សេដ្ឋកិច្ច

មកដឹង ថ្លៃខាតបង់សេដ្ឋកិច្ចពិភពលោកបណ្ដាលមកពីសង្គ្រាមនៅ អ៊ុយក្រែន

បានផុស

១ year មុន

នៅ

ថ្ងៃព្រហស្បតិ៍ ២៣ កុម្ភៈ ២០២៣

ដោយ

បើយោងតាមការសិក្សាដែលចេញផ្សាយកាលពីពេលថ្មីៗនេះ ដោយវិទ្យាស្ថានសេដ្ឋកិច្ចអាល្លឺម៉ង់បានឲ្យដឹងថា សង្គ្រាមនៅអ៊ុយក្រែនបានធ្វើឲ្យសេដ្ឋកិច្ចពិភពលោកខាតបង់អស់ជាង ១.៦ ពាន់ពាន់លានដុល្លារកាលពីឆ្នាំ ២០២២ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការសិក្សានេះបានឲ្យដឹងទៀតថា ចំណែកការខាតបង់សម្រាប់ឆ្នាំ ២០២៣ នេះវិញ ពិភពលោកទំនងជាបាត់សេដ្ឋកិច្ច ពាក់ព័ន្ធនឹងផលិតកម្ម អាចមានរហូតដល់ទៅ ១ ពាន់ពាន់លានដុល្លារបន្ថែមទៀត ។

ការគណនានេះ គឺផ្អែកលើផលិតផលក្នុងស្រុកសរុប (GDP) របស់ប្រទេសនីមួយៗ ខណៈការព្យាករណ៍របស់មូលនិធិរូបិយវត្ថុអន្តរជាតិ (IMF) អំពីការធ្លាក់ចុះសេដ្ឋកិច្ចពិភពលោក ក៏បានចូលរួមចំណែកជាមូលដ្ឋានសម្រាប់ការគណនា និងការប៉ាន់ប្រមាណដូចគ្នានេះផងដែរ ។

សង្រ្គាមរុស្ស៊ី-អ៊ុយក្រែននាពេលកន្លងមកនេះ បាននាំឲ្យមានការរំខានដល់ការផ្គត់ផ្គង់ និងផលិតកម្មនៅទូទាំងពិភពលោក ។ លើសពីនេះទៀត តម្លៃថាមពលបានកើនឡើងយ៉ាងខ្លាំង ហើយមិនតែប៉ុណ្ណោះ អតិផរណាក៏បានកើនឡើងដូចគ្នានៅគ្រប់ប្រទេសទាំងអស់ ។

ស្របជាមួយគ្នានោះ ទស្សនវិស័យសេដ្ឋកិច្ចមិនច្បាស់លាស់ និងការកើនឡើងថ្លៃហិរញ្ញប្បទានមកពីការកើនឡើងអត្រាការប្រាក់នៅទូទាំងពិភពលោក ក៏ដូចជាការកើនឡើងនៃថ្លៃដើមទុន បាននាំឲ្យក្រុមហ៊ុននានាជុំវិញពិភពលោកកំពុងរាំងស្ទះការវិនិយោគរបស់ពួកគេ ។

ប៉ុន្តែទោះជាយ៉ាងណា យោងតាមការសិក្សារំពឹងថា សេដ្ឋកិច្ចសម្រាប់នៅក្នុងឆ្នាំ ២០២៣ នេះនឹងខាតបង់តិចជាងឆ្នាំ ២០២២ ប៉ុណ្ណោះ ដោយសារតែការបន្ធូរបន្ថយលើទីផ្សារវត្ថុធាតុដើម ហើយថាមពលសកលត្រូវបានកំណត់ឡើងវិញ ៕

ប្រែសម្រួលដោយ ៖ នាង រតនៈ

ប្រភព ៖ Anadolu

ចុចអាន ៖ រុស្ស៊ី បញ្ជាក់ថា មិនចាំបាច់ខ្ចី ឬឱនក្បាលអង្វរសុំលុយពីបរទេសឡើយ