ព័ត៌មានជាតិ
ក្រុមហ៊ុនបច្ចេកវិទ្យាបដិសណ្ឋារកិច្ចអាមេរិក Vemanti Group ពង្រីកអាជីវកម្មមកកម្ពុជា
ប្រទេសកម្ពុជាគឺជាប្រទេសមួយក្នុងចំណោមប្រទេសអាស៊ានពីរផ្សេងទៀតគឺថៃ និងហ្វីលីពីន ដែលក្រុមហ៊ុន Vemanti Group, Inc. មានមូលដ្ឋាននៅសហរដ្ឋអាមេរិកបានប្រកាសពីការពង្រីកប្រតិបត្តិការតាមរយៈក្រុមហ៊ុនបុត្រសម្ព័ន្ធរបស់ខ្លួនគឺ ក្រុមហ៊ុន VinHMS Pte ក្នុងការពង្រីកវត្តមានផ្នែកបច្ចេកវិទ្យាបដិសណ្ឋាកិច្ចមកកាន់តំបន់នេះ។
យោងតាមសេចក្តីប្រកាសព័ត៌មានរបស់ក្រុមហ៊ុននៅថ្ងៃទី១៨ខែកក្កដានេះ ជាមួយនឹងផែនការមកកាន់តំបន់ គិតមកដល់បច្ចុប្បន្ន ក្រុមហ៊ុន VinHMS ដំណើរការនៅក្នុងប្រទេសចំនួនប្រាំគឺ សិង្ហបុរី វៀតណាម កម្ពុជា ថៃ និងហ្វីលីពី។
សម្រាប់ប្រទេសកម្ពុជា VinHMS សហការជាមួយក្រុមហ៊ុន Elite Hospitality and Management (EHM) ដើម្បីបង្កើនប្រតិបត្តិការបដិសណ្ឋារកិច្ចរបស់ពួកគេជាមួយនឹងដំណោះស្រាយឌីជីថលកម្រិតខ្ពស់សម្រាប់ការផ្តោតលើភាពប្រណីត ដោយចាប់ផ្តើមអនុវត្តន៍ជាមួយសណ្ឋាគារ Caravan ក្នុងរាជធានីភ្នំពេញ។
លោក Hoang Eric Nguyen នាយកប្រតិបត្តិនៃក្រុមហ៊ុន Vemanti បានលើកឡើងថា៖«យើងពិតជាសប្បាយចិត្តចំពោះការបោះជំហានមួយនេះ ដែលជាការឆ្លើយតបទៅនឹងកំណើននៃវិស័យនេះនៅក្នុងតំបន់ ។ ការពង្រីកវត្តមានរបស់យើងមកកាន់ប្រទេស កម្ពុជា ថៃ និងហ្វីលីពីនគឺស្របតាមចក្ខុវិស័យរបស់យើងក្នុងការផ្តល់នូវដំណោះស្រាយបដិសណ្ឋារកិច្ចដ៏ទំនើបនៅទូទាំងអាស៊ីអាគ្នេយ៍។ តាមរយៈការប្រើប្រាស់ផ្លេតហ្វម CiHMS ដ៏ពេញនិយមរបស់យើង យើងមានគោលបំណងក្នុងការចូលរួមលើកកម្ពស់និងការរីកចម្រើនដល់ប្រតិបត្តិករក្នុងស្រុក»។
Elite Hospitality and Management (EHM) គឺជាក្រុមហ៊ុនដែលមានមូលដ្ឋាននៅក្នុងប្រទេសកម្ពុជា ដោយបម្រើលើសេវាគ្រប់គ្រងលើសណ្ឋាគារ និងរមណីយដ្ឋានប្រណីតៗ។
យោងតាមរបាយការណ៍របស់ក្រសួងទេសចរណ៍ ភ្ញៀវអន្តរជាតិសរុបចំនួនជាង ២,៦៤១ លាននាក់បានមកទស្សនានៅប្រទេសកម្ពុជាក្នុងរយៈពេល៥ខែដើមឆ្នាំនេះ កើនឡើង ២២,១ ភាគរយបើធៀបនឹងរយៈពេលដូចគ្នាក្នុងឆ្នាំ ២០២៣ដែលមានចំនួន ២,១៦៣លាននាក់។
ក្នុងចំណោមទេសចរទាំងអស់នេះ ទេសចរថៃឈរនៅលំដាប់លេខរៀងទី ១ មានចំនួន ៧៧០ ៣៧១ នាក់ កើន ៦,១ ភាគរយ; វៀតណាមចំនួន ៥២៨ ២៥២ នាក់ កើនជិត៤០ ភាគរយ; ចិន ៣២៦ ០០៣ កើជាង ៤០ ភាគរយ; ឡាវ ១៥៤០២០ កើនជាង ៤០ ភាគរយ; អាមេរិក ចំនួន ៩៥ ៦១៦ កើន ១៧,៦ ភាគរយ; ឥណ្ឌូនេស៊ីមានចំនួន ៦៧ ៦៧១ កើន២២,៧ភាគរយ; បារាំងចំនួន ៦០ ៥០៤ កើនជាង២៧ភាគរយ; អង់គ្លេសចំនួន ៥៦ ០៨១កើនជាង២០ភាគរយ; និងជប៉ុនចំនួន ៤៦ ៤១៧ កើនជាង៥៤ភាគរយ៕
-
ព័ត៌មានអន្ដរជាតិ៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត