កូវីដ-១៩

បងប្អូនកុំយល់ច្រឡំ បើកផ្សារឡើងវិញនៅថ្ងៃ ២៤ ឧសភានេះ បានតែផ្នែកគ្រឿងម្ហូបអាហារតែប៉ុណ្ណោះ

បានផុស

៣ years មុន

នៅ

ថ្ងៃសុក្រ ២១ ឧសភា ២០២១

ដោយ

នៅថ្ងៃទី ២៤ ឧសភា នេះ អាជ្ញាធររាជធានីភ្នំពេញ បានសម្រេចអនុញ្ញាតិឲ្យបើកដំណើរការផ្សាររដ្ឋទាំងអស់ឡើងវិញ។ ដោយឡែក ផ្សារមិនរៀបរយដូចជាផ្សារក្រមួន ផ្សារចាត់តាំង ផ្សាររោងចក្រ ផ្សារសហគមន៍ ផ្សារក្នុងដីឡូតិ៍ឯកជន ផ្សារជុំវិញមន្ទីរពេទ្យ ផ្សារតាមចិញ្ចើមផ្លូវ នៅមិនទាន់អនុញ្ញាតិឲ្យបើកដំណើរការឡើងវិញទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមសេចក្តីសម្រេច ការបើកឲ្យអាជីវករលក់ដូរឡើងវិញ គឺបានតែផ្នែកទំនិញជាគ្រឿងឧបភោគ បរិភោគដែលជាតម្រូវការប្រចាំថ្ងៃតែប៉ុណ្ណោះ។ ចំពោះតូបអាហារ និងតូបភេសជ្ជៈក្នុងបរិវេណផ្សារដែលបើកឲ្យលក់ដូរ មិនត្រូវទទួលអតិថិជនឲ្យចូលមកទទួលទានឡើយ គឺត្រូវលក់ដូរជាលក្ខណៈវេចខ្ចប់ជាដាច់ខាត។

រដ្ឋបាលរាជធានីភ្នំពេញ ក៏បានណែនាំដល់គណៈគ្រប់គ្រងផ្សារ ត្រូវកំណត់ចំនួនអតិថិជនចេញចូល ដើម្បីរក្សាឲ្យបានដាច់ខាត នូវគម្លាតសុវត្ថិភាពបុគ្គល-សង្គម និងដើម្បីធានាឲ្យមានខ្យល់ចេញចូលគ្រប់គ្រាន់ ចៀសវាងការប្រជ្រៀតគ្នា ឬប្រមូលផ្តុំមនុស្សច្រើន ដែលជាហានិភ័យនៃការចម្លងវិរុសកូវីដ ១៩។ បន្ថែមពីនេះ ត្រូវគូសគំនូសសម្រាប់អតិថិជនដើម្បីរក្សាគម្លាត ១,៥ ម៉ែត្រ ជាចាំបាច់ក្នុងបរិវេណផ្សារនីមួយៗ។

Related Topics:កូវីដ-១៩