ជីវិតកម្សាន្ដ

អាជី ស្ទើរបាត់បង់ជីវិត ដោយសារវះកាត់កែសម្ផស្ស ហើយមិនទទួលខុសត្រូវ

បានផុស

៩ ខែ មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

ថ្មីៗនេះមហាជន និងអ្នកប្រើប្រាស់បណ្តាញសង្គមហ្វេសប៊ុក មានការភ្ញាក់ផ្អើលគ្រប់គ្នាបន្ទាប់ពីឃើញអ្នកលក់អនឡាញល្បីឈ្មោះ តេង ស៊ីណាត ហៅ អាជី បានប្រកាសដំណឹងដ៏ចាប់អារម្មណ៍ជុំវិញ វេជ្ជបណ្ឌិតនៅគ្លីនិកមួយកន្លែង ធ្វើការវះកាត់នាងហើយមិនទទួលខុសត្រូវ ដោយទុកឲ្យនាងរងវិបត្តិជិតស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងនៅលើទំព័រហ្វេសប៊ុករបស់ អាជី កាលពីថ្ងៃទី០៦ខែវិច្ឆិកាកន្លងទៅ បានសរសេរបង្ហោះសារថា វះកាត់ហើយមានបញ្ហាដុកទ័ររត់បាត់ទុកឲ្យខ្ញុំរងវិបត្តិស្ទើរតែស្លាប់បាត់បង់ជីវិត ដោយសារអ្នកឯង។ ខ្ញុំនឹងបកស្បែកគ្លីនិកអ្នកឯងមិនឲ្យដើរបោកប្រជាជនខ្មែរទៀតទេ អរគុណដុកទ័រថៃដែលជួយខ្ញុំ។

អាជី បាននិយាយទៀតថា មាននាក់ខ្លះសើចយំខ្ញុំ ឌឺដងខ្ញុំទាំងដែលខ្ញុំកំពុងរងគ្រោះតែខ្ញុំមិនខឹងនឹងពួកគាត់ទេ ព្រោះខ្ញុំគិតថាមនុស្សដែលកំពុងសើចចំអកគេទាំងដែលគេមិនដែលធ្វើអី្វខ្លួនសោះ គឺជាមនុស្សដែលគ្មានខួរក្បាល។ ទោះបីខ្ញុំពេលនេះងើបមិនទាន់រួច តែខ្ញុំមិនចុះចាញ់ខ្ញុំនៅតែតស៊ូ ដើម្បីងើបមកឡាយបកស្បែកមុខពេទ្យដែលកំពុងតែដើរបោកគេឲ្យបានខ្ញុំនឹងមិនឲ្យវារួចខ្លួនហើយដើរបោកប្រជាជនខ្មែរតទៀតដែរ។

ជាមួយគ្នានេះ អាជី ក៏បានធ្វើការអំពាវនាវមហាជន និងអ្នកដែលចង់កែសម្ផស្សឲ្យប្រុងប្រយ័ត្នដែរថា ពីមួយថ្ងៃទៅមួយថ្ងៃខ្ញុំដេកបែបនេះរាល់ថ្ងៃ គឺដេកអស់សង្ឃឹមពេលនេះលុយក៏មិនអាចជួយខ្ញុំឲ្យដូចដើមបានទេ។ ពាក្យដែលខ្ញុំចង់ប្រាប់អ្នកទាំងអស់គ្នាពេលនេះថា មុននឹងសម្រេចចិត្តវះកាត់អ្វីមួយសូមគិតឲ្យច្បាស់សិនកុំឲ្យដូចខ្ញុំពេលនេះ៕

អត្ថបទ៖ ចាន់រ៉ា

Related Topics:អ្នកលក់អនឡាញ