ព័ត៌មានជាតិ

ខែកក្កដានេះ ទេសចរចិនឈរលើគេមកទស្សនាខេត្តសៀមរាប ខណៈអង់គ្លេស និងអាមេរិក ឈរលំដាប់ទី ២ និងទី ៣

បានផុស

១០ ខែ មុន

នៅ

ថ្ងៃចន្ទ ១១ សីហា ២០២៥

ដោយ

របាយការណ៍ពីមន្ទីរទេសចរណ៍ខេត្តសៀមរាបបានបង្ហាញថា ក្នុងខែកក្កដានេះ ទេសចរចិនបាននាំមុខគេក្នុងការមកទស្សនាខេត្តសៀមរាប ខណៈភ្ញៀវទេសចរអង់គ្លេស និងអាមេរិក ឈរលេខរៀងទី ២ និងទី ៣ ជាបន្តបន្ទាប់ក្នុងចំណោមប្រទេសធំៗទាំង ១០ សម្រាប់ការមកកម្សាន្តក្នុងខេត្តសៀមរាប។

របាយការណ៍បានបញ្ជាក់ថា ទេសចរចិនបានមកទស្សនាខេត្តសៀមរាបមានចំនួន ៥ ៧២០ នាក់ ឈរលំដាប់ទីមួយ ទេសចរអង់គ្លេសមានចំនួន ៥ ០២៦ នាក់ ឈរនៅលំដាប់ទី ២ និងទេសចរអាមេរិកមានចំនួន ៤ ៨១០ នាក់ ឈរនៅលំដាប់ទី ៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមទេសចរប្រទេសធំៗទាំង ១០ ដែលមកទស្សនាខេត្តសៀមរាប ទេសចរឥណ្ឌាក៏ស្ថិតនៅក្រុមប្រទេសឈានមុខគេមួយក្នុងការមកទស្សនាខេត្តសៀមរាប។ នេះបើតាមមន្ទីរទេសចរណ៍ខេត្តសៀមរាប។

លោក ធិម សេរីវុឌ្ឍ ប្រធានស្តីទីនៃមន្ទីរទេសចរណ៍ខេត្តសៀមរាបបានឲ្យកម្ពុជាថ្មីដឹងថា ក្នុងខែកក្កដា ខេត្តសៀមរាបទទួលបានភ្ញៀវទេសចរសរុបប្រមាណ ១១៣ ៥៩៨ នាក់ កើនឡើងប្រមាណ ៦.១៤% បើប្រៀបធៀបរយៈពេលដូចគ្នាឆ្នាំ២០២៤ ដែលមានចំនួនប្រមាណ ១០៧ ០២៤ នាក់។

ក្នុងនោះភ្ញៀវទេសចរជាតិមានចំនួន ៦២ ៥០០ នាក់ កើនឡើងប្រមាណ ៤០.១៣% ប្រៀបធៀបរយៈពេលដូចគ្នា ឆ្នាំ២០២៤។ យ៉ាងណាមិញ ភ្ញៀវទេសចរអន្តរជាតិបានថយចុះ ១៨.១៤% បើប្រៀបធៀបនឹងរយៈពេលដូចគ្នាឆ្នាំ២០២៤៕