Connect with us

ព័ត៌មានជាតិ

ក្រោយ​បើករោងចក្រ​ដំឡើង​រថយន្ត​នៅកម្ពុជា មេ​ធំ​ក្រុមហ៊ុន RMA Group ចូលជួប​​លោក ស៊ុន ចាន់ថុល ​ជជែក​ពីការ​​​វិនិយោគ​បន្ថែម​

បានផុស

នៅ

កាលពី​ព្រឹកថ្ងៃទី២ ខែវិច្ឆិកា ឆ្នាំ២០២៣ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យក្រុមហ៊ុន RMA Group ដឹកនាំដោយលោក Kevin Whitcraft ប្រធានក្រុមហ៊ុន RMA Group និងលោក ងន សាំង អគ្គនាយកប្រតិបត្តិ RMA Cambodia បាន​ចូលជួបសម្ដែងការគួរសមនិងពិភាក្សាការងារ​​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបទ្វេភាគីនេះផ្ដោតការពិភាក្សាលើវឌ្ឍនភាពនៃកិច្ចការងារវិនិយោគក្នុងវិស័យយានយន្តនៅកម្ពុជា ក៏ដូចជាពិនិត្យលើសំណើសុំសម្របសម្រួលនានាពីក្រុមប្រឹក្សាអភិវឌ្ឍន៍កម្ពុជាក្នុងគម្រោងវិនិយោគរបស់ RMA Group។

ក្រុមហ៊ុន RMA Group កាលពីឆ្នាំ ២០២២ កន្លងទៅ បានទទួលការអនុម័តពីរាជរដ្ឋាភិបាលកម្ពុជាក្នុងការបណ្ដាក់ទុនបង្កើតរោងចក្រដំឡើងរថយន្ត FORD ក្នុងខេត្តពោធិ៍សាត់ ក្នុងទុនវិនិយោគចំនួន ២១ លានដុល្លារ។ ក្រៅពីនេះ​​ក្រុមហ៊ុនដ៏​ធំរបស់​អាមេរិកនេះ​ក៏​កំពុង​រកស៊ីពហុវិស័យនៅ​កម្ពុជា​ដូចជាលក់រថយន្ដ គ្រឿងចក្រកសិកម្ម សេវាកម្ម រួមមានផ្នែកភោជនីយដ្ឋានផង​ដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម