ព័ត៌មានជាតិ

ប្រធានគណៈកម្មាធិការសិទ្ធិមនុស្សថាកាន់តែសុភាពចោរលួចទឹកដីកាន់តែបានចិត្ត

បានផុស

៩ ខែ មុន

នៅ

ថ្ងៃព្រហស្បតិ៍ ១៨ កញ្ញា ២០២៥

ដោយ

ប្រធានគណៈកម្មាធិការសិទ្ធិមនុស្សកម្ពុជា ទេសរដ្ឋមន្ត្រី កែវ រ៉េមី ថាការនៅតែសុភាពជាមួយថៃធ្វើឱ្យថៃកាន់តែបានចិត្ត ការលើកឡើងរបស់លោកដោយភ្ជាប់ជាមួយសេចក្ដីប្រកាសព័ត៌មានរបស់គណៈកម្មាធិការសិទ្ធិមនុស្សថ្កោលទោសសកម្មភាពរបស់ទាហានថៃដែលបានប្រើហិង្សាលើប្រជាជនខ្មែរកាលពីថ្ងៃទី១៧ ខែកញ្ញាម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សរសេរលើហ្វេសបុកផ្ទាល់ខ្លួននៅថ្ងៃទី១៨ ខែកញ្ញា ឆ្នាំ២០២៥នេះ លោក កែវ រ៉េមី បានលើកឡើងថា៖ «មិនត្រូវសុភាពរាបសារជាមួយអាចោរលួចទឹកដី លួចវប្បធម៌តាំងពីសម័យដូនតារហូតដល់បច្ចុប្បន្ននេះទេ កាន់តែសុភាពវាកាន់តែបានចិត្ត»។

ក្នុងសេចក្ដីថ្លែងការណ៍របស់គណៈកម្មាធិការសិទ្ធិមនុស្សកម្ពុជានៅថ្ងៃទី១៨ ខែកញ្ញានេះ បានថ្កោលទោសទាហាន និងកងកម្លាំងតាមព្រំដែនរបស់ថៃដែលបានបន្តរាយបន្លាលួសប្រើប្រាស់អាវុធ ឧស្ម័នបង្ហូរទឹកភ្នែក និងជំពាមកៅស៊ូ មកលើពលរដ្ឋស៊ីវិលកម្ពុជា នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីថ្ងៃទី១៧ ខែកញ្ញា ដែលបណ្ដាលឱ្យប្រជាពលរដ្ឋកម្ពុជា រួមទាំងព្រះសង្ឃ ក៏រងរបួសដល់ទៅ២៩នាក់។

CHRC បានចាត់ទុកសកម្មភាពនេះបានបំពានដល់កិច្ចព្រមព្រៀងនៃបទឈប់បាញ់ គោលការណ៍ព្រមព្រៀងរួមក្នុងកិច្ចប្រជុំGBC ជាមួយកម្ពុជា និងប៉ះពាល់ដល់សិទ្ធិសេរីភាពជាមូលដ្ឋានរបស់មនុស្សដែលការពារដោយធម្មនុញ្ញសហប្រជាជាតិ ធម្មនុញ្ញអាស៊ាន ច្បាប់មនុស្សធម៌អន្តរជាតិ និងច្បាប់សិទ្ធិមនុស្សអន្តរជាតិដែលប្រទេសថៃជារដ្ឋភាគី។

CHRC បានស្នើឱ្យសហគមន៍អន្តរជាតិជួយអន្តរាគមន៍ និងជំរុញឱ្យថៃគោរពច្បាប់អន្តរជាតិ និងដោះលែងទាហានខ្មែរទាំង១៨នាក់ត្រលប់មកកម្ពុជាវិញផងដែរ៕

អត្ថបទដោយ ហ៊ុន សិរីវឌ្ឍន៍

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា