សេដ្ឋកិច្ច
ភ្ញៀវក្នុងតំបន់អាស៊ាននៅតែឈានមុខគេនៃភ្ញៀវទេសចរបរទេសមកទស្សនាកម្ពុជាក្នុងត្រីមាសទី១
ភ្នំពេញ៖ កម្ពុជាបានស្វាគមន៍ភ្ញៀវទេចរបរទេសជាង ១,៥៨២ លាននាក់ក្នុងត្រីមាសទី១កើនឡើងជាង២២ភាគរយធៀបនឹងរយៈពេលដូចគ្នាកាលពីឆ្នាំមុន ដែលនាំមុខគេដោយការមកដល់នៃភ្ញៀវបរទេសមកពីក្នុងតំបន់អាស៊ាន។
យោងតាមទិន្នន័យផ្លូវការពីក្រសួងទេសចរណ៍ ចន្លោះពីខែមករា ដល់ខែមិនា ឆ្នាំ២០២៤ កម្ពុជាទទួលបានភ្ញៀវបរទេសសរុប ១ ៥៨២ ៦៧៧ នាក់ កើនឡើង ២២,៥ ភាគរយបើធៀបរយៈពេលដូចគ្នាកាលពីឆ្នាំមុន ដែលមានចំនួន ១ ២៩១ ៥៣៩នាក់។ ក្នុងចំណោមភ្ញៀវទេចរបរទេសនេះ ភ្ញៀវមកពីប្រទេសអាស៊ានតំណាងឱ្យ៥៦,៧ ភារយកនៃចំនួនភ្ញៀវសរុប ដែលក្នុងនោះខាងលើ គឺភ្ញៀវមកពីប្រទេសថៃ មានច្រើនជាងគេ គឺ ៤១៩ ៧៨១ នាក់ ស្មើនឹង ២៦,៥ ភាគរយនៃចំនួនភ្ញៀវបរទេសសរុប, វៀតណាម ២៩៩ ៣៩១នាក់ ស្មើ ១៨,៩ ភាគរយ, ឡាវ ៩០ ១៧១នាក់ ស្មើ ៥,៥៧ភាគរយ និង ឥណ្ឌូនេស៊ី ៣៧ ៩១៤ ស្មើ២,៤ ភាគរយ។ ជាមួយគ្នានេះដែរ ការមកដល់នៃភ្ញៀវចិនក៏មានកំណើនឡើងខ្ពស់ផងដែរ គឺ១៨៩ ៩៦១នាក់ កើនឡើង៤៣,២ភាគរយធៀបនឹងរយៈដូចគ្នាកាលពីឆ្នាំមុនមានចំនួនតែ១៣២ ៦៦៥នាក់ប៉ុណ្ណោះ។
លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា (PATACC) បានថ្លែងថា ទោះបីជាស្ថានភាពវិស័យទេសចរណ៍សកលនិងក្នុងតំបន់មានសភាពល្អប្រសើរជាង ប៉ុន្មានឆ្នាំមុន ការមកដល់នៃភ្ញៀវបរទេសមកពីក្នុងតំបន់នៅតែដើរតួនាទីសំខាន់ ក្នុងជួយឱ្យ វិស័យទេសចរណ៍ងើបឡើងវិញ។
លោកបានថ្លែងបន្តទៀតថា សម្រាប់ភ្ញៀវបរទេសមកពីអឺរ៉ុបនិងអាមេរិក នៅតែមានចំនួន តិចតូចនៅឡើយដោយសារតែស្ថានភាពសេដ្ឋកិច្ចសកលហាក់នៅពុំទាន់មានភាពល្អប្រសើរប៉ះពាល់ដល់ប្រាក់ចំណូលរបស់ពួកគេ។
លោកបានមានប្រសាសន៍បន្តទៀតថា៖«ជាការពិតណាស់ វាជាកំណើនមួយល្អដែលបង្ហាញ អំពីការងើបឡើងវិញនៃវិស័យទេចរណ៍ដែលបានទទួលរងផលប៉ះពាល់ពីការរីករាលដាលនៃជំងឺកូវីដ១៩ និងការអូសបន្លាយនៃសង្រ្គាមរុស្ស៊ី-អ៊ុយក្រែន។ មែនទែនទៅជាមួយនឹងការ ដាក់ឱ្យដំណើការនៃព្រលានយន្តហោះអន្តរជាតិសៀមរាបថ្មី ក៏បានរួមចំណែកផងដែរនៃ ការទាក់ទាញភ្ញៀវទេសចរ ដែលយើងបានបើកការហោះហើរត្រង់កាន់តែច្រើន»។
លោក ខៀវ ធី ប្រធានសមាគមមគ្គុទ្ទេសក៍ទេសចរអង្គរ ធ្លាប់បានលើកឡើងថា ជាមួយនឹងការខិតខំផ្សព្វផ្សាយពីសក្តានុពលវិស័យទេសចរណ៍កម្ពុជា, ការកសាងហេដ្ឋារចនាសម្ព័ន្ធផ្លូវថ្នល់ និងអាកាសយានដ្ឋាន,ថ្មីៗ ព្រមទាំងការតភ្ជាប់ជើងហោះហើរត្រង់ជាមួយប្រទេសនានា កំពុងជួយឱ្យកម្ពុជាទាក់ទាញចំណាប់អារម្មណ៍ភ្ញៀវទេសចរបរទេសកាន់តែច្រើនឱ្យមកកម្សាន្តនៅកម្ពុជា។
លោកនិយាយថា៖«តាមរយៈកិច្ចខិតខំ និងអ្វីដែលកម្ពុជាកំពុងមាននៅពេលនេះ ខ្ញុំមានជំនឿថា ចំនួនភ្ញៀវទេសចរបរទេសដែលមកកម្ពុជានឹងមានកាន់តែច្រើន»។
ក្នុងឆ្នាំ២០២៣ កម្ពុជាទទួលបានភ្ញៀវទេសចរបរទេសចំនួន ៥,៤៥លាននាក់ កើនឡើង ១៣៩,៥ភាគរយបើធៀបនឹងឆ្នាំ២០២២ ចំណែកប្រាក់ដែលរកបានពីវិស័យទេសចរណ៍បរទេស ក្នុងឆ្នាំ២០២៣ គឺមានប្រមាណ ៣,០៤ពាន់លានដុល្លារ កើនឡើង ១១៥ភាគរយពីចំនួន ១,៤១ពាន់លានដុល្លារកាលពីឆ្នាំ២០២២។ នេះបើតាមក្រសួងទេសចរណ៍៕
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង១ សប្តាហ៍ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ