Connect with us

សេដ្ឋកិច្ច

កម្ពុជាត្រៀមចូលរួមកិច្ចប្រជុំលើកទី២ នៃក្រុមការងារចម្រុះកម្ពុជា-ឥណ្ឌាទី១៩ខែមិថុនាខាងមុខ

បានផុស

នៅ

ជាកិច្ចខិតខំប្រឹងប្រែងដើម្បីលើកកម្ពស់វិនិយោគ និងការដោះដូរពាណិជ្ជកម្ម កម្ពុជាត្រៀមខ្លូនចូលរួមកិច្ចប្រជុំលើកទី២ នៃក្រុមការងារចម្រុះកម្ពុជា-ឥណ្ឌា ស្តីពីពាណិជ្ជកម្ម និងវិនិយោគ ដែលនឹងគ្រោងប្រព្រឹត្តិទៅនៅទីក្រុងញូវដែលី សាធារណរដ្ឋឥណ្ឌានាថ្ងៃទី១៩ខែមិថុនា​ ដែលជាការត្រួសត្រាយផ្លូវក្នុងការឈានទៅរកកិច្ចចរចារពាណិជ្ជកម្មទ្វេរភាគីរវាងប្រទេសទាំងពីរនាពេលដ៏ខ្លីខាងមុខនេះ។

លោក ឡុង កែមវិចិត្រ អគ្គនាយកនៃអគ្គនាយកដ្ឋានពាណិជ្ជកម្មអន្តរជាតិ និងជាប្រធានក្រុមការងារចម្រុះកម្ពុជា-ឥណ្ឌា ស្តីពីពាណិជ្ជកម្ម និងវិនិយោគ កាលពីថ្ងៃទី១១ បានដឹកនាំកិច្ចប្រជុំអន្តរក្រសួង-ស្ថាប័ន ដើម្បីត្រៀមសម្រាប់ការចូលរួមកិច្ចប្រជុំលើកទី២ នៃក្រុមការងារចម្រុះកម្ពុជា-ឥណ្ឌា ស្តីពីពាណិជ្ជកម្ម និងវិនិយោគ ដែលនឹងគ្រោងប្រព្រឹត្តិទៅនៅទីក្រុងញូវដែលី សាធារណរដ្ឋឥណ្ឌា។ នេះបើយោងតាមសេចក្តីប្រកាសព័ត៌មានក្រសួង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបានគូសបញ្ជាក់ថា៖«កិច្ចប្រជុំនេះ រៀបចំឡើងក្នុងគោលបំណងរាយការណ៍ និងតាមដានវឌ្ឍនភាពការងារ ដែលក្រុមការងារនៃភាគីទាំងពីរបានធ្វើកន្លង បញ្ហាមួយចំនួនដែលនៅសេសសល់ ដំណោះស្រាយ និងធាតុចូលសំខាន់ៗពីអន្តរក្រសួង-ស្ថាប័នដែលបានចូលរួម»។

សម្រាប់បណ្តាអន្តរក្រសួង-ស្ថាប័នដែលបានចូលរួមរួមមាន៖ ក្រសួងកសិកម្ម រុក្ខាប្រមាញ់និងនេសាទ ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ ក្រសួងសុខាភិបាល អគ្គនាយកដ្ឋានគយនិងរដ្ឋាករកម្ពុជា ធនាគារជាតិនៃកម្ពុជា ក្រុមប្រឹក្សាអភិវឌ្ឍន៍កម្ពុជា នាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម សម្រាប់ជូនក្រុមការងារដើម្បីបន្តពិភាក្សា និងស្វែងរកដំណោះស្រាយថ្មីៗរវាងភាគីទាំងពីរ នៅក្នុងកិច្ចប្រជុំលើកទី២ នៃកិច្ចប្រជុំក្រុមការងារខាងលើនៅថ្ងៃទី១៩ ខែមិថុនា ឆ្នាំ២០២៤ នៅទីក្រុងញូវដេលី សាធារណរដ្ឋឥណ្ឌា ខាងមុខនេះ។

​ក្រុម​ប្រឹក្សា​ធុរកិច្ច​រួម​ឥណ្ឌា​-​កម្ពុជា   (ICJBC) ត្រូវ​បាន​បង្កើត​ឡើង​ជា​ផ្លូវ​ការ​​នៅ​រដ្ឋធានី​ញូវដេលី​ នៃ​ប្រទេស​ឥណ្ឌា​ កាលពី​ថ្ងៃទី​២៣ ខែកុម្ភៈ  ដែល​នេះ​ជា​គំនិត​ផ្តួចផ្តើមឡើង​រវាង​សមាគម​ឧកញ៉ា​កម្ពុជា​(COA) និង​សហព័ន្ធ​សភា​ពាណិជ្ជ​កម្ម និង​ឧស្សាហ​កម្ម​ឥណ្ឌា​(FICCI) ក្នុង​គោលដៅ​ជំរុញ​សកម្មភាព​ពាណិជ្ជ​កម្ម និង​វិនិយោគ​រវាង​ប្រទេស​ឥណ្ឌា​-​កម្ពុជា តាម​រយៈ​កិច្ច​ពិភាក្សា និង​កិច្ច​សហ​ប្រតិបត្តិការ​រវាង​ផ្នែក​ឯកជន​នៃ​ប្រទេស​ទាំង​ពីរ​។  

លោកស្រី Devyani Khobragade ឯក​អគ្គរដ្ឋ​ទូត​ឥណ្ឌា​ប្រចាំ​នៅ​កម្ពុជា បាន​និយាយ​ថា ICJBC នឹង​ដើរ​តួនាទី​សំខាន់​ក្នុង​ការ​ពង្រឹង​ទំនាក់​ទំនង​វិស័យ​សេដ្ឋកិច្ច​រវាង​ប្រទេស​ទាំង​ពីរ ស្រប​ពេល​ទំនាក់​ទំនង​ការទូត​រវាង​កម្ពុជា​-​ឥណ្ឌា​កំពុង​មាន​ភាព​ល្អ​ប្រសើរ​ឡើងៗ​។​

លោកស្រី​បាន​ថ្លែង​ថា​៖ «​ការ​បង្កើត​ជា​ផ្លូវការ​ក្រុម​ប្រឹក្សា​ធុរកិច្ច​រួម​ឥណ្ឌា​-​កម្ពុជា​(ICJBC) ដែល​នឹង​ផ្តល់​នូវ​ឱកាស​ដល់​ផ្នែក​ឯកជន​ប្រទេស​ទាំង​ពីរ​បាន​ចូលរួម​ពេញ​សិទ្ធិ និង​ជា​ផ្លូវ​ការ​កម្រិត​ខ្ពស់​បំផុត​មួយ ព្រោះ​ការ​ចូល​រួម​ជាមួយ​គ្នា​ទៅ​វិញ​ទៅ​មក​រវាង​ផ្នែក​ឯកជន​ដែល​មាន​ការ​គាំទ្រ​ពេញ​ទំហឹង​ពី​រដ្ឋាភិបាល​បែប​នេះ​ប្រាកដ​ជា​នឹង​ជំរុញ​សកម្ម​ភាព​ពាណិជ្ជ​កម្ម និង​ការ​វិនិយោគ​រវាង​ឥណ្ឌា និង​កម្ពុជា​កាន់​តែ​ខ្លាំង​ថែម​ទៀត ព្រម​ទាំង​ពង្រឹង​ភាព​ជា​ដៃគូ​ទ្វេភាគី​កាន់​តែ​រឹងមាំ​ទ្វេដង»​។​

ពាណិជ្ជ​កម្ម​ទ្វេភាគី​រវាង​កម្ពុជា និង​ឥណ្ឌា​បាន​កើន​ឡើង​ជា​លំដាប់ ដោយ​សម្រេច​បាន​ជិត ៤៨៥,៧​លាន​ដុល្លារ​កាល​ពី​ឆ្នាំ​២០២៣ កើន​ឡើង ១០​ភាគរយ​បើ​ធៀប​នឹង​ឆ្នាំ​២០២២​។​

ទិន្នន័យ​ក្រសួង​ទេសចរណ៍​ បង្ហាញ​ថា ប្រទេស​កម្ពុជា​បាន​ស្វាគមន៍​ភ្ញៀវ​ទេសចរ​ឥណ្ឌា​ចំនួន ៦៨ ៨៣៦​នាក់​កាល​ពី​ឆ្នាំ​មុន កើន​ឡើង​ជាង ១០២​ភាគរយ​ធៀប​នឹង​ឆ្នាំ​២០២២​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៥ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៦ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៨ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៩ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៤ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៨ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១៣ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម