ព័ត៌មានជាតិ
និយ័តករមូលបត្រកម្ពុជាលើកទឹកចិត្តឱ្យវិនិយោគលើភាគហ៊ុនក្នុងស្រុក
លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា(SERC) ណែនាំឱ្យវិនិយោគទៅលើភាគហ៊ុនក្នុងស្រុកជាមួយក្រុមហ៊ុនដែលស្គាល់ច្បាស់ និងជៀសវៀងទម្លាក់សាច់ប្រាក់ទៅលើទីផ្សារមួយដែលមិនបានស្គាល់។
ថ្លែងនៅក្នុងវេទិកាវិនិយោគិនលើកទី១ ស្តីពី “ការសន្សំមូលបត្រ” ដែលរៀបចំឡើងកាលពីពេលថ្មីៗកន្លងទៅនេះ លោក ស៊ូ សុជាតិ បានលើកឡើងថា បច្ចុប្បន្នយើងគួរតែវិនិយោគទៅលើភាគហ៊ុនក្នុងស្រុក ជាមួយក្រុមហ៊ុនដែលណាយើងស្គាល់ច្បាស់ និងកុំទម្លាក់សាច់ប្រាក់ទៅលើទីតាំង (ទីផ្សារ) មួយដែលយើងមិនស្គាល់។ ព្រោះ យើងមិនហ៊ាននិយាយថាទីតាំងនោះហានិភ័យ ឬយ៉ាងណានោះទេ ប៉ុន្តែប្រសិនបើយើងមិនស្គាល់ទីតាំងនោះទេ យើងគួរតែកុំទម្លាក់សាច់ប្រាក់វិនិយោគដូចគ្នាដែរ។
ក្នុងឱកាសនោះ លោក សេង ចាន់ធឿន នាយកប្រតិបត្តិនៃក្រុមហ៊ុនមូលបត្រ រ៉ូយ៉ាល់គ្រុប ម.ក មានប្រសាសន៍ដែរថា បច្ចុប្បន្នការសន្សំមានវិធីសាស្ដ្រច្រើនប្រភេទ ដោយអ្នកខ្លះសន្សំមាស និងអ្នកខ្លះសន្សំដី ប៉ុន្ដែសម័យថ្មីនេះយើងអាចសន្សំភាគហ៊ុន ហើយភាគហ៊ុនមានភាពងាយស្រួលក្នុងការសន្សំ ព្រោះមានភាពងាយស្រួលក្នុងការទិញ-លក់ និងមានសុវត្ថិភាព។
លោក បានបញ្ជាក់បន្ថែមថា «ការសន្សំភាគហ៊ុនគឺល្អ ព្រោះថាការសន្សំភាគហ៊ុនធ្វើឱ្យយើងកើនទ្រព្យដោយយើង ចាប់ផ្ដើម សន្សំបន្ដិចម្ដងៗ»។
កាលពីពេលថ្មីៗកន្លងទៅនេះ និយ័តករមូលបត្រកម្ពុជា (ន.ម.ក.) សហការជាមួយក្រុមហ៊ុនមូលបត្រ រ៉ូយ៉ាល់គ្រុប ម.ក រៀបចំវេទិកាវិនិយោគិនលើកទី១ ស្តីពី “កាសន្សំមូលបត្រ” ដល់មន្រ្តីរាជការនៃក្រសួងស្ថាប័នរដ្ឋកម្ពុជា សំដៅបង្ហាញនូវមូល-ដ្ឋានគ្រឹះពីវិស័យមូលបត្រ និងការរៀបចំខ្លួនដើម្បីក្លាយជាវិនិយោគិនមូលបត្រ។
ន.ម.ក. គឺជាអាជ្ញាធរដែលគ្រប់គ្រងការវិនិយោគពាក់ព័ន្ធវិស័យមូលបត្រកម្ពុជា ដោយតែងតែយកចិត្តទុកដាក់លើ ផលប្រយោជន៍ស្របច្បាប់ជាចម្បងរបស់វិនិយោគិន។ កន្លងមក ន.ម.ក. តែងតែរៀបចំ និងសហការជាមួយរដ្ឋបាលរាជធានី ខេត្ត ស្ថាប័នឯកជន និងគ្រឹះស្ថានអប់រំ ដើម្បីផ្សព្វផ្សាយពីវិស័យមូលបត្រនៅរាជធានី និងខេត្តទូទាំងព្រះរាជាណាចក្រកម្ពុជា។
ជាក់ស្តែង ចំពោះវេទិកាវិនិយោគិនលើកទី១ ស្តីពី “ការសន្សំមូលបត្រ” នេះ ត្រូវបានរៀបចំឡើងក្នុងគោលបំណងបង្ហាញនូវមូល-ដ្ឋានគ្រឹះពីវិស័យមូលបត្រ ការរៀបចំខ្លួនដើម្បីក្លាយជាវិនិយោគិនមូលបត្រ និងយុទ្ធសាស្រ្តវិនិយោគខ្លីៗ ក្នុងការប្រើប្រាស់ ទីផ្សារមូលបត្រជាជម្រើសថ្មីសម្រាប់ការវិនិយោគរបស់ខ្លួន ដោយផ្សារភ្ជាប់ទ្រឹស្តី និងការអនុវត្តការវិនិយោគជាក់ស្តែងក្នុងផ្សារមូលបត្រកម្ពុជា តាមរយៈកម្មវិធី CSX Trade ព្រមទាំងប្រែក្លាយវេទិកាវិនិយោគនេះទៅជាឧបករណ៍សម្រាប់ការរៀបចំយុទ្ធសាស្រ្តវិនិយោគរបស់ខ្លួននាពេលអនាគតផងដែរ។
វេទិកាវិនិយោគិនលើកទី១នេះ រៀបចំឡើងនៅអគារទីស្ដីការអាជ្ញាធរសេវាហិរញ្ញវត្ថុមិនមែនធនាគារដែលមានការចូលរួមផ្ទាល់ពីថ្នាក់ដឹកនាំ និងមន្រ្តីរាជការនៃក្រសួង និងស្ថាប័នសាធារណៈប្រមាណ ១០០ នាក់ និងមានវាគ្មិនមកពី ន.ម.ក., ផ្សារមូលបត្រកម្ពុជា (ផមក) និងក្រុមហ៊ុនមូលបត្រ រ៉ូយ៉ាល់គ្រុប ម.ក ៕
របបយោធាមីយ៉ាន់ម៉ាបង្កើនការវាយប្រហារដោយសម្លាប់ជនស៊ីវិល១៣នាក់បន្ថែមទៀត
ពេជ្រ សម្បត្តិ សារភាពថាចូលប៉ុន្មានដៃរបស់ Mario Alvarez ឡើងទាញ ប៉ុន្តែទប់ស្មារតីវិញបាន
រដ្ឋាភិបាលកំពុងរៀបចំធ្វើសមាហរណកម្មទិន្នន័យសហគ្រាសធុនតូច និងមធ្យមនៅកម្ពុជា
សន្ទុះអ្នកទេសចរទៅកម្សាន្តនៅខេត្តកោះកុង កើនឡើងទ្វេដង ក្រោយផ្លូវជាតិលេខ៤៨ និងផ្លូវជាតិលេខ១០ ស្ថាបនាជិតរួចរាល់
ផ្លូវភ្លោះពីរង្វង់មូលខ្លាស្ទុះ ទៅរង្វង់មូលព្រាបស ក្នុងក្រុងក្រចេះចាប់ផ្តើមចាក់ក្រាលថ្មមិចស្ទើររួចរាល់ទាំងស្រុង
ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស
គ្មានឈ្មោះ ពូទីន ទេ ក្នុងបញ្ជីគណៈប្រតិភូរុស្ស៊ី ដែលនឹងទៅចរចាជាមួយ អ៊ុយក្រែន នៅ តួកគី
គ្រួសារសេសសល់អគារអង្គរមានជ័យ ៣ គ្រួសារ បន្ទាបតម្លៃសំណង ១ គ្រួសារព្រមអភិវឌ្ឍនៅកន្លែង
ក្រសួងការងារ៖ សពពលករខ្មែរប្តីប្រពន្ធ២រូប ត្រូវបានដឹកមកដល់កម្ពុជាហើយ ដើម្បីបន្តធ្វើបុណ្យតាមប្រពៃណី ក្រោមការសម្របសម្រួលយ៉ាងយកចិត្តទុកដាក់
កិច្ចប្រជុំកំពូល ពូទីន-ហ្សេលេនស្គី-ត្រាំ មិនទាន់ចាប់ផ្ដើមផងក៏បរាជ័យបាត់ហើយ
-
ជីវិតកម្សាន្ដ៤ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
សន្តិសុខសង្គម១ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៣ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ១ សប្តាហ៍ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានជាតិ៧ ថ្ងៃ agoអ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ
-
ព័ត៌មានអន្ដរជាតិ៧ ថ្ងៃ agoប៉ាគីស្ថាន អះអាងបាញ់ទម្លាក់យន្តហោះគ្មានមនុស្សបើករបស់ឥណ្ឌា ១២គ្រឿងទៀត