ព័ត៌មានអន្ដរជាតិ

ការលក់រថយន្តអគ្គិសនីកើនឡើងជាង ៣០ ភាគរយ នៅខែកញ្ញា ដោយចិននាំមុខគេ

បានផុស

២ years មុន

នៅ

ថ្ងៃអង្គារ ១៥ តុលា ២០២៤

ដោយ

ក្រុមហ៊ុនស្រាវជ្រាវទីផ្សារ Rho Motion ចេញផ្សាយរបាយការណ៍របស់ខ្លួននាថ្ងៃអង្គារនេះថា ការលក់រថយន្តកូនកាត់ (ស៊ីសាំង និងភ្លើង) និងរថយន្តអគ្គិសនីសុទ្ធ នៅទូទាំងពិភពលោក បានកើនឡើង ៣០,៥ ភាគរយ ក្នុងខែកញ្ញា ដោយចិននាំមុខគេលើការលក់ ខណៈទីផ្សារនៅអឺរ៉ុបស្ទុះងើបឡើងវិញ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបង្ហាញថា រថយន្តអគ្គិសនី ទាំងប្រភេទកូនកាត់ និងសុទ្ធ ប្រមាណ ១,៦៩ លានគ្រឿង ត្រូវបានលក់ទូទាំងពិភពលោកនៅខែកញ្ញា។ ការលក់ក្នុងប្រទេសចិន បានកើនឡើង ៤៧,៩ ភាគរយ ក្នុងខែកញ្ញា ក្នុងចំនួនសរុបប្រមាណ ១,១២ លានគ្រឿង ខណៈនៅសហរដ្ឋអាមេរិក និងកាណាដា ការលក់បានកើនឡើង ៤,៣ ភាគរយ ដល់ ០,១៥ លានគ្រឿង។

ចំណែកឯនៅអឺរ៉ុបវិញ ការលក់រថយន្តអគ្គិសនី បានកើនឡើងដល់ ៤,២ ភាគរយ ដល់ ០,៣ លានគ្រឿង ជំរុញដោយកំណើន ២៤ ភាគរយ នៅចក្រភពអង់គ្លេស និងកំណើនក្នុងប្រទេសអ៊ីតាលី អាល្លឺម៉ង់ និងដាណឺម៉ាក។

អ្នកគ្រប់គ្រងទិន្នន័យរបស់ Rho Motion លោក Charles Lester បានប្រាប់រ៉យទ័រថា កំណើននៃការលក់រថយន្តអគ្គិសនីនៅសហរដ្ឋអាមេរិកបានថយចុះ ដែលរួមចំណែកដោយឥទ្ធិពលនៃការបោះឆ្នោតប្រធានាធិបតីថ្ងៃទី ៥ ខែវិច្ឆិកា ខាងមុខ ដែលធ្វើឱ្យគេពិបាកព្យាករពីនិន្នាការទីផ្សារនាពេលអនាគតក្នុងប្រទេសនេះ។

ជាវិជ្ជមាន លោក Lester បានបន្តថា សន្ទុះនៃការទិញរថយន្តអគ្គិសនីក្នុងប្រទេសចិនកំពុងហក់ឡើង ជាមួយនឹងល្បឿនលឿនជាងការរំពឹងទុក ហើយការលក់អាចបំបែកកំណត់ត្រាជារៀងរាល់ខែរហូតដល់ចុងឆ្នាំ៕

Related Topics:រថយន្តអគ្គិសនីចិន ការផ្លាស់ប្ដូរបៃតង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា