សេដ្ឋកិច្ច

ទុរេនបែកអន្លូង មិនទាន់ដល់ពេលប្រមូលផលផ្លូវការនោះទេ

បានផុស

១ ខែ មុន

នៅ

ថ្ងៃអង្គារ ៥ ឧសភា ២០២៦

ដោយ

លោក ហេង ឆេងលី ប្រធានសហគមន៍ទុរេនបែកអន្លូងបានប្រាប់កម្ពុជាថ្មីនៅថ្ងៃអង្គារទី ៥ ឧសភា ២០២៦ថា សហគមន៍ទុរេនបែកអន្លូង ពូជស្រាលដល់ហើយ រួមមានពូជ មូសាំងឃីង ភួងមុន្នី មានដល់ប្រមូលផលប្រហែល ៦០% ដែលបានប្រមូលផលចាប់តាំងពីថ្ងៃ ២០ ខែ មេសា ដែលមានចំនួន ២០ តោន លក់ឱ្យឈ្មួញចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង ឆេងលី បញ្ជាក់ថា៖ «ចំណែកប្រភេទម៉ានថង នៅមុនចូលឆ្នាំខ្មែរ មានតិចតួចប្រមាណ ៣-៥ តោន ហើយមកដល់ថ្ងៃនេះ គឺទទួលទានអស់ហើយ។ ហើយទុរេនដល់ផ្លូវការ មិនទាន់ដល់ទេប្រហែល ថ្ងៃ ២០ ខែ ៥ នេះ អាចមានលក់តិចតួចហូរហែរ»។

ការអះអាងរបស់ប្រធានសហគមន៍ទុរេនបែកអន្លូង បានធ្វើឡើងបន្ទាប់ពីការចរាចរទុរេនជាច្រើននៅលើទីផ្សារ ដោយអះអាងថា ជាទុរេនមានប្រភពមកពីខេត្តកំពង់ចាម។

ប្រធានសហគមន៍ទុរេនបែកអន្លូងបានបន្ថែមថា ខេត្តកំពង់ចាម និងត្បូងឃ្មុំ អាចប្រមូលផលដំណាលគ្នា តែបើនៅតំបន់មាត់សមុទ្រអាចលឿនជាង ដូចស្រែអំបិល កំពត តែនៅរតនៈគិរី ក្រោយគេ។

លោក ហេង ឆេងលី អំពាវនាវឱ្យអាជីវករនាំចូល ពិចារណាពីពេលវេលាក្នុងការលក់ដូរ មិនគួរនាំចូលទុរេនពីប្រទេសជិតខាង ដែលកម្ពុជាកំពុងមានជម្លោះព្រំដែនជាមួយ និងមានរឿងអាស្រូវការប្រើសារធាតុគីមីហាមឃាត់ មកចែកចាយក្នុងស្រុកយើងនោះទេ។ សម្រាប់អ្នកទទួលទាន ត្រូវស្វែងរកប្រភពច្បាស់លាស់ដោយទទួលទានទុរេនក្នុងស្រុកជំនួសឱ្យទុរេននាំចូល។

អគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង នៃក្រសួងពាណិជ្ជកម្ម នៅថ្ងៃទី ០៤ ខែឧសភា ២០២៦ បានហាមអាជីវករ នាំចូល លក់ និងចែកចាយនូវផលិតផលទំនិញមានផ្ទុកសារធាតុគីមីហាមឃាត់ ឬកែច្នៃលួចលាយសារធាតុដែលអាចបង្កគ្រោះថ្នាក់ដល់សុខភាព សុវត្ថិភាពអ្នកប្រើប្រាស់៕

អត្ថបទ៖ ឡេង ដេត

Related Topics:ទុរេន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា