ជីវិតកម្សាន្ដ

ផលិតករបង្ហាញមុខតួឯកស្រី-ប្រុសសម្តែងក្នុងភាពយន្តចម្រៀងបទ «ទុក្ខស្រីប្តីព្រាត់»

បានផុស

៣ years មុន

នៅ

ថ្ងៃសុក្រ ២៨ មករា ២០២២

ដោយ

ផលិតករភាពយន្តដ៏ល្បីឈ្មោះលោក ហ្វៃ សំអាង ថ្មីៗនេះ បានទម្លាយនូវមុខមាត់ពិតរបស់តួឯកស្រី-ប្រុសនៅក្នុងភាពយន្តនិងចម្រៀងបែបប្រវត្តិសាស្ត្រ គឺបទ «ទុក្ខស្រីប្តីព្រាត់» ដែលជាការនិពន្ធទំនុកច្រៀងក្រោមស្នាដៃដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួឯកស្រី-ប្រុសនៅក្នុងភាពយន្តនិងចម្រៀងបទ «ទុក្ខស្រីប្តីព្រាត់» នេះ គឺលោក ប៉ាន់ ខែមម៉ានូ សម្តែងតួសម្តេចតេជោ ហ៊ុន សែន និងកញ្ញា ឈិន មុន្នីនាថ សម្តែងតួសម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុន សែន។ នេះបើយោងតាមការបញ្ជាក់ពីលោក ហ្វៃ សំអាង ។

ផលិតករល្បីឈ្មោះរូបនេះបានលើកឡើងថា តួឯកទាំងពីរដួងនៅក្នុងភាពយន្តចម្រៀង «ទុក្ខស្រីប្តីព្រាត់» និពន្ធទំនុកច្រៀងក្រោមស្នាដៃដ៏ខ្ពង់ខ្ពស់របស់សម្ដេចតេជោ ហ៊ុន សែន បទចម្រៀងដែលល្បីល្បាញខ្លាំង។ ដឹកនាំសម្តែងដោយលោក ហ្វៃ សំអាង ផលិតដោយសមាគមសិល្បករខ្មែរប្រធានអ្នកនាង ចន ច័ន្ទលក្ខិណា ។

លោក ហ្វៃ សំអាង បានបន្ថែមទៀតថា នៅក្នុងបទនេះដែរ ក៏មានការចូលរួមសម្តែងពីតារាល្បីៗដូចជា, លោក អ៊ុន សិទ្ធា ,លោក លឹម រដ្ឋា ,លោក អាដាម ,លោក សួន ពិសិដ្ឋ ,នាយ ស្ពៃ ,DJ ផាន់ រ៉ុង និងតារាជាច្រើនទៀតផងដែរ៕

អត្ថបទ៖ ចាន់រ៉ា