ព័ត៌មានអន្ដរជាតិ

ពលករមីយ៉ាន់ម៉ាមួយចំនួនត្រូវថៃធ្វើបាប ព្រោះច្រឡំថាជាជនជាតិខ្មែរ

បានផុស

១០ ខែ មុន

នៅ

ថ្ងៃចន្ទ ២៨ កក្កដា ២០២៥

ដោយ

ចំពេលមានភាពតានតឹងកាន់តែខ្លាំងឡើងរវាងប្រទេសថៃ និងកម្ពុជា ពលករចំណាកស្រុកមីយ៉ាន់ម៉ានៅក្នុងប្រទេសថៃកំពុងអំពាវនាវឱ្យមានភាពស្ងប់ស្ងាត់ និងការប្រុងប្រយ័ត្ន ខណៈដែលអ្នកខ្លះត្រូវបានប្រជាជនថៃធ្វើបាបដោយសារយល់ច្រឡំថាពួកគេជាជនជាតិខ្មែរ។ នេះបើយោងតាមការចេញផ្សាយរបស់ Eleven Media Group កាលពីថ្ងៃទី២៧ខែកក្កដា។

រូបភាព screenshot ពីវីដេអូដែលជនជាតិថៃមួយក្រុមដែលដើរសួរបញ្ជាក់សញ្ជាតិពលករមីយ៉ាន់ម៉ានិងប៉ុនប៉ងវាយធ្វើបាបប្រសិនពួកគេជាជនជាតិខែ្មរ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ពីទីក្រុងបាងកក និងខេត្ត Samut Sakhon របស់ថៃបង្ហាញថា ជនជាតិថៃមួយចំនួនបានបង្កើតជាក្រុមដើម្បីប្រឆាំង និងវាយប្រហារលើបុគ្គលដែលពួកគេជឿថាជាជនជាតិខ្មែរ។ ជនជាតិមីយ៉ាន់ម៉ាជាច្រើននាក់ត្រូវបានរំលោភបំពានដោយសារតែភាន់ច្រឡំសញ្ជាតិ រួមទាំងបុរសជនជាតិ Karen ម្នាក់ដែលជនជាតិថៃច្រឡំថាជនជាតិនេះជាខ្មែរ។

ពលករមីយ៉ាន់ម៉ាម្នាក់ដែលធ្វើការនៅទីក្រុងបាងកក ប្រទេសថៃ កាលពីថ្ងៃទី ២៥ ខែកក្កដា បាននិយាយថា៖ «ឥឡូវនេះ ជនជាតិថៃកំពុងស្វែងរកពលករខ្មែរជាក្រុមធំ ហើយសួរថាតើពួកគេជាជនជាតិអ្វី បើពួកគេជាជនជាតិខ្មែរ ប្រជាជនថៃជាក្រុមនោះនឹងវាយពួកគេ»។

វីដេអូដែលផ្សព្វផ្សាយតាមប្រព័ន្ធអ៊ីនធឺណិតបង្ហាញពីជនជាតិថៃកំពុងសាកសួរពលករបរទេសអំពីសញ្ជាតិរបស់ពួកគេ។ ក្នុងករណីខ្លះ នៅពេលកម្មករមីយ៉ាន់ម៉ាប្រាប់ថាពួកគេជាជនជាតិមីយ៉ាន់ម៉ា ទើបពលរដ្ឋថៃដែលបង្កើតជាក្រុមទាំងនោះបានចាកចេញមិនធ្វើបាប។

ស្ថានទូតមីយ៉ាន់ម៉ា ប្រចាំទីក្រុងបាងកក បានណែនាំពលរដ្ឋរបស់ខ្លួន ជៀសវាងការធ្វើដំណើរជិតព្រំដែនកម្ពុជា-ថៃ និងរក្សាការប្រុងប្រយ័ត្ន។ ជាមួយនឹងពលករមីយ៉ាន់ម៉ាប្រមាណប្រាំពីរលាននាក់នៅក្នុងប្រទេសថៃ ស្ថានទូតបានសង្កត់ធ្ងន់ពីសារៈសំខាន់នៃការរក្សាសុវត្ថិភាព រក្សាឯកសារឱ្យមានសុវត្ថិភាព និងជៀសវាងការបង្ហោះខ្លឹមសាររស៉ើបទាក់ទងនឹងបញ្ហាជម្លោះព្រំដែនថៃ-កម្ពុជាតាមប្រព័ន្ធផ្សព្វផ្សាយសង្គម។

កម្មករមីយ៉ាន់ម៉ាត្រូវបានជំរុញឱ្យឆ្លើយដោយស្ងប់ស្ងាត់នៅពេលពលរដ្ឋថៃចោទសួរ និងបញ្ជាក់សញ្ជាតិរបស់ខ្លួនឱ្យបានច្បាស់លាស់ ដើម្បីចៀសវាងការយល់ច្រឡំក្នុងអំឡុងពេលដែលមានការប្រែប្រួលនេះ។

គួរបញ្ជាក់ថាបញ្ហានេះ សបញ្ជាក់ឲ្យឃើញពីការរើសអើង និង រំលោភសិទិ្ធរបស់ប្រជាជនបរទេសដែលកំពុងធ្វើការនិងស្នាក់នៅប្រទេសថៃ ដែលកាតែប្រឈមនឹងហានិភ័យ ចំពេលជម្លោះព្រំដែនថៃ-កម្ពុជាកាន់តែកើនឡើង។ លើសពីនេះប្រជាជន កម្ពុជាជាច្រើនបាននឹងកំពុងសម្រុកត្រឡប់មកប្រទេសខ្លួនវិញ ជុំវិញបញ្ហាព្រំដែនជាមួយថៃនិង ការរើសអើងជាតិសាសន៍ពីសំណាក់ប្រជាជនថៃមួយចំនួនដែលនេះបញ្ហាញពីពីការកង្វះមនុស្សធម៌កាន់តែខ្លាំងឡើង ក្នុងអំឡុងពេលមានជម្លោះព្រំដែនថែ-កម្ពុជា៕

អត្ថបទ៖ ប៊ុន សុភាព

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា