សន្តិសុខសង្គម
ភ្លៀងមួយមេធំ លិចក្រុងបាត់ដំបងស្ទើរទាំងស្រុង
បាត់ដំបង ៖ ចាប់តាំងពីម៉ោង ២រសៀល ថ្ងៃទី០៩ ខែកក្កដា ឆ្នាំ២០២៥ ខេត្តបាត់ដំបងបានទទួលរងនូវសម្ពាធទាប និងបង្កឱ្យមានភ្លៀងធ្លាក់យ៉ាងខ្លាំង ព្រមទាំងបានអូសបន្លាយពេលរាប់ម៉ោង ធ្វើឱ្យប្រព័ន្ធលូមានការកកស្ទះ ស្ទើរគ្រប់ទីកន្លែង។
ភ្លៀងមួយមេធំនេះ គឺបានអូសបន្លាយពេលតាំងពីម៉ោង២រសៀល រហូតដល់ម៉ោង៦ល្ងាច ដែលបង្កឱ្យមានទឹកជន់ លិចស្ទើរគ្រប់ច្រកល្ហកក្នុងក្រុងបាត់ដំបង នេះក៏ដោយសារបញ្ហាប្រព័ន្ធលូ ដែលហូរមិនទាន់ ស្របពេលបច្ចុប្បន្នមានការកាយធ្វើប្រព័ន្ធលូ ដែលសំបូរដោយជង្ហុក ទើបបង្កទៅជាបញ្ហាខូចខាតផ្លូវបន្ថែមទៀត។
ដោយឡែកការធ្វើដំណើររបស់ប្រជាពលរដ្ឋ ក៏កាន់តែជួបផលលំបាក ព្រោះផ្លូវក៏ខូចខាតទៅពេញទាំងក្រុង ហើយត្រូវទឹកលិចបន្ថែមទៀត ដូច្នេះផ្លូវអាចខូចធ្ងន់ធ្ងរក្រោយពេលទឹកស្រក ដែលនេះគឺជាបន្ទុកដ៏ធ្ងន់ធ្ងរដល់ក្រុមការងារនៃធនាគារអភិវឌ្ឍន៍អាស៊ី (ADB) ដែលកំពុងដំណើរការកាយបង្គាប់ប្រព័ន្ធលូទឹកស្អុយ។
បើទោះបីជាថ្មីៗនេះ រដ្ឋបាលខេត្តបាត់ដំបងបានចេញសេចក្តីបំភ្លឺ ដល់សាធារណជននៅក្នុងខេត្តក៏ដូចជាក្រៅខេត្តឱ្យយល់អំពីការខិតខំប្រឹងប្រែង ក្នុងការស្ថាបនាប្រព័ន្ធលូនិងផ្លូវ ដែលមិនទាន់រួចរាល់ជាស្ថាពរ ក៏ដោយ ក៏ការលំបាករបស់ប្រជាពលរដ្ឋក្នុងការធ្វើដំណើរ គឺបានជួបប្រទះរាប់ឆ្នាំមកហើយ ព្រោះបើគេពិនិត្យមើលឃើញថា ផ្លូវក្នុងក្រុងដែលស្អាតពេលទាំងស្រុងហើយនោះ វាបែរជាត្រឡប់ថយក្រោយទៅរកទសវត្សរ៍ទី ៨០ ទៅវិញ ព្រោះដោយសារតែក្រៅពីផ្លូវលេខ ១ គឺខូចខាតស្ទើរទាំងអស់៕
អត្ថបទ ៖ សោ និយមរ័ត្ន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ