កូវីដ-១៩

ស្ត្រីម្នាក់នៅខេត្តកំពត បានស្លាប់ដោយសារជំងឺកូវីដ១៩ ខណៈមានសភាពសន្លប់បាត់ស្មារតី

បានផុស

៣ years មុន

នៅ

ថ្ងៃអង្គារ ២២ មិថុនា ២០២១

ដោយ

ស្ត្រីម្នាក់នៅខេត្តកំពតមានសភាពសន្លប់បាត់ស្មារតីបណ្ដាលមកពីហត់ដង្ហក់គ្រុនក្តៅ ក្អកនិងមានសភាពធ្ងន់ធ្ងរខ្លាំងបានស្លាប់ដោយសារជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្តីជួនដំណឹងរបស់រដ្ឋបាលខេត្តកំពតបានឱ្យដឹងថា ស្ត្រីដែលស្លាប់នោះមានឈ្មោះហ៊ិន មុំ អាយុ៦០ឆ្នាំ មានអាសយដ្ឋាននៅភូមិពញាអង្គ ឃុំវត្តអង្គខាងជើង ស្រុកបន្ទាយមាសខេត្តកំពត បានស្លាប់បាត់បង់ជីវិតដោយសារជំងឺកូវីដ១៩។

ស្ត្រីរូបនេះ បានចូលមកសម្រាកព្យាបាលនៅមន្ទីរពេទ្យបង្អែកស្រុកអង្គរជ័យនាថ្ងៃទី១៨ ខែមិថុនា ឆ្នាំ២០២១ វេលាម៉ោង៣និង២០នាទីរសៀល ក្នុងស្ថានភាពសន្លប់បាត់ស្មារតីបណ្ដាលមកពីហត់ដង្ហក់គ្រុនក្តៅ ក្អកនិងមានសភាពធ្ងន់ធ្ងរខ្លាំង ក្រុមគ្រូពេទ្យបានជួយសង្គ្រោះភ្លាមៗយ៉ាងយកចិត្តទុកដាក់ ប៉ុន្តែដោយស្ថានភាពអ្នកជំងឺធ្ងន់ធ្ងរពេកគាត់ ក៏បានទទួលមរណភាពនៅថ្ងៃទី២០ ខែមិថុនា ឆ្នាំ២០២១ វេលាម៉ោង១និង៤៥នាទីរសៀល។

តាមការសន្និដ្ឋានរបស់ក្រុមគ្រូពេទ្យ ស្ត្រីអាយុ៦០ឆ្នាំខាងលើ បានស្លាប់ដោយសារវិបត្តិផ្លូវដង្ហើមស្រួចស្រាវ រលាកសួតធ្ងន់ធ្ងរ ដោយសារជំងឺកូវីដ១៩។

គួរបញ្ជាក់ថា គិតត្រឹមថ្ងៃទី២១ ខែមិថុនា ឆ្នាំ២០២១នេះ ខេត្តកំពតមានអ្នកឆ្លងជំងឺកូវីដ១៩ចំនួន១០៥៩នាក់ ជាសះស្បើយចំនួន៦៧៤នាក់ កំពុងសម្រាកពេទ្យចំនួន៣៧៤នាក់ និងស្លាប់ចំនួន១១នាក់៕

អត្ថបទ៖ សំអឿន

សូមចុចអាន៖ កម្មការិនីរោងចក្រនៅខេត្តស្វាយរៀងម្នាក់បានស្លាប់នៅផ្ទះ ពេលធ្វើតេស្តទើបឃើញមានវិជ្ជមានកូវីដ១៩

Related Topics:ខេត្តកំពត