ព័ត៌មានអន្ដរជាតិ
នាយករដ្ឋមន្ត្រីស្តីទីថៃ ប្រញាប់ចេញមុខបដិសេធថា រឿងថាក់ស៊ីន រួចទោស មិនពាក់ព័ន្ធរដ្ឋាភិបាលទេ
ភ្លាមៗបន្ទាប់ពីតុលាការប្រកាសថា លោក ថាក់ស៊ីន ស៊ីណាវ៉ាត្រ រួចផុតទោសប្រមាថព្រះមហាក្សត្រនោះ ស្រាប់តែនាយករដ្ឋមន្ត្រីស្តីទីថៃ ភូមិថាម វិឆាយ៉ាឆៃ ចេញមុខអះអាងជាសាធារណៈថា សាលក្រមរបស់អតីតនាយករដ្ឋមន្ត្រីថាក់ស៊ីន គឺមិនពាក់ព័ន្ធអ្វីជាមួយរដ្ឋាភិបាលឡើយ។
លោក ភូមិថាម ដែលបច្ចុប្បន្នក៏កាន់តំណែងជារដ្ឋមន្ត្រីក្រសួងមហាផ្ទៃផងដែរនោះ បានអះអាងបែបនេះទៅកាន់អ្នកសារព័ត៌មានក្នុងទីក្រុងបាងកក នៅថ្ងៃសុក្រទី២២ខែសីហាឆ្នាំ២០២៥។
ទន្ទឹមនោះ លោកជំរុញឲ្យប្រព័ន្ធផ្សព្វផ្សាយ កុំភ្ជាប់ករណីនេះទៅនឹងបញ្ហាផ្លូវច្បាប់ដែលកំពុងបន្តទៀត ព្រោះការធ្វើដូច្នេះអាចបំពានលើសមត្ថកិច្ចរបស់តុលាការ។ លោកបញ្ជាក់យ៉ាងច្បាស់ថា គ្មានការជាប់ពាក់ព័ន្ធនយោបាយអ្វីទេក្នុងសាលក្រមនេះ ព្រោះវាអាស្រ័យលើការសម្រេចរបស់តុលាការ។
សូមជម្រាបជាថ្មី តុលាការថៃ បានចេញសាលក្រមថា លោក ថាក់ស៊ីន មិនមានទោសពីបទប្រមាថព្រះមហាក្សត្រទេ ហើយថែមទាំងពន្យល់ច្បាស់ៗអំពីហេតុផលនៅពីក្រោយសេចក្តីសម្រេចនេះទៀតផង។
តាមការចុះផ្សាយរបស់ The Nation នៅថ្ងៃសុក្រទី២២ខែសីហាឆ្នាំ២០២៥, ហេតុផលដែលតុលាការមិនចោទប្រកាន់លោកថាក់ស៊ីន ព្រោះថា តុលាការមិនបានរកឃើញថា បទសម្ភាសន៍ដែលអតីតនាយករដ្ឋមន្ត្រីថៃរូបនេះផ្តល់ឲ្យប្រព័ន្ធផ្សព្វផ្សាយកូរ៉េខាងត្បូង កាលពីឆ្នាំ២០១៥ គឺជាការសំដៅទៅព្រះមហាក្សត្រ Bhumibol Adulyadej (រាមាទី៩) ដោយចំៗឬប្រើប្រាស់ពាក្យរាជានិយមណាមួយនោះទេ ប៉ុន្តែផ្ទុយទៅវិញ បទសម្ភាសនោះគឺសំដៅទៅលើបុរសទីបីដូចជាគាត់, ទីប្រឹក្សា, ទាហាន និងមនុស្សនៅក្នុងរង្វង់ព្រះបរមរាជវាំងជាដើម។
ម្យ៉ាងក្នុងអំឡុងពេលពិនិត្យមើលសេចក្តីថ្លែងការណ៍ តុលាការរកឃើញថា វីដេអូឃ្លីបនេះមិនបានបង្ហាញថា លោក ថាក់ស៊ីន វាយប្រហារឬរិះគន់ព្រះមហាក្សត្រឡើយ ហើយមតិមហាជនទូទៅក៏មិនបានបកស្រាយបែបនោះដែរ។
លើសពីនេះទៅទៀត ក្នុងពេលពិនិត្យមើលទំព័រ Facebook និង YouTube ដែលបានចែករំលែកបទសម្ភាសវីដេអូនោះ តុលាការរកឃើញថា អ្នកដែលចែករំលែកវីដេអូដំបូងគេ គឺយល់ថា វាគ្រាន់តែជាការវាយប្រហារទៅលើរដ្ឋប្រហារនិងការដណ្តើមអំណាចដោយយោធាប៉ុណ្ណោះ និយាយរួមគឺមិនពាក់ព័ន្ធព្រះមហាក្សត្រឡើយ។
ក្រៅរួចពីទោសប្រមាថព្រះមហាក្សត្រ លោក ថាក់ស៊ីន ក៏ត្រូវតុលាការលុបចោលការចោទប្រកាន់ស្ដីពីឧក្រិដ្ឋកម្មកុំព្យូទ័រសម្រាប់កិច្ចសម្ភាសរបស់គាត់ជាមួយប្រព័ន្ធផ្សព្វផ្សាយកូរ៉េផងដែរ៕
អត្ថបទ៖ សុខ សុវណ្ណ
ចុចអាន៖ តុលាការថៃ ពន្យល់មូលហេតុដែលលោក ថាក់ស៊ីន រួចផុតពីទោស ប្រមាថព្រះមហាក្សត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ