កូវីដ-១៩
WHO ៖ អ្នកស្លាប់ដោយកូវីដនៅលើលោកកើនឡើងជាថ្មីម្តងទៀត ក្រោយធ្លាក់ចុះ ១០ សប្ដាហ៍
ប្រមុខអង្គការសុខភាពពិភពលោក (WHO) បាននិយាយកាលពីថ្ងៃចន្ទថា ការស្លាប់ដោយសារជំងឺកូវីដ ១៩ កំពុងកើនឡើងជាថ្មីម្ដងទៀត ក្រោយធ្លាក់ចុះរយៈពេល ១០ សប្ដាហ៍ ខណៈវីរុសនេះកំពុងរាលដាលពាសពេញពិភពលោក ក្នុងល្បឿនមួយដ៏ខ្លាំងក្លា ។
លោក Tedros Ghebreyesus បាននិយាយនៅក្នុងសិក្ខាសាលារបស់ WHO ស្តីពីជំងឺកូវីដ ១៩ ថា កាលពីសប្តាហ៍មុនគឺជាសប្តាហ៍ទី ៤ ជាប់ៗគ្នា នៃការកើនឡើងករណីឆ្លងនៅទូទាំងពិភពលោក ។ យើងបន្តរាយការណ៍ពីគ្រប់តំបន់ទាំងអស់នៃពិភពលោក អំពីសមត្ថភាពរបស់មន្ទីរពេទ្យនៅក្នុងប្រទេសក្រីក្រ” ។
លោកបានបន្ថែមថា “នៅក្នុងប្រទេសដែលទទួលបានការចាក់វ៉ាក់សាំងខ្ពស់ វីរុសបំប្លែងខ្លួនឥណ្ឌា “Delta” ក៏កំពុងរីករាលដាលយ៉ាងឆាប់រហ័សផងដែរ ជាពិសេសឆ្លងមនុស្សដែលគ្មានការការពារ និងងាយរងគ្រោះ ហើយដាក់សម្ពាធជាបណ្តើរៗទៅលើប្រព័ន្ធសុខាភិបាល ខណៈវីរុសបំប្លែងខ្លួនមួយនេះ បច្ចុប្បន្នកំពុងរាលដាលដល់ប្រទេសចំនួន ១០៤ ហើយ” ។
លោកបាននិយាយថា សូម្បីតែប្រទេសដែលគ្រប់គ្រងកូវីដរលកដំបូងដោយជោគជ័យ តាមរយៈវិធានការសុខភាពសាធារណៈ ឥឡូវនេះប្រឈមនឹងការផ្ទុះឡើងយ៉ាងខ្លាំងផងដែរ ។
ប្រធាន WHO រូបនេះបាននិយាយថា “ជាពិសេសនៅក្នុងប្រទេសដែលមានប្រាក់ចំណូលទាប បុគ្គលិកសុខាភិបាលកំពុងហត់នឿយ ប្រយុទ្ធដើម្បីជួយសង្គ្រោះជីវិតមនុស្ស ក្នុងពេលកំពុងខ្វះខាតសម្លៀកបំពាក់ការពារវីរុស (PPE) អុកស៊ីសែន និងការព្យាបាលជាដើម” ។
លោក Tedros បាននិយាយថា “សាររបស់ខ្ញុំនៅថ្ងៃនេះគឺថា យើងកំពុងជួបប្រទះនូវភាពអាសន្នផ្នែកសុខភាពសាធារណៈកាន់តែអាក្រក់ទៅៗ ដែលគំរាមកំហែងដល់អាយុជីវិត ការចិញ្ចឹមជីវិត និងការស្ដារសេដ្ឋកិច្ចពិភពលោកឡើងវិញ” ។
គួរបញ្ជាក់ថា គិតត្រឹមពេលជំងឺកូវីដ ១៩ បានសម្លាប់ប្រជាជននៅលើពិភពលោកជាង ៤ លាននាក់ហើយ និងឆ្លងជាង ១៨៨ លានករណី ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ មេ WHO ព្រមានថា “យើងអាចធុញនឹងកូវីដ ប៉ុន្តែវាមិនធុញជាមួយយើងទេ”
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ