អត្ថន័យសុបិន ១៤ប្រភេទ ចាស់ៗឱ្យកត់ចំណាំទុក កុំភ្លេចឱ្យសោះ

សុបិនទាំង ១៤ ខាងក្រោម ចាស់ពីដើមឱ្យកត់ចំណាំទុក កុំឱ្យភ្លេច ខណៈវាត្រូវបានសៀវភៅបកស្រាយសុបិន ទម្លាយអត្ថន័យតាមប្រភេទដូចជា៖

១. សុបិនឃើញបូជាសព

ក្នុងជីវិតពិត អ្នក​នឹង​មាន​លុយកាក់ហូរចូល ហើយអ្វីដែលធ្លាប់ជាប់គាំងពីមុន ចាប់ផ្ដើមដោះស្រាយបាននៅពេលនេះ។

២. សុបិនឃើញខ្លួនឯងស្លាប់

សុបិននេះ ជាប្រផ្នូលនៃការចាកផុតពីសំណាងអាក្រក់ និងទុក្ខព្រួយ អ្នក​នឹង​ទទួល​បាន​លាភ​សំណាង​ពី​ទី​ជិត​ឆ្ងាយ។

៣. សុបិនឃើញបែកកែវ

​លាភ​សំណាងរបស់អ្នកពេលនេះ មិនសមប្រកបនឹងការវិនិយោគ ឬល្បែងស៊ីសងឡើយ។

៤. សុបិន្តឃើញវត្ត ឬឃើញខ្លួនឯងចូលវត្តអារ៉ាម

ទស្សន៍ទាយ​ថា ​អ្នក​នឹង​រួច​ផុត​ពី​សំណាង​អាក្រក់ និង​រួច​ផុត​ពី​បំណុល។

៥. សុបិនឃើញចោរ

នរណាម្នាក់នឹងនាំបញ្ហាលុយកាក់មកដាក់ឱ្យ ដូច្នេះចូរប្រយ័ត្នចំពោះមនុស្សគ្រប់ប្រភេទ សូម្បីតែមនុស្សជិតស្និទ្ធ។

៦. សុបិនឃើញសម្លាប់សត្វ

បកស្រាយថា អ្នកនឹងជួបរឿងឈឺចិត្តស្អិតទ្រូង ឬបាត់បង់ស្នេហា ហើយមនុស្សជិតដិតនឹងធ្វើឱ្យអ្នកលែងជឿទុកចិត្តគ្នា។

៧. សុបិនបានជិះកង់

អ្នកនឹងត្រូវធ្វើដំណើរផ្លូវឆ្ងាយ ឬត្រូវផ្លាស់ប្តូរទីលំនៅ ប៉ុន្តែវាសុទ្ធតែនាំទៅរកភាពជោគជ័យ និងការល្អប្រសើរ។

៨. សុបិនឃើញផ្ទះថ្មី

សុបិននេះបកស្រាយថា អ្នកនឹងរកបានស្នេហាស្រស់បំព្រងមកបំពេញន័យជីវិត ឬមានលាភពីអ្នកជិតខាង។

៩. សុបិនឃើញស្ទូចត្រី ឬអ្នកនេសាទ

ស្ទូចត្រីក្នុងសុបិន មានន័យថា នឹងទទួលបានលាភសំណាងពីការផ្សងសំណាង ឬឆ្នោត។

១០. សុបិនឃើញញាតិសន្ដានទទួលមរណៈភាព

ញាតិសន្ដានស្លាប់ក្នុងសុបិន មានន័យថា អ្នកនឹងជួបទុក្ខធំ តម្រូវឱ្យធ្វើបុណ្យដាក់ទានកុំខាន។

១១. សុបិនឃើញលង់ទឹក

ទាយថា អ្នកនឹងត្រូវធ្វើដំណើរផ្លូវឆ្ងាយ ហើយនៅក្នុងដំណើរនោះអ្នកនឹងជួប​​ហានិភ័យមួយចំនួន។

១២. សុបិនឃើញយំ

មានន័យថា អ្នកនឹងរួចផុតពីសំណាងអាក្រក់ ហើយប្រសិនបើឈឺ អ្នកនឹងធូរស្បើយ។

១៣. សុបិនឃើញប៉ូលិសចាប់

សុបិននេះ ជានិមិត្តរូបនៃសំណាងអាក្រក់ ដែលនឹងនាំ​ឱ្យ​បាត់បង់​លុយកាក់ ដោយពុំដឹងខ្លួន​។

១៤. សុបិនឃើញខ្មោច

ខ្មោច ជាលាភក្នុង​សុបិន ដែលមានន័យថា ​​នឹង​មានប្រាក់ហូរ​ចូលតាមរយៈការផ្សងសំណាង៕

អត្ថបទ៖ សន្យា

ចុចអាន៖ ទម្លាយអត្ថន័យយល់សប្តិរៀបការ ឬចូលរួមពិធីមង្គលការ