ព័ត៌មានជាតិ

អាជីវករខេត្តបាត់ដំបងត្អូញត្អែរការលក់ដូរឆ្នាំនេះធ្លាក់ចុះ ក្នុងឱកាសបុណ្យចូលឆ្នាំចិន

បានផុស

៥ years មុន

នៅ

ថ្ងៃពុធ ១០ កុម្ភៈ ២០២១

ដោយ

ថ្ងៃទី១១ ខែកុម្ភៈ គឺជាថ្ងៃសែន តាមទំនៀមទម្លាប់ប្រពៃណីចិនហើយ តែអ្នកលក់ដូរមាន់ទា សាច់ជ្រូក និងគ្រឿងសម្រាប់សែនបានត្អូញត្អូញត្អែរថា ឆ្នាំនេះលក់មិនសូវដាច់ដូចរាល់ឆ្នាំនោះទេ គឺមិនសូវមានអ្នកមកទិញច្រើនដូចមុន។

ក្រុមអ្នកលក់ថា មិនសូវមានអ្នកមកផ្សារដូចឆ្នាំមុន ប្រហែលមកពីម្នាក់ៗ មិនសូវមានលុយ ហើយក៏ដោយសារតែខ្លាចឆ្លងជំងឺកូវីដ១៩ នេះផងមើលទៅ។អាជីវករលក់សាច់ជ្រូកនៅផ្សារបឹងឈូកខេត្តបាត់ដំបងបាននិយាយថា មួយព្រឹកហើយគាត់លក់ដាច់បានក្បាលជ្រូកពីរនិងសាច់ជ្រូកប្រហែល១០០គីឡូ ដែលខុសពីឆ្នាំមុនដែលលក់បានសាច់ ជ្រូកបីទៅ បួនរយគីឡូ និងក្បាលជ្រូកសែនច្រើន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអាជីវករនិយាយនៅពួកគាត់ទើបលក់ដាច់គ្រាន់បើនៅថ្ងៃទី១០ ខែកុម្ភៈមុនសែនមួយថ្ងៃប៉ុណ្ណោះ រាល់ឆ្នាំលក់ដាច់មុនពីរបីថ្ងៃឯណោះ។អ្នកលក់សម្ភារៈសម្រាប់សែន ដូចជាលុយដុល្លារ ធូបទៀន ផ្ទះ ម៉ូតូ ឡាន សម្រាប់សែនជាដើម ក៏ត្អូញត្អែរស្រដៀងគ្នាដែរថា ការលក់ថយចុះ៣០ទៅ៤០ភាគរយ បើធៀបទៅនឹងឆ្នាំមុន ។

ការលក់មិនសូវដាច់នេះក្រុមអាជីវករគ្រាន់តែត្អូញត្អែរប៉ុណ្ណោះ តែពួកគាត់ទទួលស្គាល់ថា បច្ចុប្បន្ន នេះ បញ្ហាជំងឺកូវីដ១៩ ធ្វើឱ្យប្រជាជនពិបាករកលុយណាមួយពួកគាត់មានការបារម្ភពីការឆ្លងជំងឺ កូវីដ១៩ ផង ទើបមិនសូវមកកាន់ទីផ្សារ ដែលមានមនុស្សកកកុញ ងាយប្រឈមនិងការឆ្លងជំងឺ បានគ្រប់ពេលបាន ពីព្រោះថា ប្រជាពលរដ្ឋបានយល់ពីវិធានការការពារការឆ្លងជំងឺកូវីដ១៩ តាម ការផ្សព្វផ្សាយរបស់ក្រសួងសុខាភិបាល និងអាជ្ញាធរ៕

សោ និយមរ័ត្ន