(មានវីដេអូ) ម្ចាស់ប្រេន DW ចេញមុខសុំទោស ក្រោយចេញវីដេអូប្រែងប៉ះពាល់សេចក្ដីថ្លៃថ្នូរក្នុងសង្គម

ម្ចាស់ប្រេន និងអ្នកលក់អនឡាញល្បីឈ្មោះ DW បានចូលខ្លូនមកសុំទោស អគ្គស្នងការរង និងស្នងការនគរបាលរាជធានីភ្នំពេញ ជាសាធារណៈក្រោយបង្ហោះវីដេអូប្រែង (Prank) នៅលើបណ្ដាញសង្គមបង្កផលប៉ះពាល់សេចក្ដីថ្លៃថ្នូរក្នុងសង្គម។

នេះបើតាមរយៈវីដេអូសុំទោស លើផេកផ្លូវការរបស់ឧត្តមសេនីយ៍ឯក ជួន ណារិន្ទ ដែលជាអគ្គស្នងការរង និងស្នងការនគរបាលរាជធានីភ្នំពេញ ដោយភ្ជាប់ជាមួយខេបសិនថា សូមអ្នកលេងតាមបណ្ដាញសង្គមមួយចំនួនតូច ឈប់ប្រែង​ (Prank) ទៅ អ្វីដែលសង្គមស្អប់ខ្ពើម! សូមនាំគ្នា គោរពក្រមសីលធម៌ និង សុជីវធម៌។ បន្ថែមពីលើនេះ ឧត្តមសេនីយ៍ឯក ជួន ណារិន្ទ ក៏បានបន្តថា ខ្ញុំបាននិយាយហើយថា ខ្ញុំនឹងតាមដានជានិច្ច នូវអ្វីដែលធ្វើឱ្យប៉ះពាល់សេចក្ដីថ្លៃថ្នូរ សីលធម៌ និងសុជីវធម៌ របស់មនុស្ស​ និងសណ្ដាប់ធ្នាប់សង្គមជាតិ។

តាមការចេញមុខមកសុំទោសនេះ គឺក្រោយពីម្ចាស់ប្រេន និងជាអ្នកលក់អនឡាញរូបនេះ បានបង្ហោះវីដេអូជាច្រើននៅលើផេករបស់ខ្លួនជារឿយៗអំពីការឈ្លោះប្រកែកគ្នា និងប្រើប្រាស់អំពីហិង្សា ដែលធ្វើឲ្យប៉ះពាល់សេចក្ដីថ្លៃថ្នូរ សីលធម៌ និងសុជីវធម៌៕

វីដេអូ

អត្ថបទ៖ សន ផានិត