Connect with us

ជីវិតកម្សាន្ដ

តារាល្បីៗស្រាក់ដៃគ្នាជួយថវិកាសង្គ្រោះជីវិត អៀង ចេនឡា

បានផុស

នៅ

គិតមកទល់ពេលនេះស្ថានភាជំងឺរបស់តារាប្រុសលោក អៀង ចេនឡា មិនទាន់ធូស្រាលនៅឡើយទេ ពោលគឺកាន់តែវិឌ្ឍធ្ងន់ធ្ងរគួរឲ្យបារម្ភ។ ប៉ុន្តែរឿងដែលគេចាប់អារម្មណ៍ទៀតនោះ បន្ទាប់ពីទទួលព័ត៌មាននៃការធ្លាក់ខ្លួនឈឺរបស់លោក អៀង ចេនឡា គេឃើញមានសិល្បករ-សិល្បការិនីជាច្រើនបានសម្តែងក្តីរន្ធត់ខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះដែរ ក្រៅតែពីក្តីរន្ធត់និងអាណិតអាសូរចំពោះលោក អៀង ចេនឡា ក៏មានអ្នកសិល្ប:មួយចំនួនបានឧបត្ថម្ភថវិកាជួយដល់សង្គ្រោះជីវិត ព្រមទាំងជូនពរឲ្យតារារូបនេះឆាប់ជាសះស្បើយពីជំងឺគ្រប់គ្នា។ កត់សម្គាល់តារាល្បីៗដែលឧបត្ថម្ភថវិកាជួយលោក អៀង ចេនឡា រួមមាន កំពូលតារាចម្រៀងលោក ព្រាប សុវត្ថិ អ្នកនាង ចន ច័ន្ទលក្ខិណា អ្នកនាង សុគន្ធ និសា លោក G-Devith លោក សុគន្ធ ថេរ៉ាយុ លោក គង់ វិសា ល និង កញ្ញា សុខ សីឡាលីន ។

ជាមួយគ្នានេះបើតាមការបញ្ជាក់ពីពិធីករលោក សុខ រ៉ាស៊ី ដែលត្រូវជាប្អូនប្រុសបង្កើតរបស់លោក អៀង ចេនឡា ប្រាប់កម្ពុជាថ្មីឲ្យដឹងដែរថា រហូតមកទល់ពេលនេះស្ថានភាពជំងឺបងប្រុសលោក (ចេនឡា) កំពុងស្ថិតនៅក្នុងការសង្គ្រោះបន្ទាន់នៅឡើយ ។

លោក សុខ រ៉ាស៊ី បាននិយាយទៀតថា អាការជំងឺលោក អៀង ចេនឡា កាន់តែធ្ងន់ធ្ងរទៅៗស្ថិតក្នុងការព្រួយបារម្ភខ្លាំង។គាត់ហូបអ្វីមិនបានទេ ហើយក្រុមគ្រួពេទ្យប្រាប់ថា ស្ថានភាពជំងឺរបស់គាត់កាន់តែវិវឌ្ឍទៅមុខ។ លោកថា បច្ចុប្បន្នលោក អៀង ចេនឡា កំពុងស្ថិតនៅបន្ទប់សង្គ្រោះបន្ទាន់នៃមន្ទីពេទ្យកាល់ម៉ែត្រ។

ពិធីករ សុខ រ៉ាស៊ី បញ្ជាក់បន្ថែមថា អរគុណគ្រប់យ៉ាងគ្រានេះមានតែពាក្យសូមអរគុណដែលបងប្អូនបានជួយសម្រាលថ្លៃព្យាបាលបងប្រុសបង្កើតខ្ញុំ និងបងប្អូនសិល្បៈ ខណ:ពេលនេះបងប្រុសខ្ញុំគាត់ (អៀង ចេនឡា) ឈឺធ្ងន់នូវជំងឺរលាកស្រោមខួរក្បាលនិយាយលែងដឹងអីហើយ គាត់រវើរវាយបាត់បង់ការចងចាំទាំងអស់។ ម្យ៉ាងទៀតខ្ញុំក៏សូមអធ្យាស្រ័យផងដែរ សម្រាប់បងប្អូនអ្នកដែលហៅគាត់ធ្វើការងារទាំងប៉ុន្មាន៕

អត្ថបទ៖ ចាន់រ៉ា

ចុចអាន៖ ផ្ទុះការសរសើរ លីវ ជីលី គ្រប់គ្នាជាមួយឈុតបែបប្រពៃណីលើកពីតម្លៃស្ត្រីខ្មែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម