោក លើកទី៣២ ដែលធ្វើឡើងនៅឯប្រទេសអាល្លឺម៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពព្រឹកមិញ

លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានផ្ដល់អនុសាសន៍ និងលើកទឹកចិត្តដល់កីឡាករ កីឡាការិនីឲ្យខំប្រឹងប្រែងប្រកួតឲ្យអស់ពីសមត្ថភាពដើម្បីដណ្ដើមជ័យជម្នះជូនប្រទេសកម្ពុជា។ ម្នាក់ៗត្រូវយកចិត្តទុកដាក់មើលថែសុខភាព ព្រោះនៅអាល្លឺម៉ង់អាកាសធាតុមិនដូចនៅកម្ពុជានោះឡើយ។ ប្រសិនបើសុខភាពមិនល្អការប្រកួតក៏នឹងធ្លាក់ចុះ ឬជួបការលំបាកដូចគ្នា។

ទិដ្ឋភាពព្រឹកមិញ

ថ្នាក់ដឹកនាំកំពូលរបស់ក្រសួងអប់រំបន្ថែមទៀតថា នេះជាការប្រកួតមួយដែលគ្រប់គ្នាអាចស្វែងយល់ និងទទួលបាននូវបទពិសោធថ្មីៗពីការចូលរួមទាំងបច្ចេកទេស នៃការប្រកួត និងការដឹកនាំ រៀបចំការប្រកួតកម្រិតអន្តរជាតិផងដែរ។ ទាំងនេះហើយដែលជាចំណុចល្អមួយដល់ក្រុមសិកីឡាស្សនិស្សិតកម្ពុជានឹងទទួលបានពីការប្រកួតនៅអាល្លឹម៉ង់នេះ។

ទិដ្ឋភាពព្រឹកមិញ

បញ្ជាក់ដែរថា កម្មវិធីជួបសំណេះសំណាលរវាងលោក ហង់ជួន ណារ៉ុន និងក្រុមកីឡាករ កីឡាការិនី ៦ប្រភេទកីឡានេះធ្វើឡើងនៅព្រឹកថ្ងៃទី៤ ខែកក្ដដា ឆ្នាំ២០២៥ នៅក្រសួងអប់រំ យុវជន និងកីឡា។ ៦ប្រភេទកីឡាដែលនឹងទៅចូលរួមកីឡាសកលវិទ្យាល័យរដូវក្ដៅពិភពលោក លើកទី៣២ ដែលធ្វើឡើងនៅឯប្រទេសអាល្លឺម៉ង់នេះរួមមាន គុនដាវ អត្តពលកម្ម ហែលទឹក យូដូ វាយសី តេក្វាន់ដូ WT។ ការប្រកួតនេះចាប់ផ្ដើមពីថ្ងៃទី១៦ ដល់ ២៧ ខែកក្កដា ឆ្នាំ២០២៥ នៅប្រទេសអាល្លឺម៉ង់៕