ព័ត៌មានជាតិ
រកឃើញកម្មករ និងអាជីវករនៅផ្សារកណ្ដាល ១៧ នាក់ឆ្លងកូវីដ១៩
រដ្ឋបាលរាជធានីភ្នំពេញបានសម្រេចបិទផ្សារកណ្តាលបណ្តោះអាសន្ន បន្ទាប់ពីរកឃើញកម្មករ និងអាជីវករ១៧ នាក់ ឆ្លងកូវីដ១៩ កាលពីថ្ងៃទី១២ ខែកក្កដា ឆ្នាំ២០២១។ អ្នកវិជ្ជមានចំនួន១៧នាក់ មានស្រី៩នាក់ ត្រូវបានបញ្ជូនទៅព្យាបាល។
អជ្ញាធរខណ្ឌដូនពេញបានបញ្ជាក់នៅព្រឹកថ្ងៃទី១៣ខែកក្កដាឆ្នាំ២០២១នេះថា គោលដៅយកសំណាកនៅចំណុចផ្លូវលេខ១៤៨កែងផ្លូវ១៣ ភូមិ៦ សង្កាត់ ផ្សារកណ្ដាលទី១ ខណ្ឌដូនពេញ រាជធានីភ្នំពេញ ដោយគិតចាប់ថ្ងៃទី១១និងថ្ងៃទី១២ខែកក្កដា ឆ្នាំ២០២១ ដោយក្រុមគ្រូពេទ្យTYDAបានយកសំណាកលើ បុគ្គលិក និងអាជីវករផ្សារសរុបចំនួន១៨២នាក់ ។
ក្រោយពីយកសំណាកចប់រយះពេល២ថ្ងៃជាប់គ្នានោះ គ្រូពេទ្យរកឃើញអ្នកវិជ្ជមានចំនួន១៧នាក់ ក្នុងនោះស្រី៩នាក់។ គួរបញ្ជាក់ថា អាជ្ញាធររាជធានីភ្នំពេញ បានសម្រេចផ្អាកដំណើរការជាបណ្ដោះអាសន្នផ្សារកណ្តាលចំនួន១៤ថ្ងៃ ក្រោយពីក្រុមគ្រួពេទ្យរកឃើញមានកូវីដ-១៩។
ផ្សារកណ្តាល ដែលមានទីតាំងស្ថិតក្នុងសង្កាត់ផ្សារកណ្តាលទី១ ខណ្ឌដូនពេញ ត្រូវផ្អាកដំណើរការរយៈពេល ១៤ (ដប់បួន) ថ្ងៃ គិតចាប់ពី ម៉ោងសូន្យ នាថ្ងៃទី១៣ ខែកក្កដា ឆ្នាំ២០២១ រហូតដល់ថ្ងៃទី២៦ ខែកក្កដា ឆ្នាំ២០២១ ។ សន្តិសុខ បុគ្គលិក-កម្មករ អាជីវករ អតិថិជន និងអ្នកពាក់ព័ន្ធ ត្រូវចូលរួមសហការ ជាមួយអាជ្ញាធរ មូលដ្ឋាន មន្ត្រីជំនាញ និងមន្ត្រីសុខាភិបាល ដើម្បីទៅយកសំណាកវិភាគរកមេរោគ និងត្រូវធ្វើចត្តាឡីស័កឱ្យបាន ត្រឹមត្រូវតាមការណែនាំរបស់ក្រសួងសុខាភិបាល។ គណៈកម្មការផ្សារកណ្តាល ត្រូវចូលរួមសហការជាមួយអាជ្ញាធរមូលដ្ឋាន មន្ត្រីជំនាញ និងមន្រ្តីសុខាភិបាល ដើម្បីស្រាវជ្រាវ និងកំណត់អ្នកប៉ះពាល់ផ្សេងៗទៀត ព្រមទាំងចូលរួមសហការអនុវត្តរាល់វិធានការរដ្ឋបាល និងវិធានការសុខាភិបាលឱ្យបានម៉ឺងម៉ាត់៕
អត្ថបទ៖ រស្មី
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ