កូវីដ-១៩

តាកែវ រកឃើញអ្នកឆ្លងជំងឺកូវីដ១៩ ចំនួន៥១នាក់បន្ថែមទៀត ភាគច្រើនជាកម្មកររោងចក្រ

បានផុស

៣ years មុន

នៅ

ថ្ងៃចន្ទ ១៧ ឧសភា ២០២១

ដោយ

រដ្ឋបាលខេត្តតាកែវបានប្រកាសរកឃើញអ្នកឆ្លងជំងឺកូវីដ១៩ថ្មី ចំនួន៥១នាក់បន្ថែមទៀត នៅថ្ងៃទី១៦ ខែឧសភា ឆ្នាំ២០២១ ដែលភាគច្រើនជាកម្មកររោងចក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់រដ្ឋបាលខេត្តតាកែវ បានឲ្យដឹងនៅថ្ងៃទី១៧ឧសភានេះថា ក្នុងចំណោមអ្នកឆ្លង៥១នាក់ថ្មីនេះ ក្នុងនោះភាគច្រើនជាកម្មករបម្រើការងារនៅរោងចក្រសាន់បូហើយក្រៅពីនេះជាកសិករ អាជីវករនាក់និងជាងពិដាន។ បើគិតត្រឹមព្រឹកថ្ងៃទី១៧ ខែឧសភា ឆ្នាំ២០២១នេះ ខេត្តតាកែវបានរកឃើញអ្នកឆ្លងជំងឺកូវីដ១៩សរុបប្រមាណជាង៤៤០នាក់ ក្នុងនោះជាសះស្បើយចំនួនជាង៣៥០ និងបញ្ជូនទៅព្យាបាលនៅភ្នំពេញ១០នាក់និ ងស្លាប់ចំនួន៤នាក់ស្រី០២នាក់។

បើតាមលោកវេជ្ជបណ្ឌិត នុត ស៊ី ណាត ប្រធានមន្ទីរសុខាភិបាលខេត្តតាកែវ បានមានប្រសាសន៍ថា អ្នកឆ្លងជំងឺកូវីដ១៩ នៅខេត្តតាកែវ មាន៩០%ជាកម្មកររោងចក្រ។

លោកប្រធានមន្ទីរសុខាភិបាល សូមអំពាវនាវដល់ប្រជាពលរដ្ឋ ត្រូវអនុវត្តកាតព្វកិច្ចពាក់ម៉ាសនិងកាតព្វកិច្ចរក្សាគម្លាតសុវត្ថិភាព ឲ្យបានម៉ឺងម៉ាត់បំផុតពិសេសអនុវត្តវិធានការ៣ការពារ៣កុំឲ្យបានខ្ជាប់ខ្ជួនជាទីបំផុត។ លោកវេជ្ជបណ្ឌិត នុត ស៊ីណាត បានបន្ថែមទៀតថា ជាងនេះទៀត ត្រូវធ្វើចត្តាឡីស័កឲ្យបានត្រឹមត្រូវតាមការណែនាំរបស់ក្រសួងសុខាភិបាលដូចជាពាក់ម៉ាស កុំប្រឡែងគ្នានិងត្រូវរក្សាគម្លាតពីគ្នា ដើម្បីចៀសវាងការឆ្លងជំងឺកូវីដ១៩ ពីបុគ្គលមួយទៅបុគ្គលមួយទៀត នៅក្នុងកំឡុងពេលធ្វើចត្តាឡីស័កនេះ៕

អត្ថបទ៖ សំអឿន

សូមចុចអាន៖ ទើបត្រឡប់មកពីប្រទេសថៃ អាជ្ញាធរយកទៅធ្វើចត្តាឡីស័ក បែរជាលួចរត់គេចខ្លួន