ជីវិតកម្សាន្ដ
ព្រឹទ្ធាចារ្យសិល្បៈល្បីៗ៤រូប អនិច្ចកម្មដោយសារកូវីដ-១៩ បន្សល់ទុកមរតកស្នាដៃជាច្រើន
គិតមកដល់ចុងឆ្នាំ២០២១នេះ ត្រូវបានទស្សនិកជនកត់សម្គាល់ឃើញថា មានព្រឹទ្ធាចារ្យសិល្បៈជើងចាស់ល្បីៗរបស់ខ្មែរចំនួន៤រូបហើយ ដែលបាត់បង់ជីវិតដោយសារតែជំងឺកូវីដ-១៩ គួរឲ្យសោកស្តាយខ្លាំងបំផុត។
ជាការពិតសម្រាប់ការបាត់បងធនធានអ្នកសិល្បៈជើងចាស់ល្បីៗទាំងនោះបានធ្វើឲ្យមហាជនមាន ការសោកស្តាយនិងក្តុកក្តួលខ្លាំងបំផុត។ព្រឹទ្ធាចារ្យសិល្បៈជើងចាស់ល្បីៗរបស់ខ្មែរ៤រូបដែលទទួលម រណភាពដោយសារកូវីដនោះរួមមាន៖
១.ព្រឹទ្ធាចារ្យ ម៉ៅ អាយុទ្ធ បានទទួលមរណភាពកាលពីថ្ងៃទី១៥ ខែមេសា ឆ្នាំ២០២១ ក្នុងជន្មាយុ៧៧ឆ្នាំ ដោយសារជំងឺកូវីដ-១៩។ ព្រឹទ្ធាចារ្យ ម៉ៅ អាយុទ្ធ គឺជារដ្ឋលេខាធិការក្រសួងព័ត៌មាន និងក៏ជាផលិតករខ្សែភាពយន្តខ្មែរដ៏ល្បីឈ្មោះមួយរូបផងដែរ ក្នុងចំណោមផលិតករជាច្រើនទៀត។
២. ព្រឹទ្ធាចារ្យទេវនាដផ្នែករបាំក្បាច់បុរាណខ្មែរ ឯមធាយ បានទទួលមរណភាពនៅវេលលាម៉ោង១២ និង២០នាទីរំលងអធ្រាត្រចូលថ្ងៃទី១៥ខែមិថុនាឆ្នាំ ២០២១នេះក្នុងជន្មាយុ៨៨ ឆ្នាំ។សពរបស់គាត់ត្រូវបានបូជាភ្លាមៗផងដែរក្រោយតេស្តសំណាករកឃើ ញជំងឺកូវីដ-១៩។
៣. ព្រឹទ្ធាចារ្យ លី ប៊ុនយីម បានទទួលមរណភាព ក្នុងជន្មាយុ៨៥ឆ្នាំ ដោយសារជំងឺកូវីដ-១៩កាលពីថ្ងៃទី២៨ ខែកញ្ញា ឆ្នាំ២០២១ កន្លងទៅថ្មីៗនេះ។ ព្រឹទ្ធាចារ្យ លី ប៊ុនយីម បើនិយាយពីវិស័យភាពយន្ដខ្មែរ នៅអតីតកាលមហាជនធ្លាប់បានស្គាល់ពីស្នាដៃរបស់អ្នកនិពន្ធ និងជាផលិតករភាពយន្តជើងចាស់លោក លី ប៊ុនយីម។ លោក លី ប៊ុនយីម ធ្លាប់មានកេរ្តិ៍ឈ្មោះល្បីរន្ទឺនាទសវត្សរ៍ទី៦០ដែលគេប្រសិទ្ធនាមថា ជាយុគមាសនៃវិស័យភាពយន្ត។
៤.ព្រឹទ្ធាចារ្យ ហេ ជុនសិ បានទទួលមរណភាព កាលពីថ្ងៃទី១០ ខែតុលា ឆ្នាំ២០២១ នៅមណ្ឌលព្យាបាលជំងឺកូវីដ-១៩ ស្តាតអូឡាំពិក។ ព្រឹទ្ធាចារ្យ ហេ ជុន សិ គឺជាអតីតតន្ត្រីករវីយូឡុងជើងចាស់ដែលសិល្បករជំនាន់មុនស្គាល់ថា ជាជំនួយការដ៏ជិតស្និទ្ធបំផុតរបស់អធិរាជសំឡេងមាស ស៊ីន ស៊ីសាមុត។
សូមបញ្ជាក់ដែរថា ដំណឹងមរណទុក្ខដ៏ក្រៀមក្រំនិងសោកសៅចំពោះវីរសិល្បទាំង៤រូបនេះ បានធ្វើឲ្យមហាជននិងអ្នកគាំទ្រទូទាំងប្រទេស បានសម្តែងការចូលរួមសោកស្តាយយ៉ាងខ្លាំងជាមួយក្រុមគ្រួសារសព។ ម្យ៉ាងនេះ ក៏ជាការបាត់បង់ធនធានសិល្បៈដ៏មានតម្លៃផងដែរ។
ចំពោះវីរភាព និងមរតកស្នាដៃរបស់លោកព្រឹទ្ធាចារ្យទាំង៤រូបខាងលើក្ នុងវិស័យសិល្បៈខ្មែរបានធ្វើឲ្យមហាជនទូទាំងប្រទេស នៅចងចាំជានិច្ចគ្មានថ្ងៃបំភ្លេចបានឡើយ៕
អត្ថបទ៖ ចាន់រ៉ា
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ