ព័ត៌មានអន្ដរជាតិ
តម្លៃប្រេងអន្តរជាតិបន្តស្ទុះឡើង ខណៈការចរចាអាមេរិក-អ៊ីរ៉ង់ជាប់គាំង
តម្លៃប្រេងអន្តរជាតិបន្តស្ទុះឡើងជាង ២% សម្រាប់ការជួញដូរលើទីផ្សារអាស៊ីនាព្រឹកថ្ងៃចន្ទ (២៧ មេសា) នេះ ចំពេលដែលការចរចាស្វែងរកសន្តិភាពរវាងសហរដ្ឋអាមេរិក និងអ៊ីរ៉ង់ ត្រូវជាប់គាំង ហើយច្រកសមុទ្រហ័រមូហ្សនៅតែបិទខ្ទប់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
គិតត្រឹមម៉ោងជិត ៨ ព្រឹក នៅទីក្រុងហុងកុង តម្លៃប្រេងឆៅ ម៉ាក Brent បានកើនឡើង ២,១៦ ដុល្លារ ឬ ២,០៥% ដល់ ១០៧,៤៩ ដុល្លារ/បារ៉ែល ដែលជាកម្រិតខ្ពស់បំផុតរាប់តាំងពីថ្ងៃទី ៧ មេសា ខណៈប្រេងអាមេរិក WTI វិញ បានកើនឡើង ១,៧៧ ដុល្លារ ឬ ១,៨៨% ដល់ ៩៦,១៧ ដុល្លារ/បារ៉ែល។
កាលពីសប្ដាហ៍មុន តម្លៃប្រេង Brent បានកើនឡើង ១៧% ខណៈ WTI បានកើនឡើង ១៣% ដែលជាកំណើនប្រចាំសប្ដាហ៍ដ៏ខ្ពស់បំផុត រាប់តាំងពីជម្លោះអ៊ីស្រាអែល សហរដ្ឋអាមេរិក និងអ៊ីរ៉ង់ ផ្ទុះឡើង។
គេមើលឃើញថា កិច្ចប្រឹងប្រែងរកសន្តិភាព បានជាប់គាំងបន្ទាប់ពីប្រធានាធិបតីអាមេរិក លោក ដូណាល់ ត្រាំ បានលុបចោលដំណើរទស្សនកិច្ចរបស់ប្រេសិតអាមេរិកទៅកាន់ប្រទេសប៉ាគីស្ថាន ភាពតានតឹងកើនឡើង ទោះបីជាមានចលនាការទូតក៏ដោយ។ អ្នកវិភាគនិយាយថា អ៊ីរ៉ង់ឥឡូវនេះ មានសម្ពាធកាន់តែធំ ដោយប្រទេសអាចនឹងត្រូវផ្អាកផលិតកម្មប្រេងដោយសារតែគ្មានកន្លែងស្ដុក។
ភាពតានតឹងនៅតែបន្តរំខានដល់ការផ្គត់ផ្គង់ប្រេងចេញពីមជ្ឈិមបូព៌ា ដោយសារការបិទច្រកហ័រមូហ្សទាំងពីអ៊ីរ៉ង់ និងការបិទចរាចណ៍ទៅមកនៅកំពង់ផែអ៊ីរ៉ង់របស់អាមេរិក ដែលធ្វើឱ្យលំហូរប្រេងកាត់តាមហូរមូហ្ស ត្រូវបានកាត់ផ្ដាច់ទាំងពីអ៊ីរ៉ង់ និងបណ្ដាប្រទេសឈូងសមុទ្រពែរ្សផ្សេងទៀត។
កាលពីថ្ងៃអាទិត្យ ធនាគារ Goldman Sachs កាលពីពេលថ្មីៗ បានបង្កើនការព្យាករតម្លៃប្រេងនៅត្រីមាសទី៤ ដល់ ៩០ ដុល្លារ/បារ៉ែល សម្រាប់ប្រេងម៉ាក Brent និង ៨៣ ដុល្លារ/បារ៉ែលសម្រាប់ប្រេង WTI ដោយលើកឡើងការធ្លាក់ចុះពីផលិតកម្មនៅមជ្ឈិមបូព៌ា ដោយព្រមានថា វិបត្តិផ្គត់ផ្គង់ តម្លៃប្រេងឥន្ធនៈខ្ពស់ និងកង្វះខាតដែលអាចកើតមាន អាចបង្កើតហានិភ័យសេដ្ឋកិច្ចកាន់តែទូលំទូលាយ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ