ព័ត៌មានអន្ដរជាតិ

ឥណ្ឌូណេស៊ីគ្រោងបញ្ជូនពលករជាង ៤ សែន នាក់ ឱ្យធ្វើការនៅបរទេសឆ្នាំនេះ ដើម្បីជំរុញសេដ្ឋកិច្ចក្នុងស្រុក

បានផុស

៤ ខែ មុន

នៅ

ថ្ងៃសុក្រ ១០ មករា ២០២៥

ដោយ

រដ្ឋាភិបាលឥណ្ឌូណេស៊ីបានឱ្យដឹងថា ខ្លួនគ្រោងនឹងបញ្ជូនលពលករប្រមាណ ៤២៥ ០០០ នាក់ ឱ្យទៅធ្វើការនៅបរទេសនៅឆ្នាំ ២០២៥ នេះ ដោយរំពឹងរកប្រាក់ចំណូលបរទេសប្រមាណ ១៨,៥ ប៊ីលានដុល្លារ។ នេះបើតាមការចុះផ្សាយរបស់សារព័ត៌មានក្នុងស្រុកឥណ្ឌូណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងការពារពលករទេសន្តរប្រវេសន៍ឥណ្ឌូណេស៊ី លោក Abdul Kadir Karding បានថ្លែងថា ការបញ្ជូនពលករជាង ៤ សែននាក់ទៅបរទេស រំពឹងថានឹងជំរុញកំណើនសេដ្ឋកិច្ចរបស់ប្រទេសជាតិរហូតដល់ប្រមាណ ០,៥២ ភាគរយ។

មន្រ្តីដដែលបន្តថា ក្នុងឆ្នាំ ២០២៤ ឥណ្ឌូណេស៊ីបានបញ្ជូនពលករប្រមាណ ២៩៧ ០០០ ចេញទៅធ្វើការក្រៅប្រទេស ដោយរកចំណូលបានប្រមាណ ១៥,៥ ប៊ីលានដុល្លារ និងជួញដល់កំណើនសេដ្ឋកិច្ច ០,៣៦ ភាគរយ។ វាក៏បានជួយកាត់បន្ថយភាពអត់ការងារធ្វើបានជិត ៤ ភាគរយ និងផ្តល់អត្ថប្រយោជន៍ដល់កម្មករក្នុងស្រុកចំនួន ៧,៤៧ លាននាក់។

ទោះបីបែបនេះក្ដី តួលេខឆ្នាំ ២០២៤ មិនបានគ្រប់តាមតម្រូវការកម្មករជាសកល ១,៣៥ លាននាក់នោះទេ។ ដើម្បីឆ្លើយតប រដ្ឋាភិបាលឥណ្ឌូណេស៊ីបានកំណត់គោលដៅខ្ពស់ជាងនោះ នៅឆ្នាំ ២០២៥ និងកំពុងជំរុញកិច្ចខិតខំប្រឹងប្រែងផ្សេងៗដើម្បីពង្រីកឱកាសការងារនៅក្រៅប្រទេស ហើយជំរុញសេដ្ឋកិច្ច។

គួរគូសបញ្ជាក់ថា បច្ចុប្បន្ន ឥណ្ឌូណេស៊ីមានប្រជាជន ៥ លាននាក់ កំពុងធ្វើការនៅទូទាំងប្រទេសចំនួន ១០០ ទូទាំងពិភពលោក ដូចជាម៉ាឡេស៊ី អារ៉ាប៊ីសាអ៊ូឌីត និងកូរ៉េខាងត្បូងជាដើម។ ចំនួនពលករខុសច្បាប់នៅបរទេស ក៏ត្រូវបានរំពឹងមានចំនួនប្រហាក់ប្រហែលគ្នានេះផងដែរ៕