កូវីដ-១៩

គិតត្រឹមថ្ងៃនេះ ខេត្តកំពង់ស្ពឺ រកឃើញអ្នកឆ្លងកូវីដ-១៩ ចំនួន១២នាក់

បានផុស

៣ years មុន

នៅ

ថ្ងៃអង្គារ ២៧ មេសា ២០២១

ដោយ

មន្ត្រីសុខាភិបាលខេត្តកំពង់ស្ពឺ និងអាជ្ញាធរបានស្រាវជ្រាវរកឃើញអ្នកវិជ្ជមានកូវីដ-១៩ ០៣នាក់បន្ថែមទៀត នៅស្រុកឧដុង្គ ដែលធ្វើចំនួនអ្នកផ្ទុកកូវីដកើនដល់១២នាក់ ដែលកំពុងសម្រាកព្យាបាលក្នុងមជ្ឈមណ្ឌលអភិវឌ្ឃន៍ជនបទកម្ពុជា-កូរ៉េ នៅរសៀលថ្ងៃទី២៧ ខែមេសា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមមន្ត្រីប្រចាំក្នុងមណ្ឌលព្យាបាលអ្នកជំងឺកូវីដ-១៩ ខាងលើ បានប្រាប់ឲ្យដឹងថា ស្ថានភាពជំងឺកូវីដ-១៩ ពិតជាមិនទាន់ថមថយមែនហើយនៅថ្ងៃទី២៧ ខែមេសានេះ មន្ត្រីសុខាភិបាលបានរកឃើញអ្នកវិជ្ជមានកូវីដ-១៩ ចំនួន០៣នាក់បន្ថែមទៀតពីស្រុកឧដុង្គ។ ប្រភពបន្តថា អ្នកជំងឺដែលឆ្លងថ្មីនេះភាគច្រើនឆ្លងចេញពីរោងចក្រនៅបែកចាន។ ដូចនេះអ្នកឆ្លងកូវីដ កំពុងសម្រាកព្យាបាលនៅក្នុងមណ្ឌលកើនដល់១២នាក់ និងមានច្រើននាក់កំពុងធ្វើចត្តាឡីស័ក តាមមណ្ឌលនានាព្រមទាំងតាមផ្ទះផងដែរ។

ក្រុមគ្រូពេទ្យបានក្រើនរម្លឹកដល់បងប្អូនប្រជាពលរដ្ឋសូមមេត្តាប្រុងប្រយ័ត្នឲ្យបានខ្ពស់ជាពិសេសត្រូវអនុវត្តន៍តាមវិធានការសុខាភិបាល «៣ការពារ ៣កុំ» ជាប្រចាំ ដើម្បីជៀសផុតពីជំងឺដ៏កាចសាហាវនេះ។

សូមបញ្ជាក់ថា នៅថ្ងៃទី២៧ ខែមេសា ឆ្នាំ២០២១នេះ តាមការប្រកាសព័ត៌មានរបស់ក្រសួងសុខាភិបាលបានរកឃើញអ្នកឆ្លងជំងឺកូវីដ-១៩ ថ្មី មានចំនួន៥០៨នាក់ ជាសះស្បើយ ១២៧នាក់។ គិតត្រឹមថ្ងៃនេះ ចំនួនអ្នកឆ្លងសរុប ១១០៦៣នាក់ ចំនួនអ្នកជាសះស្បើយ ចំនួន៣៧០៤នាក់ និងចំនួនអ្នកស្លាប់កើតឡើង ចំនួន៨២នាក់ផងដែរ៕

អត្ថបទ៖ ភួង រដ្ឋា

សូមចុចអាន៖